தமிழகத்தில் வளர்ப்பு, கோவில் யானைகள் பாதுகாப்பாக இருக்கிறதா?

Updated : டிச 01, 2022 | Added : டிச 01, 2022 | கருத்துகள் (3) | |
Advertisement
மதுரை: புதுச்சேரி மணக்குள விநாயகர் கோவில் யானை லட்சுமி உடல்நலக்குறைவால் இறந்ததால் தமிழக கோயில், தனியார், வனத்துறை வளர்க்கும் யானைகள் பாதுகாப்பாக இருக்கிறதா என விலங்குகள் நல ஆர்வலர்கள் கேள்வி எழுப்பியுள்ளனர்.தமிழகத்தில் யானைகளை வாங்க, வளர்க்க தற்போது அனுமதியில்லை. ஏற்கனவே வளர்ப்பவர்கள் தமிழக வளர்ப்பு யானைகள் மேலாண்மை, பராமரிப்பு சட்டம் 2011 குறிப்பிடும்

மதுரை: புதுச்சேரி மணக்குள விநாயகர் கோவில் யானை லட்சுமி உடல்நலக்குறைவால் இறந்ததால் தமிழக கோயில், தனியார், வனத்துறை வளர்க்கும் யானைகள் பாதுகாப்பாக இருக்கிறதா என விலங்குகள் நல ஆர்வலர்கள் கேள்வி எழுப்பியுள்ளனர்.



latest tamil news



தமிழகத்தில் யானைகளை வாங்க, வளர்க்க தற்போது அனுமதியில்லை. ஏற்கனவே வளர்ப்பவர்கள் தமிழக வளர்ப்பு யானைகள் மேலாண்மை, பராமரிப்பு சட்டம் 2011 குறிப்பிடும் கட்டுப்பாடுகளை பின்பற்ற வேண்டும். ஆனால் யானைகளை வாங்கி கோயில்களுக்கு தானமாக கொடுக்க சட்டத்தில் இடமுண்டு.
யானை வளர்க்கும் இடம் போதுமான உயர, அகலம், மண் தரையாக இருக்க வேண்டும். யானையின் கழுத்து, வயிறு, கால்களில் நைலான் கயிறு, கூர்மையான சங்கிலிகளை பிணைக்க கூடாது.

யானையின் எடை, உடல்நிலைக்கு ஏற்ப சங்கிலி பயன்படுத்த வேண்டும். நீண்ட நேரம் வயிற்றை கீழே அமுக்கி யானை உட்கார கூடாது. தமிழக தலைமை வனவிலங்கு காப்பாளர் அனுமதியின்றி வேறு மாநிலம் கொண்டு செல்ல அனுமதியில்லை.
தினமும் 3 மணி நேரத்திற்கு மேல், காலை 10:00 மணி முதல் மதியம் 2:00 மணி வரை நடக்க விடக் கூடாது. இரவு நடக்கும் போது யானையின் முன், பின் ஒளிரும் ஸ்டிக்கர் ஒட்ட வேண்டும்.


latest tamil news



பாகன், காவடி என அழைக்கப்படும் பராமரிப்பாளர் மூன்று ஆண்டுகள் அனுபவம் பெற்றவராக இருக்க வேண்டும் என்பது உட்பட பல கட்டுப்பாடுகளை சட்டம் சொல்கிறது. போதிய உணவு கொடுக்காதது, ஊர்வலம் அழைத்து செல்வது, அதிக நேரம் வெயிலில் நிற்கவைப்பது, துணி போர்த்துவது போன்றவற்றால் யானை கோபமடையும்.
ஆனால், சட்டம் சொல்லும் கட்டுப்பாடுகளை தனியார், கோயில் யானை வளர்ப்போர் முறையாக பின்பற்றுவதில்லை. எனவே, வளர்ப்பு யானைகள் காப்பதில் தமிழக அரசு கூடுதல் கவனம் செலுத்த வேண்டும் என விலங்குகள் நல ஆர்வலர்கள் தெரிவித்துள்ளனர்.


யானைக்கு ஓய்வு தேவை



மதுரை மீனாட்சி அம்மன் கோயில் யானை பார்வதி, 26, சில ஆண்டுகளுக்கு முன் ஏற்பட்ட கண்புரையால் தவிக்கிறது. கால்நடை டாக்டர்கள், வனத்துறையினர் சிகிச்சையும் அளித்தனர். கால்நடை துறை சார்பில் தாய்லாந்து டாக்டர்களும் பரிசோதித்தனர். இந்நிலையில் இரு கண் பார்வையும் குறைந்த யானை பார்வதிக்கு இயற்கை சூழலில் ஓய்வு கொடுத்து, பராமரிக்க வேண்டும் என ஆர்வலர்கள் கோரிக்கை விடுத்துள்ளனர்.பராமரிப்பு, உடல்நலமில்லா தனியார் வளர்ப்பு யானைகள் வனத்துறையின் திருச்சி யானைகள் மறுவாழ்வு முகாமிற்கு அனுப்பப்படுகின்றன.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (3)

01-டிச-202209:30:15 IST Report Abuse
அப்புசாமி யானைகளை மூணு வயசு குழந்தையா இருக்கும்போதெ குழியில் இறக்கி தீனி போடாமல், அடிச்சு முடக்கி 5 வயசுக்கு கோவில்களுக்கு நேர்ந்து உடுவாங்க. ஐந்து வயதுக்குள் அந்த யானை மொத்தமாக பாகனுக்கு அடிமையாகி விடும். கோவிலில் ஆசீர்வாதம் செய்வதெல்லாம் யானைக்குத் தெரியாது. அந்தப் பாகன் யானையின் காது ஓரத்தை நெருடினால் தும்பிக்கையை எடுத்து தலையில் வைக்கணும்னு அதுக்கு தெரியும். பெரும்பாலும் பெண் யானைகளைத்தான் பழக்கப்படுத்துவார்கள். எங்க ஊர் கோவிலில் ரெண்டு யானைகளைத் தவிர தெருத்தெருவாய் பிச்சை எடுக்கும்.யானையும் உண்டு.யானைகள் வினாயகரின் வடிவம் என்பதெல்லாம் சும்மா. இந்தக் கோவில் யானைகள் ஒரு பாவப்பட்ட பிறவிகள். சாமி பேரை வெச்சு இது ஒரு பொழப்பு.
Rate this:
RAMAKRISHNAN NATESAN - TEXAS ,DALLAS ,யூ.எஸ்.ஏ
01-டிச-202210:45:17 IST Report Abuse
RAMAKRISHNAN NATESANயானைகள் மீது பாவப்படுவதை விட உனது ஹிந்து வெறுப்பையும், சாதி வெறுப்பையும் காட்டியிருக்கிறாய் .......
Rate this:
Cancel
01-டிச-202208:42:57 IST Report Abuse
தர்மராஜ் தங்கரத்தினம் கோவில் யானைகள் பாதுகாப்பாக இருக்கிறதா? யானைகள் என்பது பன்மை... ஒருமை அல்ல.. ஆகவே இருக்கின்றனவா என்றுதான் தலைப்பிடவேண்டும் ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X