மீண்டும் பாவமன்னிப்பு கிடைக்காது!

Updated : டிச 06, 2022 | Added : டிச 06, 2022 | கருத்துகள் (51) | |
Advertisement
உலக, நாடு, தமிழக நடப்புகள் குறித்து வாசகர்கள் தினமலர் நாளிதழிற்கு எழுதிய கடிதம்என்.பரசுராமன், நெல்லையில் இருந்து அனுப்பிய, 'இ - மெயில்' கடிதம்: 'இந்தாண்டு ஜூலை மாதம், சென்னையில் நடைபெற்ற, 'செஸ் ஒலிம்பியாட்' போட்டியை துவக்கி வைக்க, பிரதமர் நரேந்திர மோடி வந்த போது, அவருக்கு அளித்த பாதுகாப்பில், தமிழக அரசு பெரிய குளறுபடி செய்தது' என்று, தமிழக பா.ஜ., தலைவர்
ஸ்டாலின், பிரதமர் மோடி, சட்டம் ஒழுங்கு, தூக்கம், தொண்டர், திமுக, பாஜ, அண்ணாமலை,

வாசிக்க நேரம் இல்லையா? செய்தியைக் கேளுங்கள் headphone



உலக, நாடு, தமிழக நடப்புகள் குறித்து வாசகர்கள் தினமலர் நாளிதழிற்கு எழுதிய கடிதம்


என்.பரசுராமன், நெல்லையில் இருந்து அனுப்பிய, 'இ - மெயில்' கடிதம்: 'இந்தாண்டு ஜூலை மாதம், சென்னையில் நடைபெற்ற, 'செஸ் ஒலிம்பியாட்' போட்டியை துவக்கி வைக்க, பிரதமர் நரேந்திர மோடி வந்த போது, அவருக்கு அளித்த பாதுகாப்பில், தமிழக அரசு பெரிய குளறுபடி செய்தது' என்று, தமிழக பா.ஜ., தலைவர் அண்ணாமலை குற்றம் சாட்டியுள்ளார்.

இதற்கு தர்க்க ரீதியாக பதில் தர முடியாத முதல்வர் ஸ்டாலின், 'மாநிலத்தின் சட்டம் - ஒழுங்கை சீர்குலைக்க சிலர் சதி செய்கின்றனர். மக்களுக்கு எந்த ஆபத்தும் இல்லை; ஆபத்பாந்தவனாக, தி.மு.க., ஆட்சி உள்ளது' என்று புலம்பியுள்ளார்.

'சட்டம் - -ஒழுங்கை சீர்குலைக்க, சிலர் சதி செய்கின்றனர்' என்றால், அந்தச் சதிகாரர்களை கண்டறிந்து நடவடிக்கை எடுக்க வேண்டியது தானே, மாநில முதல்வரின் கடமை. அந்த இடத்தில் தானே, அவர் அமர்ந்திருக்கிறார். பொறுப்பான பதவியில் இருப்பவர் நடவடிக்கை எடுக்காமல், புலம்புவதில் ஏதாவது அர்த்தம் இருக்கிறதா?


latest tamil news

இப்படித் தான், இந்தாண்டு அக்டோபரில் நடந்த தி.மு.க., பொதுக்குழுவில் பேசிய ஸ்டாலின், உடன் பிறப்புகளின் அடாவடிகளாலும், அத்துமீறல்களாலும், தன்னால் இரவில் உறங்க முடியவில்லை என்று அழுது ஆர்ப்பாட்டம் செய்தார்; அதன் பிறகும், உடன்பிறப்புகளின் அத்துமீறல்கள், 1 சதவீதம் கூட குறைந்ததாக தெரியவில்லை.

'முதல்வர் புலம்பியபடியே இருக்கட்டும்; நாங்கள், எங்கள் காரியத்திலே கண்ணாக இருக்கிறோம்' என்றல்லவா,உடன்பிறப்புகள் நடந்து கொண்டிருக்கின்றனர். அதனால் தான் இப்போது, பிரதமரின் பாதுகாப்பு ஏற்பாடுகளில் நடந்த குளறுபடிகள் குறித்து, கவர்னரிடம் புகார் கொடுக்கும் அளவுக்கு, நிலைமை விபரீதமாகி இருக்கிறது.

பொறுப்புடன் நடந்து நாட்டையும், நாட்டு மக்களையும் பாதுகாக்க வேண்டியகாவல் துறை, தன் கரங்களை தானே கட்டிப் போட்டுக் கொண்டிருக்கிறதா அல்லது யாராவது கட்டிப் போட்டு வைத்திருக்கின்றனரா என்று தெரியவில்லை.

பாதுகாப்பு குளறுபடிகளால் தான், முன்னாள் பிரதமர் ராஜிவ், நம் தமிழ் மண்ணில், ஸ்ரீபெரும்புதுாரில், மனித வெடிகுண்டால் குறி வைத்து தாக்கப்பட்டு உயிரிழந்தார்; அப்போது நடைபெற்றதும் இதே தி.மு.க., ஆட்சி தான்.

இந்த நிலையில், பிரதமர் மோடியின் பாதுகாப்பு ஏற்பாடுகளில் குளறுபடி செய்து, மீண்டும் ஒரு பயங்கரவாத செயல் நிகழ வழி வகுத்திருக்கிறது கழக ஆட்சி. ஆனால், சட்டம் - ஒழுங்கை சீர்குலைக்க, சிலர் சதி செய்வதாக கதை அளந்து கொண்டு இருக்கிறார் முதல்வர்.

ராஜிவ் படுகொலை நிகழ, அப்போதையதி.மு.க., ஆட்சியில் நிலவிய, சட்டம் - ஒழுங்கு குளறுபடிகளே காரணம். அந்த படுபாதக செயலுக்கு, மக்கள் பாவமன்னிப்பு அளித்ததால் தான், தி.மு.க., மீண்டும் ஆட்சி அதிகாரத்தில் அமர முடிந்தது. இனியும் ஒரு துயர சம்பவம் தமிழ் மண்ணில் நிகழ்ந்தால், அதற்கு பாவ மன்னிப்பே கிடைக்காது முதல்வரே!

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (51)

g.s,rajan - chennai ,இந்தியா
06-டிச-202221:49:37 IST Report Abuse
g.s,rajan விடியல் ஆட்சியில் செய்யும் பாவங்கள் தொடர்ந்து அதிகரித்துக் கொண்டே செல்கின்றன,ஆகவே மன்னிப்பே கிடையாது . ஜி.எஸ்.ராஜன் சென்னை . .
Rate this:
Cancel
sridhar - Chennai,இந்தியா
06-டிச-202219:08:08 IST Report Abuse
sridhar // சட்டம் ஒழுங்கை சீர்குலைக்க சிலர் ..// உங்களுக்கு பிச்சை போட்ட அந்த இரண்டு இறக்குமதி மத காரர்கள் தான் அவர்கள் . நீங்க என்ன செய்வீர்கள் .
Rate this:
Cancel
r.sundaram - tirunelveli,இந்தியா
06-டிச-202218:48:27 IST Report Abuse
r.sundaram சட்டம் ஒழுங்கள் சீர்குலைப்பதே திமுகவினர் தானே. கட்சி தன்கையில் இல்லை என்பதை இந்த புலம்பல் மூலம் முதல்வர் ஒத்துக்கொள்கிறார். அப்புறம் எப்படி சட்டம் ஒழுங்கு தமிழகத்தில் சீராகும்?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X