பி.எப்., தொகை கொண்டு வீட்டுக்கடனை அடைக்கலாமா?

Added : ஜன 22, 2023 | |
Advertisement
வீட்டுக்கடனுக்கான மாதத்தவணை சுமை அதிகரித்தால், கடனை முன்கூட்டியே அடைக்கும் வாய்ப்பை பரிசீலிக்கலாம்.வீட்டுக்கடனுக்கான வட்டி விகிதம் உயர்ந்து வரும் சூழலில், பலரும் மாதத்தவணை சுமை அதிகரிப்பதை உணர்ந்துள்ளனர். கடந்த ஆண்டு முதல் ரிசர்வ் வங்கி ஐந்து முறை ரெப்போ விகிதத்தை உயர்த்திஉள்ளது. இதையடுத்து வங்கி களும் வீட்டுக்கடனுக்கான வட்டி விகிதத்தை உயர்த்தி
பிஎப், தொகை ,வீட்டுக்கடன்,அடைப்பு?

வீட்டுக்கடனுக்கான மாதத்தவணை சுமை அதிகரித்தால், கடனை முன்கூட்டியே அடைக்கும் வாய்ப்பை பரிசீலிக்கலாம்.

வீட்டுக்கடனுக்கான வட்டி விகிதம் உயர்ந்து வரும் சூழலில், பலரும் மாதத்தவணை சுமை அதிகரிப்பதை உணர்ந்துள்ளனர். கடந்த ஆண்டு முதல் ரிசர்வ் வங்கி ஐந்து முறை ரெப்போ விகிதத்தை உயர்த்திஉள்ளது. இதையடுத்து வங்கி களும் வீட்டுக்கடனுக்கான வட்டி விகிதத்தை உயர்த்தி வருகின்றன.

இந்த போக்கு தொடரும் என எதிர்பார்க்கப்படும் நிலையில், மாதத்தவணை சுமையை குறைப்பதற்கான வழிகள் பற்றி பரவலாக கவனம் செலுத்தப்படுகிறது. கடன் காலத்தை நீட்டிப்பது, கடனை வேறு வங்கிக்கு மாற்றுவது உள்ளிட்ட வாய்ப்புகளோடு, கடன் தொகையை முன்கூட்டியே அடைக்கும் வாய்ப்பையும் பரிசீலிக்கலாம் என வல்லுனர்கள் கருதுகின்றனர்.


கடன் தொகை


வீட்டுக்கடன் நீண்ட கால கடன் பொறுப்பு என்பதால் அதை மிகவும் கவனத்துடன் கையாள வேண்டும். வட்டி விகித உயர்வை சமாளிக்க கடன் காலத்தை அதிகரிக்கலாம் என்றாலும், அதன் காரணமாக மொத்தமாக செலுத்த வேண்டிய வட்டி அதிகரிக்கும் நிலை உள்ளது.

மேலும் கடன் காலத்தை அதிகரிப்பது, இளம் வயதினருக்கே சாதகமானது. நடுத்தர வயதில் இருப்பவர்களுக்கு கடன் காலத்தை நீட்டிப்பது சிக்கலை உண்டாக்கலாம். எனவே, கடனை முன்கூட்டியே அடைப்பது அல்லது அசலில் ஒரு பகுதியை முன்கூட்டியே செலுத்துவதன் மூலம் கடன் சுமையை குறைக்கலாம் என கருதப்படுகிறது.

கைவசம் உபரித்தொகை உள்ளவர்கள் அல்லது போனஸ் மூலம் பணம் கிடைக்கும் வாய்ப்புள்ளவர்கள் அந்த தொகையை கடனுக்கான அசலை செலுத்த பயன்படுத்திக்கொள்ளலாம். இப்படி திட்டமிட்டு, முன்கூட்டியே அசலை செலுத்தி வருவதன் மூலம், முன்கூட்டியே கடனில் இருந்து விடுபடலாம்.

எனினும், உபரித்தொகை கைவசம் இல்லாதவர்கள் மாற்று வாய்ப்பை தேட வேண்டியிருக்கும். பி.எப்., தொகை இத்தகைய ஒரு வாய்ப்பாக அமைகிறது.



கவனம் தேவை


தொழிலாளர் சேம நல நிதியாக அமையும் பி.எப்., நீண்ட கால சேமிப்பாக கருதப்படுகிறது. ஓய்வு காலத்திற்கான பாதுகாப்பாகவும் அமைகிறது. பி.எப்., தொகையில் இருந்து குறிப்பிட்ட காரணங்களுக்காக இடையே பகுதி விலக்கல் செய்து கொள்ளவும் அனுமதிக்கப்படுகிறது. அந்த வகையில் வீட்டுக்கடனை அடைக்கவும் பி.எப்., கணக்கில் இருந்து ஒரு பகுதி தொகையை விலக்கி கொள்ளலாம். எனவே வீட்டுக்கடனில் இருந்து விடுபட நினைப்பவர்கள் இந்த வாய்ப்பை பரிசீலிக்கலாம்.

எனினும், இதற்கான நிபந்தனைகள் உண்டு என்பதை மனதில் கொள்ள வேண்டும். வீட்டுகடன் உறுப்பினர் பெயரில் இருக்க வேண்டும் மற்றும், குறிப்பிட்ட காலம் பணியை பூர்த்தி செய்திருக்க வேண்டும்.

வீட்டுக்கடனுக்காக, பி.எப்., தொகையை விலக்கி கொள்ளும் தகுதி இருந்தாலும் இந்த வாய்ப்பை கவனமாக அணுக வேண்டும் என்று வல்லுனர்கள் பரிந்துரைக்கின்றனர். பி.எப்., நீண்ட கால சேமிப்பு என்பதால் இதை உபரி பணமாக கருதக்கூடாது என்கின்றனர்.

மேலும், பி.எப்., தொகையை விலக்கி கொண்டு கடனை அடைக்க முற்படும் போது கிடைக்கும் பலனை ஆராய வேண்டும் என்கின்றனர். பொதுவாக, தவிர்க்க இயலாத காரணங்களுக்காக மட்டுமே பி.எப்., தொகையை விலக்கி கொள்ள வேண்டும் என பரிந்துரைக்கப்படுகிறது.

எனவே, எல்லா விதங்களிலும் சாதகமாக அமைந்து, ஓய்வு கால சேமிப்பு பாதிக்கப்படாது எனும் நிலையில் இந்த வாய்ப்பை பயன்படுத்துவதே சரியாக இருக்கும்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X