சத்துணவில் கோழிக்கறி: முதல்வர் ஸ்டாலின் ஆலோசனை

Added : ஜன 12, 2023 | கருத்துகள் (67) | |
Advertisement
சென்னை: மேற்கு வங்கம் போல, தமிழகத்திலும் சத்துணவுடன், கோழிக்கறி வழங்குவது குறித்து, அரசு ஆலோசித்து வருவதாக தகவல் வெளியாகியுள்ளது.மேற்கு வங்க மாநிலத்தில் பள்ளி மாணவ - மாணவியருக்கு, மதிய உணவுடன் வாரத்தில் ஒரு நாள் கோழிக்கறி மற்றும் பழங்கள் வழங்கப்படும் என, அம்மாநில முதல்வர் மம்தா பானர்ஜி, கடந்த வாரம் அறிவித்துள்ளார்.அதுபோல, தமிழகத்திலும் சத்துணவுடன், வாரத்தில்
DMK, Mk Stalin, Chicken, திமுக, ஸ்டாலின், சத்துணவு, சிக்கன்

வாசிக்க நேரம் இல்லையா? செய்தியைக் கேளுங்கள் headphone

சென்னை: மேற்கு வங்கம் போல, தமிழகத்திலும் சத்துணவுடன், கோழிக்கறி வழங்குவது குறித்து, அரசு ஆலோசித்து வருவதாக தகவல் வெளியாகியுள்ளது.

மேற்கு வங்க மாநிலத்தில் பள்ளி மாணவ - மாணவியருக்கு, மதிய உணவுடன் வாரத்தில் ஒரு நாள் கோழிக்கறி மற்றும் பழங்கள் வழங்கப்படும் என, அம்மாநில முதல்வர் மம்தா பானர்ஜி, கடந்த வாரம் அறிவித்துள்ளார்.

அதுபோல, தமிழகத்திலும் சத்துணவுடன், வாரத்தில் ஒருநாள் கோழிக்கறி வழங்குவது குறித்து முதல்வர் ஸ்டாலின், மூத்த அமைச்சர்கள், உயர் அதிகாரிகளுடன் ஆலோசனை நடத்தியுள்ளதாக கூறப்படுகிறது.

கடந்த 1962-ல் முதல்வராக காமராஜர் இருந்தபோது, பள்ளி மாணவ - மாணவியருக்கு மதிய உணவு வழங்கும் திட்டம் கொண்டு வரப்பட்டது. 1982-ல் எம்.ஜி.ஆர்., முதல்வராக இருந்தபோது, சத்துணவு திட்டம் என்ற பெயரில் விரிவுபடுத்தப்பட்டு, அதற்கென தனி துறை உருவாக்கப்பட்டது.

மீண்டும் முதல்வரான கருணாநிதி, சத்துணவில் முட்டை வழங்கும் திட்டத்தை அறிமுகப்படுத்தினார். தற்போது 10-ம் வகுப்பு வரை படிக்கும் மாணவ - மாணவியருக்கு, ஆண்டுக்கு 220 வேலை நாட்களில் கலவை சாதம், முட்டை மசாலா வழங்கப்படுகிறது. முட்டை சாப்பிடாத குழந்தைகளுக்கு வாழைப் பழம் வழங்கப்படுகிறது. மதிய உணவு தவிர, வாரத்திற்கு ஒருமுறை, வேக வைக்கப்பட்ட கருப்பு கொண்டைக் கடலை அல்லது பச்சைப் பயறு வழங்கப்பட்டு வருகிறது.

பழனிசாமி முதல்வராக இருந்தபோது, 2019ல் 'அட்சய பாத்ரா' தொண்டு நிறுவனம் வாயிலாக, சென்னை மாநகராட்சி பள்ளி மாணவ - மாணவியருக்கு காலை சிற்றுண்டி வழங்கும் திட்டம் துவங்கப்பட்டது.

கடந்த செப்டம்பர் 15-ம் தேதி அண்ணாதுரை பிறந்த நாளில், அரசு துவக்க பள்ளிகளில் காலை சிற்றுண்டி வழங்கும் திட்டத்தை, முதல்வர் ஸ்டாலின் துவக்கி வைத்தார்.

இந்நிலையில், மேற்கு வங்கத்தை போல, தமிழகத்திலும் 10-ம் வகுப்பு வரை சத்துணவுடன் வாரம் ஒருமுறை கோழிக்கறி வழங்க, அரசு முடிவு செய்துள்ளதாக கூறப்படுகிறது.


latest tamil news


இது தொடர்பாக, பிராய்லர் கோழிப் பண்ணை உரிமையாளர்களுடன், சில அமைச்சர்கள் பேச்சு நடத்தி வருவதாக தகவல் வெளியாகியுள்ளது.

கருணாநிதி பிறந்த தினமான ஜூன் 3-ல் கோழிக்கறி வழங்கும் திட்டம் துவங்கப்பட இருப்பதாக, தி.மு.க.,வினர் தெரிவிக்கின்றனர். அசைவம் சாப்பிடாத குழந்தைகளுக்கு, என்ன வழங்குவது என்பது தொடர்பாக, மூத்த அமைச்சர்கள், உயர் அதிகாரிகளுடன், முதல்வர் ஆலோசித்து வருவதாக கூறப்படுகிறது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (67)

13-ஜன-202307:59:09 IST Report Abuse
பேசும் தமிழன் ஆகா.. ஏதோ பெரிதாக பிளான் போட்டு விட்டார்கள் போல தெரியுது.. நடத்துங்கள்.... நடத்துங்கள்
Rate this:
Cancel
Nesan - JB,மலேஷியா
12-ஜன-202320:25:12 IST Report Abuse
Nesan சத்துணவில் கோழிக்கறி. பள்ளி சின்ன சிறு குழந்தைகளின் வைத்து கொள்ளை அடித்து கமிஷன் சம்பாரிக்க யோசிக்கிறீங்களே. அதுசரி அவர்களுக்கு அந்தக் கறி எப்ப போடபோறீங்க.?. அவர்களை மகிழ்சசி படுத்த வேண்டாமா?, ஹலால் கறி போடணும் சரியா?
Rate this:
Cancel
Vijay - Chennai,இந்தியா
12-ஜன-202320:09:54 IST Report Abuse
Vijay கோழி கறியா போடுவீங்க காக்கா கறி தான் போடுவீங்க.
Rate this:
பேசும் தமிழன்காக்கா கறி போட்டாலும்.. கோழி கறி என்று கணக்கு எழுதி விடவோம்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X