வாசிக்க நேரம் இல்லையா? செய்தியைக் கேளுங்கள் 
ஸ்ரீநகர் : பயங்கரவாதிகளுக்கு நிதியுதவி வழங்கிய வழக்கில், ஜம்மு - காஷ்மீரில் உள்ள பிரிவினைவாத அமைப்புகளின் கூட்டமைப்பான அனைத்து ஹுரியத் மாநாடு அலுவலகத்தை, என்.ஐ.ஏ., எனப்படும், தேசிய புலனாய்வு அமைப்பு முடக்கியுள்ளது.
ஜம்மு - காஷ்மீரை தனி நாடாக அறிவிக்க வேண்டும் என்பதை கொள்கையாக உடைய, 26 பிரிவினைவாத இயக்கங்களின் கூட்டமைப்பான அனைத்து ஹுரியத் மாநாட்டின் அலுவலகம், ஸ்ரீநகரில் உள்ள ராஜ்பாக் பகுதியில் உள்ளது.
ஜம்மு - காஷ்மீரில் போராட்டத்தை துாண்டும் வகையில், பல்வேறு பயங்கரவாத அமைப்புகளுக்கு நிதியுதவி அளித்ததாகக் கூறி, ஹுரியத் மாநாடு அலுவலக நிர்வாகிகளில் ஒருவரான, நயீம் அகமது கானை, என்.ஐ.ஏ., அதிகாரிகள், 2017ல் கைது செய்தனர்.
|
நீதிமன்ற காவலில் உள்ள இவரிடம் விசாரணை நடத்தப்பட்டதைத் தொடர்ந்து, இவருக்கு சொந்தமான அனைத்து ஹுரியத் மாநாடு அலுவலகத்தை என்.ஐ.ஏ., அமைப்பு நேற்று முன்தினம் முடக்கியது. புதுடில்லி பட்டியாலா சிறப்பு நீதிமன்ற உத்தரவை அடுத்து, இதற்கான 'நோட்டீஸ்' அலுவலக வெளிப்புறச் சுவரில் ஒட்டப்பட்டது.
புதிய செய்திகளுக்கு தினமலர் சேனலை Subscribe செய்யுங்கள்
Advertisement
