ரயில்வே வளர்ச்சி திட்டங்களுக்கு தனி அமைச்சர்: கேரளாவை பின்பற்றுவாரா முதல்வர் ஸ்டாலின்

Updated : டிச 09, 2022 | Added : டிச 09, 2022 | கருத்துகள் (17) | |
Advertisement
மதுரை, -மத்திய அரசிடமிருந்து மாநிலத்திற்கு தேவையான ரயில்வே வளர்ச்சி திட்டங்களை கேட்டு பெறவும், தாமதப் பணிகளை விரைந்து முடிக்கவும் கேரளா அரசு பின்பற்றுவதுபோல் தமிழகத்திலும் ரயில்வே அமைச்சர் நியமிக்க முதல்வர் ஸ்டாலின் முன்வரவேண்டும். மத்திய அரசின் ரயில்வே துறை மாநிலங்களுக்கு தேவையான ரூ.பல கோடி மதிப்பிலான திட்டங்களை வழங்கி வருகிறது. மத்திய, மாநில

வாசிக்க நேரம் இல்லையா? செய்தியைக் கேளுங்கள் headphone

மதுரை, -மத்திய அரசிடமிருந்து மாநிலத்திற்கு தேவையான ரயில்வே வளர்ச்சி திட்டங்களை கேட்டு பெறவும், தாமதப் பணிகளை விரைந்து முடிக்கவும் கேரளா அரசு பின்பற்றுவதுபோல் தமிழகத்திலும் ரயில்வே அமைச்சர் நியமிக்க முதல்வர் ஸ்டாலின் முன்வரவேண்டும்.



latest tamil news


மத்திய அரசின் ரயில்வே துறை மாநிலங்களுக்கு தேவையான ரூ.பல கோடி மதிப்பிலான திட்டங்களை வழங்கி வருகிறது. மத்திய, மாநில அரசுகளுக்கு இடையே சுமூக உறவு நீடிக்கும்பட்சத்தில் மாநில வளர்ச்சிக்கான திட்டங்கள் தடையின்றி வந்துசேரும். மத்திய அரசுடனான உரசல் போக்கு, மாநில அரசியல், மாநிலங்களுக்கு வழங்க வேண்டிய முன்னுரிமை, வருவாய் அடிப்படையில் தமிழகம் உள்ளிட்ட சில மாநிலங்கள் வளர்ச்சி திட்டங்களை கேட்டு பெறுவதில் சில இடையூறுகள் உள்ளன.

இதுபோன்ற இடைவெளியை சரிசெய்ய கேரளா முதல்வர் பினராயி விஜயன் தனது அமைச்சரவையில் ரயில்வேக்கு அப்துல்ரஹீம் என்பவரை அமைச்சராக நியமித்துள்ளார். ரயில்வே வளர்ச்சி திட்டங்களை கேட்டு பெறுவதில் தமிழகத்தை விட கேரளா கூடுதல் கவனம் செலுத்துகிறது. அதை பின்பற்றி தமிழகத்திலும் ரயில்வே திட்டங்களை கண்காணிக்கவும், புதிய வளர்ச்சிக்கான பரிந்துரைகளை அளிக்கவும் அமைச்சர் பதவி புதிதாக ஏற்படுத்தலாம்.



இதன் மூலம் தமிழகத்தில் பல ஆண்டுகளாக நிலுவையில் கிடக்கும் திண்டுக்கல் -குமுளி -சபரிமலை, மதுரை - அருப்புக்கோட்டை - துாத்துக்கடி, ஸ்ரீபெரும்புதுார் - கூடுவாஞ்சேரி, இருங்காட்டுக்கோட்டை - ஆவடி, முறப்பூர் - தர்மபுரி, திண்டிவனம் - செஞ்சி - திருவண்ணாமலை, திண்டிவனம் - நகரி, அத்திப்பட்டு - புத்துார், ஈரோடு - பழநி, சென்னை - கடலுார் போன்ற ரயில்வே திட்டங்களை நிறைவேற்ற கூடுதல் முயற்சிகள் மேற்கொள்ளலாம். முதல்வர் ஸ்டாலின் பரிசீலிக்க வேண்டும் என எதிர்பார்ப்பு ஏற்பட்டுள்ளது.


