சிறப்பு பகுதிகள்

டீ கடை பெஞ்ச்

ஆள் துாக்க தி.மு.க., போடும் 'ஸ்கெட்ச்!'

Added : நவ 30, 2022 | கருத்துகள் (1) | |
Advertisement
'காத்திருந்து, காத்திருந்து காலங்கள் போகுதடி...' என, டீ கடை ரேடியோ உரக்க பாடிக் கொண்டிருக்க, ''அடடா... 'சிச்சுவேஷன் சாங்'னா இதான் ஓய்...'' என்றபடியே பெஞ்சில் அமர்ந்தார், குப்பண்ணா.''யாரு, எதுக்காக காத்திருக்காங்க பா...'' எனக் கேட்டார், அன்வர்பாய்.''ரேஷன் கார்டு கேட்டு விண்ணப்பிக்கற மனுக்களை, வட்ட வழங்கல் அதிகாரிகளும், உதவி ஆணையர்களும் நன்னா பரிசீலிச்சு கார்டு
டீக்கடை பெஞ்ச்.

'காத்திருந்து, காத்திருந்து காலங்கள் போகுதடி...' என, டீ கடை ரேடியோ உரக்க பாடிக் கொண்டிருக்க, ''அடடா... 'சிச்சுவேஷன் சாங்'னா இதான் ஓய்...'' என்றபடியே பெஞ்சில் அமர்ந்தார், குப்பண்ணா.

''யாரு, எதுக்காக காத்திருக்காங்க பா...'' எனக் கேட்டார், அன்வர்பாய்.

''ரேஷன் கார்டு கேட்டு விண்ணப்பிக்கற மனுக்களை, வட்ட வழங்கல் அதிகாரிகளும், உதவி ஆணையர்களும் நன்னா பரிசீலிச்சு கார்டு வழங்க ஒப்புதல் தருவா... இப்படி தமிழகம் முழுதும் ஒப்புதல் தரும் ரேஷன் கார்டுகளை, தனியார் ஒப்பந்த நிறுவனம் அச்சிட்டு, அந்தந்த மாவட்டங்களுக்கு தபால்ல அனுப்பிச்சுண்டு இருந்தது ஓய்...

''இந்த நடைமுறையால, விண்ணப்பதாரர்களுக்கு கார்டு கிடைக்கறது லேட்டாச்சு... அதனால, தனியார் ஒப்பந்த நிறுவனத்தை 'கழற்றி' விட்டுட்டு, சென்னையில மாவட்ட துணை ஆணையர் அலுவலகங்கள், மற்ற மாவட்டங்கள்ல வழங்கல் அலுவலகங்கள்லயே புதிய ரேஷன் கார்டுகளை அச்சடிச்சு, வினியோகிக்க அரசு உத்தரவு போட்டுடுத்து ஓய்...

''அப்படி இருந்தும், ரேஷன் கார்டுகள் குடுக்க கால தாமதம் பண்றா... இதனால, கார்டுக்கு காத்துண்டு இருக்கறவா வெறுத்து போயிருக்கா ஓய்...'' என்றார், குப்பண்ணா.

''மாவட்டச் செயலர் பதவிக்காக, அணி மாறும் ஐடியாவுல இருக்காரு வே...'' என, அடுத்த தகவலுக்கு வந்தார் அண்ணாச்சி.

''எந்தக் கட்சி விவகார முங்க...'' எனக் கேட்டார், அந்தோணிசாமி.

''விருதுநகர் மாவட்ட அ.தி.மு.க.,வுல, 'மாஜி' அமைச்சர் ராஜேந்திர பாலாஜியும், 'மாஜி' எம்.எல்.ஏ., ராஜவர்மனும் தோஸ்தா இருந்தாவ வே... அப்புறமா ரெண்டு பேருக்கும் முட்டிக்கிட்டு...

''அ.ம.மு.க..,வுக்கு அணி மாறிய ராஜவர்மன், சட்டசபை தேர்தல்ல தோத்ததும், திரும்ப அ.தி.மு.க.,வுலயே ஐக்கியம் ஆகிட்டாரு வே... வந்ததுல இருந்தே, மாவட்டச் செயலர் பதவி மேல அவருக்கு ஒரு கண்ணு...

''ராஜேந்திர பாலாஜிக்கு விருதுநகர் மேற்கு மாவட்டச் செயலர் பதவி கிடைச்சிட்டு... இதனால, கிழக்கு மாவட்டச் செயலரை மாத்திட்டு, தனக்கு பதவி தரணும் அல்லது மாவட்டத்தை மூணா பிரிச்சு, தனக்கு ஒரு செயலர் பதவி தரணும்னு ராஜவர்மன் கேட்டும், தலைமை கண்டுக்கல வே...

''இதுக்கு இடையில, அ.தி.மு.க., இடைக்கால பொதுச் செயலர் பழனிசாமியின் தென் மண்டல முதல் பொதுக்கூட்டத்தை தடபுடலா நடத்தி, ராஜேந்திர பாலாஜி சபாஷ் வாங்கிட்டாரு...

''அதனால, இனி பழனிசாமி அணியில பதவியை எதிர்பார்க்க முடியாதுங்கிற முடிவுக்கு வந்த ராஜவர்மன், பன்னீர்செல்வம் அணிக்கு தாவி, அங்கனயாவது 'மாவட்டச் செயலர் பதவி தருவீயளா'ன்னு துாது விட்டுட்டு இருக்காரு வே...'' என்றார் அண்ணாச்சி.

''அ.தி.மு.க., - பா.ஜ., முக்கிய நிர்வாகிகளை இழுக்க, தி.மு.க., 'ஸ்கெட்ச்' போட்டு இருக்குதுங்க...'' என்ற அந்தோணிசாமியே தொடர்ந்தார்...

''அ.தி.மு.க., மூணு அணிகளா பிரிஞ்சு கிடக்கிறதால, அந்தக் கட்சியின் மூத்த நிர்வாகிகள், எம்.எல்.ஏ.,க்களை தங்கள் பக்கம் இழுக்க, மாவட்ட வாரியா தி.மு.க., களம் இறங்கி இருக்கு... கடலுார், கன்னியாகுமரி தி.மு.க., நிர்வாகிகள் சிலர், போன மாசம் பா.ஜ.,வுக்கு தாவினாங்களே...

''அதுக்கு பழிவாங்குற விதமா, பாஜ.,வின் சில பெரிய புள்ளிகளுக்கு தி.மு.க., வலை விரிச்சிருக்குது... இந்த பொறுப்பை, சேலம் மாவட்ட முன்னாள் அமைச்சரிடம் குடுத்திருக்காங்க...

''பா.ஜ.,வுல அதிருப்தியா உள்ள சில நிர்வாகிகள் மற்றும் தி.மு.க.,வுல இருந்து பா.ஜ.,வுக்கு போன சிலர் சீக்கிரமே தி.மு.க., பக்கம் தாவ இருக்காங்க...'' என முடித்தார், அந்தோணிசாமி.

அரட்டை முடிய பெஞ்ச் கலைந்தது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (1)

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X