ஆக்கிரமிப்பிலிருந்து நீர்நிலையை பாதுகாப்பது அதிகாரிகளின் கடமை

Updated : டிச 06, 2022 | Added : டிச 06, 2022 | கருத்துகள் (8) | |
Advertisement
மதுரை: ஆக்கிரமிப்பிலிருந்து நீர்நிலைகளை பாதுகாத்தல், பராமரிப்பது, இயற்கை வளங்களின் அறங்காவலர்களான அரசு அதிகாரிகளின் கடமை என உயர்நீதிமன்ற மதுரைக் கிளை உத்தரவிட்டது.தஞ்சாவூர் மாவட்டம் பாபநாசம் அருகே தளவாய்பாளையம் கலைசெல்வன் தாக்கல் செய்த மனு:தளவாய்பாளையத்தில் குறிப்பிட்ட சர்வே எண்களில் உள்ள நிலம் புது ஏரி பாய்ச்சல் ஆதாரம் என வருவாய்த்துறை ஆவணங்களில்
High Court Madurai, Watershed Encroachment, Natural Resources, மதுரை, நீர்நிலை ஆக்கிரமிப்பு, இயற்கை வளம், உயர்நீதிமன்றம் மதுரை, Madurai,


மதுரை: ஆக்கிரமிப்பிலிருந்து நீர்நிலைகளை பாதுகாத்தல், பராமரிப்பது, இயற்கை வளங்களின் அறங்காவலர்களான அரசு அதிகாரிகளின் கடமை என உயர்நீதிமன்ற மதுரைக் கிளை உத்தரவிட்டது.

தஞ்சாவூர் மாவட்டம் பாபநாசம் அருகே தளவாய்பாளையம் கலைசெல்வன் தாக்கல் செய்த மனு:

தளவாய்பாளையத்தில் குறிப்பிட்ட சர்வே எண்களில் உள்ள நிலம் புது ஏரி பாய்ச்சல் ஆதாரம் என வருவாய்த்துறை ஆவணங்களில் வகைப்படுத்தப்பட்டுள்ளது. இது விவசாயத்திற்கான நீராதாரமாக இருந்தது. சாலை, மின் நிலையம் அமைத்தல் உட்பட அரசின் பல்வேறு பயன்பாட்டிற்கு நிலம் கையகப்படுத்தப்பட்டது.


latest tamil news

மீதி உள்ள நிலம் ரூ.100 கோடி மதிப்புடையது. இது தனியாருக்கு வழங்கப்பட உள்ளது. தனி நபருக்கு பட்டா வழங்குவது தொடர்பாக மக்களுக்கு ஆட்சேபனை ஏதும் இருந்தால் தெரிவிக்குமாறு சாலியமங்கலம் வருவாய் ஆய்வாளர் 2018 ல் அறிவிப்பு வெளியிட்டார். அவ்வாறு வழங்கினால் அரசின் கருவூலத்திற்கு இழப்பு ஏற்படும். அறிவிப்பை ரத்து செய்ய வேண்டும். இவ்வாறு கலைசெல்வன் குறிப்பிட்டார்.

நீதிபதிகள் ஆர்.மகாதேவன், ஜெ.சத்திய நாராயண பிரசாத் அமர்வு:

நிலம் அரசுக்குத் தேவை. தனிநபருக்கு பட்டா வழங்க முடியாது எனக்கூறி வருவாய் ஆய்வாளரின் அறிவிப்பை பாபநாசம் தாசில்தார் மற்றும் உதவி கலெக்டர் ரத்து செய்துள்ளனர். வருவாய்த்துறை ஆவணங்களை சரிபார்க்காமல் வருவாய் ஆய்வாளர் அறிவிப்பு வெளியிட்டதை புறந்தள்ள முடியாது.

ஆக்கிரமிப்புகளிலிருந்து நீர்நிலைகளை பாதுகாத்தல், பராமரிப்பது, இயற்கை வளங்களின் அறங்காவலர்களான அரசு அதிகாரிகளின் கடமை. பாதுகாக்க அரசு தவறினால், மக்கள் நம்பிக்கை இழப்பர்.

இவ்வழக்கில் நீர்நிலை என வகைப்படுத்தப்பட்ட நிலத்திற்கு சரியாக விசாரிக்காமல் பட்டா வழங்க முயற்சிக்கப்பட்டுள்ளது. மக்களிடம் ஆட்சேபனை கோர அறிவிப்பு வெளியிட காரணமாக இருந்த சம்பந்தப்பட்ட அதிகாரியிடம் விசாரணை நடத்தி, சட்டப்படி உரிய நடவடிக்கை எடுக்க வேண்டும். இவ்வாறு உத்தரவிட்டனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (8)

ANANDAKANNAN K - TIRUPPUR,இந்தியா
06-டிச-202212:26:08 IST Report Abuse
ANANDAKANNAN K அரசு ஊழியர்கள் என்று அரசியல்வாதிகளிடம் சரணடைந்து லஞ்சம் ஊழல் செய்து தங்களை வள படுத்த சித்தம் செய்தார்களோ என்றே தமிழகத்தில் சாதாரண மக்கள் மற்றும் அரசு சொத்துக்கள் அபகரிக்கும் போக்கு வந்து விட்டது.
Rate this:
Cancel
duruvasar - indraprastham,இந்தியா
06-டிச-202211:50:21 IST Report Abuse
duruvasar வாங்கற சம்பளத்திர்ற்கு கொடுத்த வேலையை செய்வது முதல் கடமை என கூறியிருக்கவேண்டும் .
Rate this:
Cancel
06-டிச-202207:27:04 IST Report Abuse
ராமகிருஷ்ணன் நடப்பது விடியல் அரசு 🌝 லஞ்சம் வாங்கிக் கொண்டு திமுகவினர் ஆக்கிரமிப்பு செய்யும் இடங்களில் சகல வசதிகளையும் செய்து தருவது தான் விடியலின் கடமை.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X