கிராமங்களுக்கு கூடுதல் பஸ்கள் இயக்க எதிர்பார்ப்பு

Added : ஜன 13, 2023 | |
Advertisement
கால்வாய் பணிகள் நடைபெறவில்லைஉடுமலை அருகே ஆலாம்பாளையத்தில், ஊராட்சி சார்பில் சாக்கடை கால்வாய் கட்டுவதற்காக, கடந்த 2 மாதங்களுக்கு முன் பள்ளம் தோண்டப்பட்டது. அதன் பிறகு பணிகள் நடைபெறவில்லை. இப்பள்ளத்தில் கழிவுநீர் தேங்கி சுகாதார சீர்கேட்டை ஏற்படுத்துகிறது. எனவே, ஊராட்சி நிர்வாகத்தினர் இப்பணியை விரைவு படுத்த வேண்டும்.- தினேஷ், பள்ளபாளையம். நிழற்கூரை
 கிராமங்களுக்கு கூடுதல் பஸ்கள் இயக்க எதிர்பார்ப்பு


கால்வாய் பணிகள் நடைபெறவில்லை



உடுமலை அருகே ஆலாம்பாளையத்தில், ஊராட்சி சார்பில் சாக்கடை கால்வாய் கட்டுவதற்காக, கடந்த 2 மாதங்களுக்கு முன் பள்ளம் தோண்டப்பட்டது. அதன் பிறகு பணிகள் நடைபெறவில்லை. இப்பள்ளத்தில் கழிவுநீர் தேங்கி சுகாதார சீர்கேட்டை ஏற்படுத்துகிறது. எனவே, ஊராட்சி நிர்வாகத்தினர் இப்பணியை விரைவு படுத்த வேண்டும்.

- தினேஷ், பள்ளபாளையம்.


நிழற்கூரை பராமரிக்கணும்



உடுமலை பழநி ரோடு, காந்திநகரில் நிழற்கூரை உள்ளது. இங்கு பராமரிப்பின்றி, தேவையற்ற பொருட்களும் போடப்படுகிறது. இதனால், மக்கள், பயணியர் பயன்படுத்த முடியாத நிலை ஏற்படுகிறது. எனவே, நிழற்கூரையை பராமரிக்க நடவடிக்கை எடுக்க வேண்டும்.

- மோகன், உடுமலை.


மின்வாரியம் கவனத்துக்கு...



மடத்துக்குளம் பகுதியில், விவசாயத்திற்கு மின்சாரம் தொடர்ந்து வழங்கப்படுவதில்லை. விட்டுவிட்டு வழங்கப்படுகிறது. இதனால், விவசாயிகள் மின்சாரத்திற்காக, தோட்டத்தில் நீண்ட நேரம் காத்திருக்க வேண்டியதுள்ளது. இதுகுறித்து மின்வாரிய அதிகாரிகள் நடவடிக்கை எடுக்க வேண்டும்.

- திருமலைசாமி, மேற்கு நீலம்பூர்.


பஸ் ஸ்டாண்டால் இடநெருக்கடி



உடுமலை பஸ் ஸ்டாண்டில், பஸ்கள் நிறுத்துவதற்கு போதிய இடவசதியில்லாமல் உள்ளது. போதிய ரேக்குகள் இல்லை. இதனால், அங்கு இடநெருக்கடி ஏற்படுகிறது. எனவே, பஸ் ஸ்டாண்ட்டை விரிவுபடுத்தி, பணிகளை துரிதப்படுத்த வேண்டும்.

- கார்த்திக், உடுமலை.


போக்குவரத்து நெரிசல்



உடுமலை - பொள்ளாச்சி ரோட்டில், வாகனங்கள் தாறுமாறாக நிறுத்தப்படுகின்றன. இதனால், பிற வாகனங்கள் செல்ல முடிவதில்லை. போக்குவரத்தும் பாதிக்கப்பட்டு, நெரிசலும் ஏற்படுகிறது. எனவே, வாகனங்கள் நிறுத்துவதை போலீசார் முறைப்படுத்த வேண்டும்.

- முருகன், உடுமலை.


கூடுதல் பஸ்கள் இயக்கணும்



உடுமலையிலிருந்து, கிராமங்களுக்கு போதிய அளவில் பஸ்கள் இயக்கப்படுவதில்லை. இதனால், கிராம மக்கள் தங்களது ஊர்களுக்கு செல்ல நீண்ட நேரம் காத்திருக்க வேண்டியதுள்ளது. எனவே, கூடுதல் பஸ்களை இயக்க போக்குவரத்து கழகத்தினர் நடவடிக்கை எடுக்க வேண்டும்.

- சாந்தி, உடுமலை.


பார்க்கிங் வசதி இல்லை



உடுமலை, அருகே திருமூர்த்திமலைக்கு தினமும் நுாற்றுக்கணக்கான பக்தர்கள், சுற்றுலா பயணியர் வருகை தருகின்றனர். அவர்கள் வரும் வாகனங்களை நிறுத்த அங்கு போதிய இடவசதியில்லை. இதனால், நெரிசல் ஏற்படுகிறது. எனவே, அங்கு பார்க்கிங் வசதி செய்து தர வேண்டும்.

- ராஜேந்திரன், உடுமலை.


பாதையை சீரமைக்கணும்



திருமூர்த்திமலையில் பஞ்சலிங்கம் அருவி உள்ளது. இங்கு ஏராளமான சுற்றுலா பயணியர் வருகின்றனர். அவர்கள் செல்லும் பாதை, கரடு, முரடாக உள்ளது. இதனால், குழந்தைகள், பெண்கள், முதியோர் சிரமத்துக்குள்ளாகின்றனர். எனவே, அங்கு பாதையை சீரமைக்க வனத்துறையினர் நடவடிக்கை எடுக்க வேண்டும்.

- லாவண்யா, உடுமலை.


பூங்காவை அழகுபடுத்தணும்



உடுமலை அருகே அமராவதி அணையில் சிறுவர் பூங்கா உள்ளது. இப்பூங்கா பராமரிப்பின்றி பொலிவிழந்து காணப்படுகிறது. இதனால், அங்கு வரும் சுற்றுலா பயணியர் ஏமாற்றமடைகின்றனர். எனவே, பொதுப்பணித்துறையினர் இப்பூங்காவை, சீரமைத்து அழகுபடுத்த வேண்டும்.

- குருமூர்த்தி, உடுமலை.


பஸ் ஸ்டாண்ட் வேண்டும்



உடுமலை அருகே கொமரலிங்கம் பஸ் நிறுத்தம், பல்வேறு கிராமங்களின் முக்கிய சந்திப்பாக உள்ளது. உடுமலை- பழநி ரோட்டுக்கு மாற்றுப்பாதையாகவும் உள்ளது. ஆனால், இங்கு பஸ்கள் நிறுத்த இடமில்லாமல் உள்ளது. எனவே, கொமரலிங்கத்தில் பஸ் ஸ்டாண்ட் அமைக்க பேரூராட்சியினர் நடவடிக்கை எடுக்க வேண்டும்.

- கண்ணன், உடுமலை.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X