பி.பி.சி., சர்ச்சை ஆவணப்படம் கேரளாவில் திரையிட முடிவு

Updated : ஜன 25, 2023 | Added : ஜன 25, 2023 | கருத்துகள் (26) | |
Advertisement
திருவனந்தபுரம், பி.பி.சி., நிறுவனம் தயாரித்துள்ள சர்ச்சைக்குரிய ஆவணப்படத்தை திரையிடப் போவதாக, கேரளாவில் மார்க்சிஸ்ட் உள்ளிட்ட கட்சிகள் தெரிவித்துள்ளன. இதற்கு பா.ஜ., கடும் எதிர்ப்பு தெரிவித்துள்ளது. ஐரோப்பிய நாடான பிரிட்டனைச் சேர்ந்த பி.பி.சி., நிறுவனம், 2002ல் நடந்த குஜராத் கலவரம் பற்றிய ஆவணப்படத்தை தயாரித்துள்ளது.இதில், அப்போது குஜராத் முதல்வராக இருந்த மோடியை, தொடர்பு
 பி.பி.சி., சர்ச்சை,ஆவணப்படம் ,கேரளா   முடிவு

திருவனந்தபுரம், பி.பி.சி., நிறுவனம் தயாரித்துள்ள சர்ச்சைக்குரிய ஆவணப்படத்தை திரையிடப் போவதாக, கேரளாவில் மார்க்சிஸ்ட் உள்ளிட்ட கட்சிகள் தெரிவித்துள்ளன. இதற்கு பா.ஜ., கடும் எதிர்ப்பு தெரிவித்துள்ளது.

ஐரோப்பிய நாடான பிரிட்டனைச் சேர்ந்த பி.பி.சி., நிறுவனம், 2002ல் நடந்த குஜராத் கலவரம் பற்றிய ஆவணப்படத்தை தயாரித்துள்ளது.

இதில், அப்போது குஜராத் முதல்வராக இருந்த மோடியை, தொடர்பு படுத்தியுள்ளனர்.

இதற்கு மத்திய அரசு கடும் எதிர்ப்பு தெரிவித்தது. இந்த ஆவணப்படத்தை முடக்கும்படி, மத்திய அரசு சமூக வலைதளங்களுக்கு உத்தரவிட்டுள்ளது.


latest tamil news



நடவடிக்கை



இந்நிலையில், கேரளாவில் ஆளும் மார்க்சிஸ்ட் கம்யூ., கட்சியின் இளைஞர் அமைப்பான, டி.ஒய்.எப்.ஐ., காங்கிரஸ் கட்சியின் இளைஞர் அணியினர் ஆகியோர், இந்த ஆவணப்படத்தை திரையிடப் போவதாக அறிவித்துள்ளனர்.

இதற்கு, கேரள மாநில பா.ஜ.,வினர் கடும் எதிர்ப்பு தெரிவித்துள்ளனர். மாநில பா.ஜ., தலைவர் சுரேந்திரன், இது குறித்து போலீசில் புகார் அளித்துள்ளார்.

ஆவணப்படத்தை திரையிடப் போவதாக அறிவித்துள்ளவர்கள் மீது நடவடிக்கை எடுக்கும்படி, முதல்வர் பினராயி விஜயனுக்கும் கோரிக்கை விடுத்துள்ளார்.

இதற்கிடையே, தெலுங்கானா மாநிலம் ஹைதராபாதில் உள்ள மத்திய பல்கலையில், மாணவர்களில் ஒரு தரப்பினர் இந்த ஆவணப்படத்தை நேற்று முன்தினம் ரகசியமாக திரையிட்டுள்னனர்.

'சகோதரத்துவ அமைப்பு' என்ற பெயரில் செயல்படும் மாணவர்கள், இந்த படத்தை திரையிட்டுள்ளனர்.

இது குறித்து, பா.ஜ., மாணவர் அமைப்பான ஏ.பி.வி.பி., சார்பில் போலீசில் புகார் அளிக்கப்பட்டுள்ளது.

'முறையான அனுமதியின்றி படத்தை திரையிட்டவர்கள் மீது நடவடிக்கை எடுக்க வேண்டும்' என, புகாரில் தெரிவிக்கப்பட்டுள்ளது.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது





வாசகர் கருத்து (26)

Siva - Aruvankadu,இந்தியா
26-ஜன-202319:53:15 IST Report Abuse
Siva கேரள ஒரு பாவ பட்ட பூமி சொந்த ஊரில் வாழ வழியில்லாத பல லட்சம் கேரள மாநில மக்கள் இந்தியா மட்டுமின்றி உலகம் முழுவதும் கிடைத்த வேலை செய்து சோத்துக்கு தங்கள் உழைப்பின் மூலம் வழி செய்து வந்த நிலையில் உள்ளூர் கம்யூனிஸ்ட் அரசியல் வாதிகள் தானும் வளராமல் உள்ளூர் மக்கள் உருப்படாமல் செய்த பெருமை உண்டு. ஆக கேரளா அரசு விளம்பரம் செய்தது போல கடவுளின் தேசம் அல்ல கேரளா. இருக்கிறவனிடம் புடுங்கும் தேசம்.
Rate this:
Cancel
Sujikumar D - Marthandam,இந்தியா
25-ஜன-202312:18:25 IST Report Abuse
Sujikumar D மருது சகோதரர்களையும், அவர்களின் மகன்களையும், பேரன் களையும், எந்த ஒரு குற்றம் செய்யாத உத்தமசாலிகளை, ஒட்டி பிழைக்க வந்த நாய்( பிரிட்டிஷ்) களுக்கு, வரி செலுத்தாத ஒரே காரணத்திற்காக, தூக்கிலிடப்பட்டார் கள், அதிலும் குறிப்பாக, ஒரு பேரனை நாடு கடத்தி, உணவுக்கு கூட வழி இல்லாமல், சிரமபடுத்தினர், கேரளாவில் வேலு தம்பி தளவாய் பொய் குற்றம் சுமத்தி, தூக்கில் இட முற்பட்ட போது, அவர் தற்கொலை செய்து கொண்டார்... இது போன்ற பல கீழ் தரமான குற்ற செயல் களை செய்தவர்கள் பிரிட்டிஷ் காரனகள், அதை எல்லாம் ஆவண படமெடுத்து உலகிற்கு BBC அறிமுக படுத்தட்டும், இவர்கள செய்த குற்றங்களை மறைந்து, ஹிட்லரை குற்றவாளி யாக சித்தரித்தார் கள்... குறிப்பாக கேரளாவில் வரி என்ற பெயரில் மலை வரியும் விதித்து மக்களை கொடுமை படுத்தி விட்டு, அந்த பழியை மன்னர் மேல் சுமத்தி விட்டார்கள்
Rate this:
Cancel
தமிழ்வேள் - திருவள்ளூர்-தொண்டைமண்டலம்-பாரதப் பேரரசு,இந்தியா
25-ஜன-202312:01:59 IST Report Abuse
தமிழ்வேள் இந்தியா அதிபர் ஆட்சி முறைக்கு மாறவேண்டும் .....மொழிவாரி மாநிலங்களுக்கு பதில் , பத்து மாகாணங்கள் /பிராந்தியங்களாக பிரிக்கப்படவேண்டும் .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X