பொள்ளாச்சி:திண்டுக்கல் --- பழநி வழித்தடத்தில் செல்லும் எக்ஸ்பிரஸ் மற்றும் முன்பதிவில்லா பயணியர் ரயில்களின், நேரம் மாற்றப்பட்டுள்ளது.
தெற்கு ரயில்வே வெளியிட்டுள்ள செய்திக்குறிப்பு வருமாறு:
சென்னை --- பாலக்காடு எக்ஸ்பிரஸ் ரயில் காலை நேரங்களில், 7:23 மணிக்கு உடுமலை ரயில்வே ஸ்டேஷன் வந்து, 7:25 மணிக்கு புறப்படும். 7:52 மணிக்கு பொள்ளாச்சி ரயில்வே ஸ்டேஷன் வந்து, 7:55 மணிக்கு புறப்படும்.
அதேபோல், மறுமார்க்கத்தில் மாலை, 5:12 மணிக்கு பொள்ளாச்சி வந்து, 5:15 மணிக்கு புறப்படும். உடுமலைக்கு, மாலை 5:44 மணிக்கு வந்து, 5.45 மணிக்கு புறப்படும்.
பாலக்காடு - திருச்செந்துார் முன்பதிவில்லா விரைவு ரயில், காலை நேரங்களில், 7:08 மணிக்கு பொள்ளாச்சி வந்து, 7:10 மணிக்கு புறப்படும். உடுமலைக்கு, 7:34 மணிக்கு வந்து, 7:35க்கு புறப்படும். மறுமார்க்கத்தில், உடுமலைக்கு, 7:28 மணிக்கு வந்து, 7:29க்கு புறப்படும். பொள்ளாச்சி, இரவு, 7:58 மணிக்கு வந்து, 8:00 மணிக்கு புறப்படும்.
திருவனந்தபுரம் --- மதுரை அமிர்தா எக்ஸ்பிரஸ் ரயிலின் காலை நேர அட்டவணையில் எந்த மாற்றமும் செய்யப்படவில்லை. இந்த ரயில், வழக்கம் போல் காலை, 5:37 மணிக்கு வந்து, 5:40 மணிக்கு புறப்படும். உடுமலைக்கு, 6:06க்கு வந்து, 6:07 மணிக்கு புறப்படும்.
மறுமார்க்கத்தில், உடுமலைக்கு, மாலை, 6:30க்கு வந்து, 6:32 மணிக்கு புறப்படும். பொள்ளாச்சிக்கு, இரவு, 7:02 மணிக்கு வந்து, 7:05 மணிக்கு புறப்படும். இந்த அட்டவணை மாற்றம், நாளை, 22ம் தேதி முதல் அமலுக்கு வர உள்ளது.
இவ்வாறு, அதில் தெரிவிக்கப்பட்டுள்ளது.
உங்களுக்காக சிபாரிசு செய்யப்படுகிறது
நிலத்தில் முதலீடு செய்யும் ஆசை மக்களுக்கு அதிகரித்து வந்தாலும், எங்கு எப்படி எவ்வளவு கொடுத்து வாங்குவது போன்ற குழப்பங்கள் நீடித்து வருகிறது.