புதுடில்லி: நாட்டின் எட்டு முக்கிய துறைகளின் உற்பத்தி வளர்ச்சி விகிதம், அக்டோபரில் 0.1 சதவீதமாக குறைந்துள்ளது. கடந்த ஆண்டு அக்டோபரில் வளர்ச்சி விகிதம் 8.7 சதவீதமாக இருந்த நிலையில், நடப்பாண்டு அக்டோபரில் 0.1 சதவீதமாக சரிவைக் கண்டுள்ளது.
முந்தைய செப்டம்பர் மாதத்தில், வளர்ச்சி 7.8 சதவீதமாக இருந்தது. எட்டு முக்கிய துறைகளில், நிலக்கரி, கச்சா எண்ணெய், இயற்கை எரிவாயு, பெட்ரோலிய சுத்திகரிப்பு பொருட்கள், உரம், உருக்கு, சிமென்ட், மின்சாரம் ஆகியவை அடங்கும்.
இவை, நாட்டின் தொழில் துறை உற்பத்தியை கணக்கிடுவதில், 40.27 சதவீத பங்களிப்பை கொண்டுள்ளன. கடந்த அக்டோபரில் கச்சா எண்ணெய், இயற்கை எரிவாயு, பெட்ரோலிய சுத்திகரிப்பு பொருட்கள், சிமென்ட் ஆகியவற்றின் உற்பத்தி சரிவைக் கண்டுள்ளது.
நடப்பு நிதியாண்டில், கடந்த ஏப்ரல் முதல் அக்டோபர் வரையிலான காலத்தில், உற்பத்தி வளர்ச்சி 8.2 சதவீதமாக உள்ளது. முந்தைய நிதியாண்டின் இதே காலகட்டத்தில், வளர்ச்சி 15.6 சதவீதமாக இருந்தது குறிப்பிடத்தக்கது.
உங்களுக்காக சிபாரிசு செய்யப்படுகிறது
