தற்கொலைக்கு இழப்பீடு கோரிய வழக்கு தள்ளுபடி

Added : ஜன 19, 2023 | |
Advertisement
மதுரை:கொரோனா காலகட்டத்தில் கணவர் தற்கொலை செய்ததற்கு, மாநில அரசு இழப்பீடு வழங்க கோரி தாக்கலான வழக்கை, உயர் நீதிமன்ற மதுரைக் கிளை நேற்று முன்தினம் தள்ளுபடி செய்தது.மதுரையை சேர்ந்த செல்வி என்பவர், உயர் நீதிமன்றத்தில் தாக்கல் செய்த மனு:என் கணவர் குமார், ஒரு வங்கியில் கடன் பெற்றார்; சொத்தை அடமானம் வைத்தார். கொரோனா தொற்று காலத்தில் ஏற்பட்ட பொருளாதார நெருக்கடியால் கடன்

மதுரை:கொரோனா காலகட்டத்தில் கணவர் தற்கொலை செய்ததற்கு, மாநில அரசு இழப்பீடு வழங்க கோரி தாக்கலான வழக்கை, உயர் நீதிமன்ற மதுரைக் கிளை நேற்று முன்தினம் தள்ளுபடி செய்தது.

மதுரையை சேர்ந்த செல்வி என்பவர், உயர் நீதிமன்றத்தில் தாக்கல் செய்த மனு:

என் கணவர் குமார், ஒரு வங்கியில் கடன் பெற்றார்; சொத்தை அடமானம் வைத்தார். கொரோனா தொற்று காலத்தில் ஏற்பட்ட பொருளாதார நெருக்கடியால் கடன் தவணையை செலுத்த முடியவில்லை.

கடனை செலுத்த, வங்கி தரப்பு அச்சுறுத்தியது. இதனால் 2021 ஜன., 31ல் கணவர் தற்கொலை செய்தார்.

எனக்கு இழப்பீடு வழங்கக்கோரி தமிழக உள்துறைச் செயலர், மதுரை கலெக்டருக்கு மனு அனுப்பினேன். பரிசீலிக்க உத்தரவிட வேண்டும்.

இவ்வாறு செல்வி குறிப்பிட்டிருந்தார்.

அந்த மனுவை விசாரித்த நீதிபதி ஜி.ஆர்.சுவாமிநாதன் பிறப்பித்த உத்தரவு:

இதில் மாநில அரசை எவ்வாறு பொறுப்பாக்க முடியும் என்பதை புரிந்து கொள்ள இயலவில்லை. மனுதாரரின் கணவர் வங்கியில் கடன் வாங்கியது ஒப்புக் கொள்ளப்பட்டுள்ளது. கடனை செலுத்தத் தவறினால் நடவடிக்கையை தொடர கடன் கொடுத்தவருக்கு உரிமை உண்டு.

நிதி நெருக்கடியால் ஏற்பட்ட மன உளைச்சலால் மனுதாரரின் கணவர் தற்கொலை செய்துள்ளார். இது, துரதிர்ஷ்டவசமான நிகழ்வு. ஆனால் மனுதாரருக்கு எந்த இழப்பீட்டையும் மாநில அரசால் வழங்க முடியாது. மனு தள்ளுபடி செய்யப்படுகிறது. இவ்வாறு அவர் உத்தரவிட்டார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X