கோகுல்ராஜ் கொலை வழக்கு: பிறழ் சாட்சி மீது நீதிமன்ற அவமதிப்பு நடவடிக்கை

Added : நவ 30, 2022 | கருத்துகள் (3) | |
Advertisement
மதுரை:சேலம் மாவட்டம், ஓமலுாரைச் சேர்ந்த இன்ஜி., பட்டதாரி கோகுல்ராஜ், 2015ல் கொலை செய்யப்பட்டார். இந்த வழக்கில் முக்கிய குற்றவாளியாக தீரன் சின்னமலை கவுண்டர்கள் பேரவை நிறுவனர் யுவராஜ் உட்பட 10 பேர் கைது செய்யப்பட்டனர். இந்த வழக்கு மதுரை சிறப்பு வன்கொடுமை தடுப்பு நீதிமன்றத்திற்கு மாற்றப்பட்டு, விசாரணை முடிவடைந்து , யுவராஜ் உட்பட 10 பேருக்கு ஆயுள் தண்டனை விதிக்கப்பட்டது.
கோகுல்ராஜ் கொலை வழக்கு: பிறழ் சாட்சி மீது நீதிமன்ற அவமதிப்பு நடவடிக்கை

மதுரை:சேலம் மாவட்டம், ஓமலுாரைச் சேர்ந்த இன்ஜி., பட்டதாரி கோகுல்ராஜ், 2015ல் கொலை செய்யப்பட்டார். இந்த வழக்கில் முக்கிய குற்றவாளியாக தீரன் சின்னமலை கவுண்டர்கள் பேரவை நிறுவனர் யுவராஜ் உட்பட 10 பேர் கைது செய்யப்பட்டனர்.

இந்த வழக்கு மதுரை சிறப்பு வன்கொடுமை தடுப்பு நீதிமன்றத்திற்கு மாற்றப்பட்டு, விசாரணை முடிவடைந்து , யுவராஜ் உட்பட 10 பேருக்கு ஆயுள் தண்டனை விதிக்கப்பட்டது. இதை எதிர்த்து அவர்கள் அனைவரும் உயர்நீதிமன்ற மதுரை கிளையில் மேல்முறையீடு செய்தனர். இந்த வழக்கில் சிலர் விடுதலை செய்யப்பட்டதை எதிர்த்து கோகுல்ராஜின் தாயார் சித்ரா மற்றும் சிபிசிஐடி தரப்பில் மேல்முறையீடு செய்யப்பட்டது.


இந்த வழக்கின் முக்கிய சாட்சியாக இருந்து பிறழ் சாட்சியாக மாறிய இளம்பெண் சுவாதியை(கோகுல்ராஜ் உடன் படித்தவர்) நேரில் ஆஜர்படுத்த உயர்நீதிமன்றம் உத்தரவிட்டிருந்தது. அதன்படி கடந்த 25ம் தேதி போலீசார் சுவாதியை ஆஜர்படுத்தினர்.


அப்போது நீதிமன்றத்தில் ஒளிபரப்பப்பட்ட வீடியோ காட்சிகளில் இருப்பது தான் இல்லை என்றும் ஒலி நாடாவில் இருந்த குரல் தன்னுடையது அல்ல எனவும் சுவாதி கூறினார். விசாரணையை இன்றைக்கு ஒத்திவைத்த நீதிபதிகள், சுவாதி நேரில் ஆஜராக வேண்டும். அப்போதும் இதே நிலை தொடர்ந்தால் நீதிமன்ற அவமதிப்பு வழக்கு தொடரப்படும் என எச்சரிக்கை விடுத்தனர்.

இந்த வழக்கு இன்று விசாரணைக்கு வந்த போது, நீதிபதிகள் ரமேஷ் மற்றும் ஆனந்த் வெங்கடேஷ் அமர்வு எழுப்பிய கேள்விக்கு, கடந்த வாரம் அளித்திருந்த பதிலில் எந்தவிதமான மாற்றமும் இல்லை என சுவாதி பதிலளித்தார். இதனையடுத்து தவறான தகவல் அளித்ததாக கூறி சுவாதி மீது குற்றவியல் நீதிமன்ற அவமதிப்பு சட்டத்தின் கீழ் நடவடிக்கை எடுக்க உத்தரவிட்டனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து (3)

S.Baliah Seer - Chennai,இந்தியா
30-நவ-202219:36:50 IST Report Abuse
S.Baliah Seer அவன் (கோகுலராஜ்) தன் சாதியை மாற்றி சொல்லி என்னை ஏமாற்றினான்.அதனால் நான் எதற்காக அவனுக்கு ஆதரவாக சாட்சி சொல்லவேண்டும் என்கிறாராம் ஸ்வாதி. ஆமாம் படிக்கிற வயதில் உங்களுக்கு ஏன் காதல்,நட்பு.
Rate this:
Cancel
rsudarsan lic - mumbai,இந்தியா
30-நவ-202219:32:27 IST Report Abuse
rsudarsan lic ஐயாமார்களே ஒருமுறையாவது சாட்சியங்களிலிருந்து விலகி ஆராயுங்களேன். ஒருவன் இறந்தது உண்மை. அடுத்து அவன் கொலையுண்டது ஆய்வின் படி உண்மை. அடுத்து போலீஸ் எனும் துறை சில ஆய்வுகளின் படி சிலரை கைது செய்துள்ளது. இப்படியே போகும் போது முன்னுக்குப்பின் முரணாக பேசும் சாட்சியை தூக்கி வீச வேண்டாமா? அந்த சாட்சிக்குரிய வக்கீலை நாலு கேள்வி கேட்க வேண்டாமா? அது என்ன பதில், என் பதிலில் எந்த மாற்றமும் இல்லை? ஆமாம் அது நான் தான் அல்லது இல்லை அது நான் இல்லை என்று சொல்ல என்ன கேடு? எல்லாம் போகட்டும் ஒருவர் 10-12 வருடங்களுக்குப் பிறகும் ஒரு நிகழ்வை முழுவதுமாக நினைவில் வைத்திருக்க முடியுமென்று நம்புகிறீர்களா? அறிவியல் படி இது சாத்தியமா?
Rate this:
Cancel
Cheran Perumal - Radhapuram,இந்தியா
30-நவ-202217:37:23 IST Report Abuse
Cheran Perumal போலீசார் சொல்லிக்கொடுத்தபடி சொல்லிவிட்டால் எந்தப்பிரச்சினையும் இல்லை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X