வரலாறு மன்னிக்காது: பா.ஜ.,வுக்கு ஆர்.எஸ்.எஸ்., எச்சரிக்கை!

Updated : நவ 29, 2022 | Added : நவ 29, 2022 | கருத்துகள் (61) | |
Advertisement
சென்னை: 'தமிழகத்தில் கிடைத்து உள்ள சாதகமான சூழலை வீணாக்கினால், வரலாறு மன்னிக்காது' என, பா.ஜ.,வுக்கு, ஆர்.எஸ்.எஸ்., எச்சரிக்கை விடுத்து உள்ளது.அடுத்த ஓராண்டில் இணைந்து செயல்படுத்த வேண்டிய செயல் திட்டங் களை வகுப்பதற்காக, ஆர்.எஸ்.எஸ்., - பா.ஜ., உள்ளிட்ட சங்பரிவார் அமைப்புகளின், மாநில அளவிலான இரண்டு நாட்கள் முகாம், சென்னை, அண்ணா நகரில் 26, 27 தேதிகளில் நடந்தது. 'சமன்வய பைட்டக்'
BJP, RSS, Bharatiya Janata Party

சென்னை: 'தமிழகத்தில் கிடைத்து உள்ள சாதகமான சூழலை வீணாக்கினால், வரலாறு மன்னிக்காது' என, பா.ஜ.,வுக்கு, ஆர்.எஸ்.எஸ்., எச்சரிக்கை விடுத்து உள்ளது.

அடுத்த ஓராண்டில் இணைந்து செயல்படுத்த வேண்டிய செயல் திட்டங் களை வகுப்பதற்காக, ஆர்.எஸ்.எஸ்., - பா.ஜ., உள்ளிட்ட சங்பரிவார் அமைப்புகளின், மாநில அளவிலான இரண்டு நாட்கள் முகாம், சென்னை, அண்ணா நகரில் 26, 27 தேதிகளில் நடந்தது. 'சமன்வய பைட்டக்' என்றழைக்கப்படும் இந்த முகாமில், ஆர்.எஸ்.எஸ்., இணைப் பொதுச்செயலர் மன்மோகன் வைத்யா, தென்னிந்திய தலைவர் வன்னியராஜன், செயலர் ராஜேந்திரன்.


அமைப்பாளர் செந்தில், மாநில அமைப்பாளர்கள் ரவிகுமார், ஆறுமுகம், தமிழக பா.ஜ., தலைவர் அண்ணாமலை, மாநில அமைப்பு பொதுச்செயலர் கேசவ விநாயகம், மகளிரணி தேசிய செயலர் வானதி, சட்டசபை பா.ஜ., தலைவர் நயினார் நாகேந்திரன் உள்ளிட்டோர் பங்கேற்றனர்.



அறிக்கை:


மேலும், ஹிந்து முன்னணி, வி.எச்.பி., - ஏ.பி.வி.பி., உள்ளிட்ட 30க்கும் அதிகமான சங்பரிவார் அமைப்புகளைச் சேர்ந்த, 170 பேர் கூட்டத்தில் பங்கேற்றனர். இந்த முறை பா.ஜ.,வில் இருந்து மாநில பொதுச்செயலர்கள் கருப்பு முருகானந்தம், சீனிவாசன், பாலகணபதி, கார்த்தியாயினி, ஏ.பி.முருகானந்தம், மூத்த தலைவர்கள் ஹெச்.ராஜா, பொன்.ராதாகிருஷ்ணன், சி.பி.ராதாகிருஷ்ணன் ஆகியோரும் அழைக்கப்பட்டு இருந்தனர்.


முதல் நாளான சனிக் கிழமை, பா.ஜ., உள்ளிட்ட அமைப்புகளின் மாநில அமைப்பு பொதுச்செயலர்கள், கடந்த ஓராண்டில் சாதித்தவை, சந்தித்த சவால்கள் குறித்தும், அடுத்த ஓராண்டில் திட்டமிட்டுள்ள செயல் திட்டங்கள் குறித்தும், அறிக்கை அளித்தனர்.


கூட்டத்தில் பங்கேற்ற ஆர்.எஸ்.எஸ்., இணைப் பொதுச்செயலர் மன்மோகன் வைத்யா பேசியதாவது: சங் பரிவார் அமைப்புகள் அனைத்தும் ஆர்.எஸ்.எஸ்., என்ற தாயின் பிள்ளைகள். ஒவ்வொரு பிள்ளையும் தனித்து, சாதிக்க வேண்டும் என்பது தான் தாயின் விருப்பமாக இருக்கும்.


அதுபோல, ஒவ்வொரு அமைப்பும் தமிழகத்தில் வலுவாக இருக்க வேண்டும். அதில் கவனம் செலுத்த வேண்டும் என்பதுதான் ஆர்.எஸ்.எஸ்., என்ற தாயின் விருப்பம். சில அமைப்புகள் பெயரளவில் மட்டுமே செயல்படுகின்றன; அந்நிலை மாற வேண்டும்.


latest tamil news

என்னதான் இயக்கம் வளர்ந்தாலும், மாநிலத்தில் அரசியல் அதிகாரம் இல்லாமல், எதையும் சாதிக்க முடியாது. அதற்கு கர்நாடகா, சிறந்த உதாரணம். எனவே, தமிழகத்திலும் அரசியல் அதிகாரத்தைப் பெற, அனைத்து அமைப்புகளும் உதவ வேண்டும். இவ்வாறு அவர் பேசியுள்ளார்.