மதுரை கோட்ட ரயில்வே டி.ஆர்.இ.யூ., இணை செயலாளர் சங்கரநாராயணன் கூறியதாவது:

இவ்விஷயத்தில் நாம் உடனடியாக கேரளாவை பின்பற்ற வேண்டும். கேரளாவில் ரயில்வே இருப்பு பாதை மொத்த நீளம் 1257 கி.மீ., ஆகும். 178 ரயில் நிலையங்கள் உள்ளன. தற்போதுள்ள மாநிலத்தில் நியமிக்கப்பட்டுள்ள அமைச்சர் பதவிஅங்குள்ள ரயில்வே திட்டங்களை விரைவில் நிறைவேற்ற கூடுதல் முயற்சி எடுப்பது, ரயில்வே திட்டங்களுக்கு மாநிலத்திற்குள் நிலம் ஆர்ஜிதம் செய்ய உதவுவதற்கு உறுதுணையாக உள்ளது. மத்திய அரசுக்கு ஒரு பாலம் போல் அமைச்சர் செயல்படுகிறார்.

தமிழகத்தில் ரயில்வே இருப்பு பாதை மொத்த நீளம் 5,952 கி.மீ., ஆகும். இங்கு 532 ரயில்வே நிலையங்கள் உள்ளன. கேரளாவை ஒப்பிட்டால் தமிழகத்தில் பாதை நீளம் அதிகம்; ரயில்வே நிலையங்கள் எண்ணிக்கையும் அதிகம். எனவே ரயில்வே திட்டங்களை கண்காணிக்க தனியாக ஒரு அமைச்சர் நியமிக்கப்பட்டால் திட்டங்கள் விரைவில் நிறைவேறவும், புதிய திட்டங்களுக்கு வழிவகுக்கவும் கூடுதல் வாய்ப்புகள் கிடைக்கும். முதல்வர் ஸ்டாலின் இதுகுறித்த ஆலோசித்து நடவடிக்கை எடுக்க வேண்டும் என்றார்.


latest tamil news


தி.மு.க., இளைஞரணி செயலாளர் உதயநிதிக்கு துணை முதல்வர் அல்லது அமைச்சர் பதவி வழங்குவதற்கான நடவடிக்கை தீவிரமாக்கப்பட்டுள்ளது. அப்போது நடக்கும் அமைச்சரவை மாற்றத்திலேயே ரயில்வே அமைச்சர் பதவி உருவாக்கவும் முதல்வர் ஸ்டாலின் மனது வைக்க வேண்டும் என ரயில்வே பயணிகள் எதிர்பார்க்கின்றனர்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (17)

r.sundaram - tirunelveli,இந்தியா
09-டிச-202218:17:58 IST Report Abuse
r.sundaram மத்திய அரசு எந்த திட்டம் கொண்டுவந்தாலும் அதை எதிர்க்கத்தான் கழகங்கள் அரசு இருக்கிறது. அப்புறம் எப்படி மத்திய-மாநில அரசுகளுக்கு பாலம் கட்டுவது? கடந்த ஐம்பது ஆண்டுகளில் மத்திய அரசு கொண்டுவந்துள்ள ரயில்வே சம்பந்தமான திட்டங்களில் குறித்த காலத்தில் நில ஆர்ஜிதம் செய்து கொடுத்துள்ளதா தமிழக அரசுகள்? ஒருக்காலும் கிடையாது. எப்படிடா முட்டுக்கட்டை போடலாம் என்றே ஆலோசிக்கிறது மாநில அரசு. அப்புறம் எப்படி ரயில்வே திட்டங்கள் மாநிலத்துக்கு வருவது? அதற்க்கு எதற்கு அமைச்சர்? வேண்டுமானால் எப்படிடா முட்டுக்கட்டை போடலாம் என்று ஆலோசிக்க ஒரு அமைச்சரை நியமிக்கலாம்.
Rate this:
Cancel
sankaranarayanan - Chennai-Tamilnadu,இந்தியா
09-டிச-202217:22:49 IST Report Abuse
sankaranarayanan காசி தமிழ் சங்கம விழாவிற்கு அனைவரும் சென்றுகொண்டிடிருக்கும்போது நமது முதலவர் தென்காசிக்கு பயணம் கொண்டிருப்பது விசேஷன்தான். எதோ ஒரு காசி அது வட காசியோ அல்லது தென்காசியோ பயணம் நல்லதாகவே முடியட்டும். இரண்டுமே காசியாத்திரைத்தான் யாராலும் எப்போதுமே தவிர்க்க முடியாது
Rate this:
Cancel
T.SRINIVASAN - GUDUVANCHERI,இந்தியா
09-டிச-202216:13:16 IST Report Abuse
T.SRINIVASAN கிட்டத்தட்ட தட்ட பதினைந்து வருடங்கள் மத்திய அரசில் கொள்ளையடித்த திமுக தமிழகத்திற்கு ரயில் வளர்ச்சிக்கு என்ன செய்தது.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X