கூன் பாண்டிகளுடன் உறவே வேண்டாம்...அவனுங்க எவனும் நல்லவனில்லை

கருணாநிதி , ஜெ இல்லாமல் தமிழகம் சந்திக்கப்போகும் இரண்டாவது மக்களவை தேர்தல் . சென்றமுறை மக்கள் தி.மு.க கூட்டணிக்கு வாக்களித்ததற்கு தமிழகத்தை ஆண்ட அண்ணா.தி.மு.க வின் ஆட்சிமுறையும் அதன்மீது இருந்த கோபம், ஜீ.எஸ்.டீ , ரபேல் இவற்றை பற்றி ஒரு கட்டவிழ்க்கப்பட்ட பிரச்சாரம், மாதம் ருபாய் ஆறாயிரம் ஆகியவையே பெரிதாக பேசப்பட்டு தாக்கத்தை ஏற்படுத்தின. வரும் தேர்தலுக்கு என்னமாதிரி அம்சங்கள் எடுக்கப்படப்போகின்றன என்று இன்றுவரை கட்சிகள் பேசவில்லை. மக்கள் தேர்தலை சந்திக்கும்போது கூட்டணி அம்சங்களை விட ஒட்டுமொத்தமாக நாட்டுக்கு அவர்களால் நன்மையா என்று யோசிப்பார்கள். மத்தியில் ஆள்பவர்கள் நம் தொகுதிக்கு தனிப்பட்ட முறையில் என்ன செய்வார்கள் என்றும் யோசிக்கமாட்டார்கள். . அதுவும் பிரதமராக யார் இருக்கப்போகிறார் என்பதை வைத்து வோட்டு போடுவார்கள். ஆனால் இங்கிருந்து தேர்ந்தேடுக்கப்பட்ட எம்பி. கடந்த ஐந்து வருடங்களில் நமக்கு என்ன செய்தார் என்று யோசிப்பார்கள். ராகுல் மீதான நம்பிக்கை, அண்ணா தி.மு.க ஆட்சிமுறை மீதான கோபம் ஆகியவை தி.மு.க வுக்கு அனுகூலமாகியது. சட்டமன்ற தேர்தலில் ஒன்றுபடாமல் இருந்த அண்ணா தி.மு.கவின் மீதான அதிருப்தி, ஸ்டாலினின் யாத்திரை தி.மு.கவுக்கு சாதகமாகியது. ஆனால் தேர்ந்தேடுக்கப்பட்ட எம்.பி.களால் தமிழகத்துக்கு நன்மை விளைந்ததா, தங்கள் தொகுதிக்கு நன்மை கிடைத்ததா, கிடைத்தது யாரால் என்றெல்லாம் யோசித்து மக்கள் வோட்டுப்போட்டால், தற்போதைய எம்பி.க்கள் மீண்டும் வெற்றிபெறுவார்களா என்பது சந்தேகம்தான். எனவே இப்போது இருக்கும் கட்சிகள் பழைய கூட்டல் கழித்தல் கணக்குகளை நம்பி இருக்க கூடாது. பழைய ஓட்டுசதவீதையும் நம்பக்கூடாது. பழைய கணக்குகள் பார்க்க ஆரம்பித்தால் அப்போது இருந்த தலைமையான ஜெ கருநணாநிதி இவர்களையும் பார்க்க வேண்டும். யாருக்காக வோட்டு போட்டார்கள் என்றும் அறிந்து கொள்ள வேண்டும். தலைவர்களை வைத்துதான் சின்னங்கள் வெற்றி பெற்றன. இப்போது அவர்கள் இல்லை. எனவே பழைய சதவீதத்தை ஒப்பிட்டு பார்க்கக்கூடாது என்பதை இப்போது உள்ள எல்லா அரசியல் கட்சிகளும் தெரிந்துகொள்ள வேண்டும். இப்போது அரசியல் கட்சிகளுக்கு தேவை வோட்டு அறுவடையே தவிர வீராப்பு அல்ல.

இரண்டு கட்சிகளும் ஒரு தேர்தலில் தனித்தனியாக நின்று போட்டியிட்டால் தெரிந்து விடும், யாருக்கு யார் அவசியம் என்று!