ஆலோசனை:


அண்ணாமலை, கேசவ விநாயகம், வானதி உள்ளிட்ட பா.ஜ., முக்கிய நிர்வாகிகளுடன், மன்மோகன் வைத்யா தனியாக ஆலோசனை நடத்தி உள்ளார். அப்போது, 'தனி மனித ஒழுக்கம் சார்ந்து வெளிவரும் செய்திகள், தனி மனிதர்களை மட்டுமல்ல, இயக்கத்தையும் சேர்ந்தே பாதிக்கும். இதில் மிகுந்த எச்சரிக்கையாக இருக்க வேண்டும்.


'கடந்த, 2021 சட்டசபை தேர்தலுக்கு பின், தமிழகத்தில் பா.ஜ.,வுக்கு சாதகமான சூழல் உள்ளது. தி.மு.க., மீது மக்களுக்கு அதிருப்தி ஏற்பட்டுள்ளது. இதை பயன்படுத்த வேண்டும். இல்லையெனில், வரலாறு நம்மை மன்னிக்காது' என, அவர் கூறியதாக தெரிகிறது.


அண்ணாமலையின் செயல்பாடுகளை பாராட்டிய மன்மோகன் வைத்யா, 'தமிழக அரசியல் களத்தில் பா.ஜ., முக்கிய சக்தியாக இருப்பது மகிழ்ச்சி அளிக்கிறது. இது தேர்தல் முடிவுகளிலும் எதிரொலிக்க வேண்டும். 'நம் அரசியல் எதிரிகளும், சித்தாந்த எதிரிகளும் வலுவானவர்கள். அவர்களுக்கு எல்லை கடந்த சக்திகளும் உதவி வருகின்றன. எனவே, எச்சரிக்கையுடன் களப்பணியாற்ற வேண்டும்' என அறிவுறுத்தியதாக, ஆர்.எஸ்.எஸ்., வட்டாரங்கள் தெரிவிக்கின்றன.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (61)

சாண்டில்யன் - Paris,பிரான்ஸ்
30-நவ-202206:57:09 IST Report Abuse
சாண்டில்யன் அண்ணாமலை, கேசவ விநாயகம், வானதி உள்ளிட்ட பா.ஜ., முக்கிய நிர்வாகிகளுடன், மன்மோகன் வைத்யா தனியாக ஆலோசனை நடத்தி உள்ளார். அப்போது, 'தனி மனித ஒழுக்கம் சார்ந்து வெளிவரும் செய்திகள், தனி மனிதர்களை மட்டுமல்ல, இயக்கத்தையும் சேர்ந்தே பாதிக்கும். இதில் மிகுந்த எச்சரிக்கையாக இருக்க வேண்டும் - இந்த செய்தியின் ஹைலைட்டே இதுதான் C T ரவி விளாசியது போதவில்லை எனவே மீண்டும் எச்சரிக்கை திருந்த மாட்டாங்கப்பா
Rate this:
Cancel
MARUTHU PANDIAR - chennai,இந்தியா
29-நவ-202218:34:42 IST Report Abuse
MARUTHU PANDIAR கட்சியில் மரியாதை இல்லை,, பதவி கிடைக்காத ஏமாற்றம்,, 'இன மக்களுக்கு தன்னால் ஆன உதவிகள் செய்வதற்காக வேண்டி" என்றெல்லாம் ல்லாம் வெளிப் படையாகவே கூறி கட்சியில் இணைபவர்களால் ,,அர்ப்பணிப்பு சேவை மனப்பா ன்மை என்ற கொள்கை உடைய பா .ஜ போன்ற கட்சிக்கு எந்த பயனும் கிடைக்கப் போவது இல்லை+++பிரச்சினை தான்.
Rate this:
Cancel
MARUTHU PANDIAR - chennai,இந்தியா
29-நவ-202218:29:10 IST Report Abuse
MARUTHU PANDIAR ஐம்பது வருடத்துக்கு மேலாக ஒரு துவேஷம்,, நாலாந்தர நடவடிக்கை மற்றும் ஆபாச பேச்சு,, சாராயம், சினிமா,, மொழி இனம் என்று உணர்ச்சிகளைத் தூண்டி அதில் திருப்பி விடுவது,, குடும்ப கொத்தடிமைகேத் தனம்,,பார்ப்ப்பான வெறுப்பு,, தேசிய வெறுப்பு,,பிரிவினையென்னம் இவற்றை ஊட்டிக் கொண்டே இருத்தல்,வோட்டுக்கு பணம் ,,,வெற்று வாய்ஜாலத்தில் கட்டிப் போடுவது -இப்படி கணக்கற்ற துர்வாடை நிரம்பிய குட்டையில் தமிழக மக்களை ஊற வைத்து அதுவே சந்தன நறுமணம் என நம்ப வைத்திருக்கும் திராவிடக் கட்சியை தோலுரித்து அடையாளம் காட்டி இந்த மக்களை வெளியே கொண்டுவருவது சாதாரண விஷயமா? இன்னும் எத்தனை காலம் ஆகுமோ?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X