முதல்வர் கோப்பை விளையாட்டு 17 வரை பதிவு செய்ய அழைப்பு

Added : ஜன 12, 2023 | |
Advertisement
கோவை, : தமிழக விளையாட்டு மேம்பாட்டு ஆணையம் சார்பில், மாவட்ட அளவிலான முதல்வர் கோப்பைக்கான விளையாட்டு போட்டி நடத்துவது தொடர்பான ஆலோசனை கூட்டம், கோவை கலெக்டர் அலுவலகத்தில் நடந்தது; கலெக்டர் சமீரன் தலைமை வகித்தார்.மாவட்ட விளையாட்டு மற்றும் இளைஞர் நலன் அலுவலர் ரகு, உதவி இயக்குனர் (பேரூராட்சி) துவாகரநாத்சிங் உட்பட அரசு துறை அலுவலர்கள் பங்கேற்றனர்.இதுதொடர்பாக, கலெக்டர்



கோவை, : தமிழக விளையாட்டு மேம்பாட்டு ஆணையம் சார்பில், மாவட்ட அளவிலான முதல்வர் கோப்பைக்கான விளையாட்டு போட்டி நடத்துவது தொடர்பான ஆலோசனை கூட்டம், கோவை கலெக்டர் அலுவலகத்தில் நடந்தது; கலெக்டர் சமீரன் தலைமை வகித்தார்.

மாவட்ட விளையாட்டு மற்றும் இளைஞர் நலன் அலுவலர் ரகு, உதவி இயக்குனர் (பேரூராட்சி) துவாகரநாத்சிங் உட்பட அரசு துறை அலுவலர்கள் பங்கேற்றனர்.

இதுதொடர்பாக, கலெக்டர் சமீரன் கூறியதாவது:

மாவட்ட அளவிலான விளையாட்டு போட்டிகளில் பள்ளி, கல்லுாரி மாணவ, மாணவியர், மாற்றுத்திறனாளிகள், பொதுமக்கள் மற்றும் அரசு ஊழியர்கள் என ஐந்து பிரிவுகளில் ஆண்கள் மற்றும் பெண்களுக்கு தனித்தனியாக பங்கேற்கும் வகையில், 42 வகையான மாவட்ட அளவிலான போட்டிகள், 8 வகையான மண்டல அளவிலான போட்டிகள் என, 50 வகையான போட்டிகள் நடத்தப்படும்.

கபடி, சிலம்பம், தடகளம், கூடைப்பந்து, இறகுப்பந்து, கால்பந்து, நீச்சல், வாலிபால், டேபிள் டென்னிஸ் உள்ளிட்ட பல்வேறு போட்டிகள் நடத்தப்படும்.

பொதுப்பிரிவை சேர்ந்தவர்கள், 15-35 வயது, பள்ளி மாணவ, மாணவியர் - 12-19 வயது, கல்லுாரி மாணவ, மாணவியர் - 17-25 வயது வரையிலானவர்கள் பங்கேற்கலாம்.

மாற்றுத்திறனாளிகள் மற்றும் அரசு ஊழியர்களுக்கு வயது வரம்பு இல்லை. பங்கேற்க விரும்பும் விளையாட்டு வீரர்கள், 17ம் தேதிக்குள், www.sdat.tn.gov.in என்ற இணையதளத்தில் பதிவு செய்ய வேண்டும்.

இவ்வாறு, கலெக்டர் கூறியுள்ளார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X