பொள்ளாச்சி;'தினமலர்' நாளிதழின், பட்டம் இதழ் சார்பில், 'பதில் சொல்; அமெரிக்கா செல்' என்ற வினாடி - வினா போட்டியில், பொள்ளாச்சி, வித்ய நேத்ரா பள்ளி மாணவர்கள் திறமையாக பதில் அளித்து அசத்தினர்.

பொது அறிவு மற்றும் அறிவியல் தகவல்கள், நுண்ணறிவை வளர்க்கும் விதமாக, 'தினமலர்' நாளிதழின் பட்டம் இதழ் விளங்குகிறது. இது, மாணவர்களின் விருப்பமான இதழாக மாறியுள்ளது.

விண்வெளி மற்றும் ஆராய்ச்சி சார்ந்த மனப்பான்மையை மாணவர்களிடம் ஊக்குவிக்க, 'நாசா' விண்வெளி மையத்தை நேரடியாக காணும் வாய்ப்பை ஏற்படுத்தி தருகிறது.

இதற்காக ஆண்டுதோறும், 'பதில் சொல்; அமெரிக்கா செல்' என்ற வினாடி -- வினா போட்டி நடத்தப்படுகிறது.

நடப்பாண்டு இந்த போட்டியை, 'தினமலர்' பட்டம் இதழுடன், எஸ்.வி.எம்., கல்வி குழுமம் இணைந்து நடத்துகிறது. மேலும், இந்த போட்டியை, ஸ்ரீ சக்தி இன்ஜி., மற்றும் தொழில்நுட்ப கல்லுாரியும் இணைந்து நடத்துகிறது.

வித்ய நேத்ரா மெட்ரிக் பள்ளி

பொள்ளாச்சி, கோமங்கலம்புதுார் வித்ய நேத்ரா மெட்ரிக் மேல்நிலைப்பள்ளியில், வினாடி - வினா போட்டி நேற்று நடந்தது.

தகுதிச் சுற்று தேர்வில், ஆறாம் வகுப்பு முதல், பத்தாம் வகுப்பு வரையிலான, 68 மாணவர்கள் பங்கேற்றனர். இதில், அதிக மதிப்பெண் பெற்ற, 16 பேர் தேர்வு செய்யப்பட்டனர்.

ஒரு அணிக்கு, இருவர் வீதம் என, எட்டு அணியாக பிரித்து போட்டிகள் நடத்தப்பட்டன. வினாடி - வினா போட்டி, மூன்று சுற்றுகளாக நடத்தப்பட்டன. இறுதியில், 'ஏ' அணியைச் சேர்ந்த மாணவியர் ரித்திகா, பிருந்தா ஆகியோர், 17 மதிப்பெண் பெற்று முதலிடம் பெற்றனர். இவர்கள் மாநில அளவிலான போட்டிக்கு தகுதி பெற்றனர்.

மாணவர்கள் சாய்ஸ்

பள்ளி முதல்வர் கோபாலகிருஷ்ணன் கூறுகையில், ''மாணவர்களிடையே பட்டம் இதழ் படிக்க ஆர்வம் அதிகமாக உள்ளது. மற்றதை காட்டிலும், இதில் வரும் தகவல்கள், படங்கள் அவர்களுக்கு ஏற்ப உள்ளன.

மேலும், எளிதாக புரிந்து கொள்ளும் வகையில் அதிக தகவல்கள் இருப்பதால், மாணவர்கள் விரும்பி படிக்கின்றனர். மாணவர்களின் சாய்ஸ் ஆக உள்ள பட்டம் இதழ், பொது அறிவை மேம்படுத்த உதவுகிறது,'' என்றார்.

இன்டர்நேஷனல் பள்ளி

கோமங்கலம்புதுாரில் உள்ள, வித்ய நேத்ரா இன்டர்நேஷனல் பள்ளியில் நடந்த, வினாடி - வினா போட்டியில், ஆறாம் வகுப்பு முதல், 10ம் வகுப்பு வரையுள்ள மாணவர்கள் பங்கேற்றனர். அதில், அதிக மதிப்பெண் பெற்ற, 16 பேர் தேர்வு செய்யப்பட்டனர். ஒரு அணிக்கு, இருவர் வீதம் என, எட்டு அணியாக பிரித்து போட்டிகள் நடத்தப்பட்டன.

மூன்று சுற்றுகளாக நடந்த போட்டியின், இறுதியில், 'ஏ' அணியைச் சேர்ந்த மாணவியர் ஜபினா, சமவர்த்திகா ஆகியோர், 17 மதிப்பெண்கள் பெற்று முதலிடம் பெற்றனர். இவர்கள், மாநில அளவிலான போட்டிக்கு தகுதி பெற்றனர்.

பட்டம்... பொக்கிஷம்

பள்ளி முதல்வர் பிரான்சிலின் டோலி கூறுகையில், ''பட்டம் இதழ், மாணவர்களுக்கு பயன் உள்ள இதழாக உள்ளது. அறிவியல் உள்ளிட்ட பல்வேறு தகவல்களின் பொக்கிஷமாக பட்டம் இதழ் உள்ளது. தமிழ் உச்சரிப்பை மேம்படுத்தவும், பிழையின்றி படிக்கவும் பட்டம் இதழ் உதவிக்கரமாக உள்ளது.

மாணவர்களிடையே, தன்னம்பிக்கையை ஏற்படுத்தி படிக்கும் பழக்கத்தை ஏற்படுத்துவதுடன், பொது அறிவை வளர்த்துக்கொள்ள உதவுகிறது,'' என்றார்.

பொள்ளாச்சி;'தினமலர்' நாளிதழின், பட்டம் இதழ் சார்பில், 'பதில் சொல்; அமெரிக்கா செல்' என்ற வினாடி - வினா போட்டியில், பொள்ளாச்சி, வித்ய நேத்ரா பள்ளி மாணவர்கள் திறமையாக பதில் அளித்து