சென்னை:குடியரசு தினத்தை முன்னிட்டு, கவர்னர் மாளிகையில் நேற்று மாலை நடந்த தேநீர் விருந்தில், முதல்வர் மற்றும் அமைச்சர்கள் பங்கேற்றனர். எதிர்க்கட்சியினரும் பங்கேற்ற நிலையில், தி.மு.க., கூட்டணி கட்சியினர் மட்டும் புறக்கணித்தனர்.

சென்னையில் உள்ள கவர்னர் மாளிகையில், குடியரசு தினத்தையொட்டி, நேற்று கவர்னர் ரவி தேநீர் விருந்து அளித்தார்.

முதல்வர், அமைச்சர்கள், நீதிபதிகள், விளையாட்டு வீரர்கள், பல்வேறு துறை சாதனையாளர்கள், அரசியல் கட்சி தலைவர்கள், முக்கியப் பிரமுகர்கள், எம்.பி.,க்கள், எம்.எல்.ஏ.,க்கள் என, 3,000 பேருக்கு அழைப்பிதழ் அனுப்பப்பட்டது.

அரசுக்கும், கவர்னருக்கும் இடையே மோதல் நிலவியதால், முதல்வர் ஸ்டாலின் மற்றும் அமைச்சர்கள் தேநீர் விருந்தில் பங்கேற்க மாட்டார்கள் என்ற எண்ணத்தில், தி.மு.க., கூட்டணி கட்சிகள், கவர்னரின் தேநீர் விருந்தை புறக்கணிப்பதாக அறிவித்தன.

அனைத்திற்கும் உச்சகட்டமாக, சட்டசபை காங்கிரஸ் தலைவர் செல்வப்பெருந்தகை, 'தமிழ்நாட்டு நலன், தமிழக மக்கள் நலனில் அக்கறை இல்லாதவர்கள் தான், கவர்னர் தேநீர் விருந்தில் பங்கேற்பர். அக்கறை உள்ளவர்கள் புறக்கணிப்பர்' என்றார்.

இந்த சூழ்நிலையில், நேற்று முன்தினம் மாலை, கவர்னர் ரவி தொலைபேசியில், முதல்வர் ஸ்டாலினை தொடர்பு கொண்டு, தேநீர் விருந்துக்கு வரும்படி அழைப்பு விடுத்தார். கவர்னரின் செயலர், முதல்வரை நேரில் சந்தித்து அழைப்பிதழ் கொடுத்தார்.

அதைத் தொடர்ந்து, கவர்னர் மாளிகையில் நடந்த தேநீர் விருந்தில், முதல்வர் ஸ்டாலின் மற்றும் அமைச்சர்கள் பங்கேற்றனர்.

அ.தி.மு.க., முன்னாள் அமைச்சர்கள் அக்ரி கிருஷ்ணமூர்த்தி, சேவூர் ராமச்சந்திரன், தமிழக பா.ஜ., தலைவர் அண்ணாமலை, துணைத் தலைவர் நாராயணன் திருப்பதி, த.மா.கா., தலைவர் வாசன், புதிய தமிழகம் கட்சி தலைவர் கிருஷ்ணசாமி ஆகியோரும் பங்கேற்றனர்.

மாலை 4:37 மணிக்கு, விழாவுக்கு வந்த அனைவரையும், அவர்களின் இருக்கைக்கு சென்று, கவர்னர் ரவி, அவரது மனைவி லட்சுமி, முதல்வர் ஸ்டாலின் ஆகியோர் வரவேற்று, குடியரசு தின வாழ்த்துகளை தெரிவித்தனர். மாலை 4:54 மணிக்கு, தங்கள் இருக்கைக்கு சென்று அமர்ந்தனர்.

அதன்பின், 'கலாஷேத்ரா பவுண்டேஷன்' அமைப்பு சார்பில், 'பாரதி கண்ட பாரதம்' என்ற தலைப்பில், நாட்டிய நிகழ்ச்சி நடந்தது.

விழாவில், முன்னாள் கவர்னர்கள் நாராயணன், கோபாலகிருஷ்ண காந்தி, சென்னை உயர் நீதிமன்ற பொறுப்பு தலைமை நீதிபதி ராஜா, அமைச்சர்கள் துரைமுருகன், பொன்முடி, பெரியசாமி, வேலு, ராமச்சந்திரன், உதயநிதி, தலைமைச் செயலர் இறையன்பு மற்றும் அலுவலர்கள் பங்கேற்றனர்.

சென்னை:குடியரசு தினத்தை முன்னிட்டு, கவர்னர் மாளிகையில் நேற்று மாலை நடந்த தேநீர் விருந்தில், முதல்வர் மற்றும் அமைச்சர்கள் பங்கேற்றனர். எதிர்க்கட்சியினரும் பங்கேற்ற நிலையில், தி.மு.க.,

திருப்போரூர் திருவிழா - இது சொந்தவீடு வாங்கும் பெருவிழா!

கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.