வேளாண் துறையில் அறிவியல் வளர்ச்சி: மத்திய அமைச்சர் பெருமிதம்

Added : டிச 07, 2022 | கருத்துகள் (3) | |
Advertisement
திருப்போரூர்: ''பிரதமர் மோடியின், 'மேக் இன் இந்தியா' திட்டத்தை, இன்றைய இளைஞர்கள் சாத்தியமாக்கி உள்ளனர். வேளாண் துறையில் அறிவியல் வளர்ச்சியை பயன்படுத்த, மத்திய அரசு நடவடிக்கை எடுத்து வருகிறது,'' என, மத்திய தகவல் ஒளிபரப்பு துறை அமைச்சர் அனுராக் சிங் தாக்கூர் தெரிவித்தார்.செங்கல்பட்டு மாவட்டம், தாழம்பூரில் உள்ள, அக்னி தொழில்நுட்ப கல்லுாரியில், கருடா ஏரோஸ்பேஸ்
Make in India, Agri, Agriculture, வேளாண் துறை, அறிவியல் வளர்ச்சி, மேக் இன் இந்தியா, மத்திய அமைச்சர்

திருப்போரூர்: ''பிரதமர் மோடியின், 'மேக் இன் இந்தியா' திட்டத்தை, இன்றைய இளைஞர்கள் சாத்தியமாக்கி உள்ளனர். வேளாண் துறையில் அறிவியல் வளர்ச்சியை பயன்படுத்த, மத்திய அரசு நடவடிக்கை எடுத்து வருகிறது,'' என, மத்திய தகவல் ஒளிபரப்பு துறை அமைச்சர் அனுராக் சிங் தாக்கூர் தெரிவித்தார்.

செங்கல்பட்டு மாவட்டம், தாழம்பூரில் உள்ள, அக்னி தொழில்நுட்ப கல்லுாரியில், கருடா ஏரோஸ்பேஸ் நிறுவனம் சார்பில், 'ட்ரோன்' திறன் மற்றும் பயிற்சி மாநாடு நேற்று நடந்தது.

மாநாட்டை, மத்திய தகவல் ஒளிபரப்பு, இளைஞர் நலன் மற்றும் விளையாட்டுத் துறை அமைச்சர் அனுராக் சிங் தாக்கூர் தொடங்கி வைத்தார். கல்லுாரியில் அமைக்கப்பட்டு உள்ள, ட்ரோன் உற்பத்தி மையத்தையும் அவர் திறந்து வைத்தார்.

விழாவில், அமைச்சர் அனுராக் சிங் தாக்கூர் பேசியதாவது: நாளுக்கு நாள் அறிவியல் வளர்ச்சி அதிகரித்து வருகிறது. உலகில் உள்ள பல பிரச்சனைகளுக்கு தீர்வு காணும் வாய்ப்பு, இந்திய இளைஞர்கள் மத்தியில் உள்ளது.


latest tamil news

வேளாண் துறையிலும், 'ட்ரோன்'கள் பயன்படுத்தப்பட்டு வருகிறது. மிகப் பெரிய அளவில் அவை உதவியாக உள்ளதால், மத்திய அரசு இத்திட்டங்களை இணைத்துள்ளது. 'மேக் இன் இந்தியா' திட்டம் குறித்து, பிரதமர் பேசுகையில், 'இது சாத்தியமா?' என, பலர் கேள்வி எழுப்பினர்.

தற்போது, இளைஞர்கள் அவற்றை சாத்தியப் படுத்தி வருகின்றனர்.வேளாண் துறையில் தொடர்ச்சியாக அறிவியல் வளர்ச்சிகளை எடுத்துச் செல்ல, அரசு நடவடிக்கை எடுத்து வருகிறது. 'ட்ரோன்' வாயிலாக, அதிவேகமாக காய்கறிகள் மற்றும் பழங்களை வெளியே கொண்டு செல்ல கண்டு பிடிப்புகள் வர வேண்டும். இவ்வாறு அவர் பேசினார்.

தொடர்ந்து, ட்ரோன் பயிற்சியை வெற்றிகரமாக முடித்த, 75 இளைஞர்களுக்கு சான்றிதழ்களையும், ட்ரோன் சேவை வழங்கும் தொழில்முனைவோருக்கு, 10 கருடா ஏரோஸ்பேஸ் ட்ரோன்களையும், அமைச்சர் வழங்கினார்.

கருடா ஏரோஸ்பேஸ் நிறுவனர் அக்னீஷ்வர் ஜெயபிரகாஷ், அக்னி தொழில்நுட்பக் கல்லுாரியின் தலைவர் ஜெய பிரகாஷ், கருடா ஏரோஸ்பேஸ் முதன்மை கல்வி அலுவலர் ரித்திகா, பா.ஜ., மாநில செயலர் வினோஜ் பி செல்வம் உட்பட பலர் பங்கேற்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (3)

g.s,rajan - chennai ,இந்தியா
07-டிச-202223:13:45 IST Report Abuse
g.s,rajan விவசாயமே இந்தியாவுல செத்துப் போச்சு இதுல வெட்டி தம்பட்டம் வேற ஜி.எஸ்.ராஜன் சென்னை
Rate this:
Cancel
NicoleThomson - chikkanayakanahalli , tumkur dt and Bangalore, ,இந்தியா
07-டிச-202204:46:08 IST Report Abuse
NicoleThomson நான் எப்போதும் சொல்லுற எங்க நண்பர் சஞ்சீவி சோலார் சம்பந்தப்பட்ட கருவிகளை தனது இயற்க்கை விவசாய நண்பர்களுக்கும் , அதேபோல இந்த மாண்டஸ் புயலை நவம்பர் 25 கணித்து சொன்னார் அதுவும் back டு back என்று சொன்னார் , சத்தமில்லாமல் இருக்கும் அந்த மனிதரை கொஞ்சம் வெளிச்சம் போட்டு காட்டுங்க , கடந்த ஏப்ரலில் அவரின் சோலார் தகடுகளுடன் வீடு இடிந்து விழுந்த பின்னர் கொஞ்சம் நொடித்து போனார் . நண்பர்கள் நாங்க அனைவரும் கொஞ்சம் உதவி பண்ணினோம் . பாவம் சார்
Rate this:
Cancel
NicoleThomson - chikkanayakanahalli , tumkur dt and Bangalore, ,இந்தியா
07-டிச-202204:42:29 IST Report Abuse
NicoleThomson தாக்குர் சாப் இங்கே கருநாடகத்தில் ஒரு தமிழன் சத்தமில்லாமல் சோளார் விவசாயியாக பரிமளித்து கொண்டுள்ளார் , அவருக்கும் உங்களின் பாராட்டுதல்களை சொல்லுங்களேன் ?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X