பொருளாதார ஆய்வறிக்கை குறித்து, மத்திய அரசின் தலைமை பொருளாதார ஆலோசகர் அனந்த நாகேஸ்வரன் நேற்று கூறியதாவது:நம் நாட்டின் பொருளாதாரம் வரும் ஆண்டுகளில் சிறப்பாகவே இருக்கும். இந்த தசாப்தம் எனப்படும் ௧௦ ஆண்டுகளின் இறுதியில், நம்முடைய பொருளாதார வளர்ச்சி, ௬.௫௭ சதவீதமாக இருக்கும் எனக் கணிக்கப்பட்டுள்ளது.வரும், ௨௦௨௩ - ௨௦௨௪ம் நிதியாண்டில், விலைவாசி உயர்வு பொதுவாக கட்டுக்குள் இருக்கும். பெரிய அளவில் பாதிப்புகள் இருக்காது என எதிர்பார்க்கிறோம்.வரும் ஏப்ரலில் துவங்கும் நிதிஆண்டில் நாட்டின் பொருளாதார வளர்ச்சி, ௬.௫ சதவீதமாக இருக்கும் என்று கணிக்கப்பட்டுள்ளது. உலக நாடுகள் பொருளாதார மந்தநிலை உள்ளிட்ட பிரச்னைகளை சந்திக்கும் நிலையில், தற்போதும் மிகப் பெரும் பொருளாதார வளர்ச்சி காணும் நாடாக இந்தியா இருக்கும்.கச்சா எண்ணெய் விலை, ஒரு பேரல், ௧௦௦ அமெரிக்க டாலருக்கு கீழாக இருக்கும் வரையில், வரும் நிதியாண்டில் விலைவாசி உயர்வில் பெரிய அளவில் பாதிக்கப்படாது.பொது செலவீனங்களின் தரம் அதிகரித்துள்ளது. பட்ஜெட் பற்றாக்குறை தொடர்பான தரவுகள் மிகவும் வெளிப்படையாக உள்ளன.கடன், அனைத்து துறைகளிலும் சிறப்பான வளர்ச்சியை கண்டுஉள்ளது. குறிப்பாக எம்.எஸ்.எம்.இ., எனப்படும் சிறு, குறு மற்றும் மத்திய தொழில் துறையினருக்கான கடன் வழங்குவது, கடந்தாண்டு ஜன.,ல் இருந்து, ௩௦ சதவீதம் வரை உயர்ந்துள்ளது. அதே நேரத்தில் வங்கி சாரா நிதி நிறுவனங்களின், என்.பி.ஏ., எனப்படும் வாராக் கடன், அதற்கு முந்தைய ௧௫ மாதங்களைவிட குறைவாக உள்ளது.இவ்வாறு அவர் கூறினார்.

- நமது சிறப்பு நிருபர் -மத்திய நிதியமைச்சர் நிர்மலா சீதாராமன் பார்லிமென்டில் நேற்று தாக்கல் செய்த ௨௦௨௨ - ௨௦௨௩ம் ஆண்டுக்கான பொருளாதார ஆய்வறிக்கையில், தமிழகம் உள்ளிட்ட மாநிலங்கள் வருவாய் ஆதாரங்களை பெருக்குவதற்கு மேற்கொண்ட நடவடிக்கைகளுக்கு பாராட்டு தெரிவிக்கப்பட்டுஉள்ளது.தமிழகம், தெலுங்கானா, கேரளா போன்ற மாநிலங்கள், சொத்து வரியை திருத்தி அமைத்தன. இதன் வாயிலாக மாநிலத்துக்கான வருவாய் உயர்ந்துள்ளது.தமிழகம், ஆந்திரா, தெலுங்கானா, கர்நாடகா, மத்திய பிரதேசம், ஹரியானா, கேரளா, அசாம் மாநிலங்கள் மற்றும் புதுச்சேரி யூனியன் பிரதேச அரசுகள், மின்சார கட்டணத்தை உயர்த்தின. இதன் வாயிலாக கூடுதல் வருவாய் ஆதாரம் கிடைத்து உள்ளது.கொரோனா வைரஸ் பரவல் காரணமாக மாநிலங்களின் செலவீனம் அதிகரித்தது. இதனால் வருவாய் ஆதாரங்களும் பாதிக்கப்பட்டன. மாநில அரசுகளுக்கு மத்திய அரசு சில நிதியுதவிகளை செய்தாலும், இந்த மாநிலங்கள் தங்களுடைய வருவாய் ஆதாரங்களை உயர்த்தி கொள்ளும் நடவடிக்கைகளை எடுத்துள்ளதாக ஆய்வறிக்கையில் குறிப்பிடப்பட்டுள்ளது.உத்தர பிரதேசம் போன்ற மாநிலங்களின் மதுபான கொள்கையை திருத்தின. லைசென்ஸ் கட்டணம், புதுப்பித்தல் கட்டணம், பரிசீலனை கட்டணம், பதிவுக் கட்டணம் உயர்த்தப்பட்டன. இதன் வாயிலாக கணிசமான வருவாய் மாநில அரசுக்கு கிடைத்தது.இதைத் தவிர பல மாநிலங்கள், மாநில அரசின் கட்டுப்பாட்டில் உள்ள பொதுத் துறை நிறுவனங்களை தனியார் மயமாக்கின. மேலும் சொத்துக்களை பணமாக்கும் முயற்சியில் ஈடுபட்டன. இதுவும் வருவாய் ஆதாரம் பெருகுவதற்கு மாநிலங்களுக்கு உதவின.இவ்வாறு அறிக்கையில் கூறப்பட்டுள்ளது.