மல்லசமுத்திரம்: காளிப்பட்டி கந்தசாமி கோவில் தைப்பூச தேரோட்டம், வரும், 5ம் தேதி நடக்கிறது.
சேலம்--- நாமக்கல் மாவட்ட எல்லை பகுதியில் அமைந்துள்ள காளிப்பட்டி கந்தசாமி கோவிலில் வரும், 5ம் தேதி தைப்பூச தேரோட்ட விழா நடக்கிறது. இதையொட்டி இன்று மாலை, 6:00 மணிக்கு கொடியேற்றத்துடன் திருவிழா துவங்குகிறது.
பிப்.,2, 3ம் தேதிகளில் பகல்,1:00 மணிக்கு சுவாமிக்கு சிறப்பு அபிஷேகம் நடைபெறும். 4ம் தேதி பகல் ஒரு மணிக்கு சுவாமிக்கு, சிறப்பு சந்தன காப்பு அலங்காரமும், இரவு, 10:00 மணிக்கு, திருக்கல்யாண வைபோகம், சுவாமி திருத்தேருக்கு புறப்படுதல் உள்ளிட்ட நிகழ்ச்சிகள் நடைபெறும். 5ம் தேதி மதியம், 2:45 மணிக்கு, இந்து அறநிலையத்துறை இணை ஆணையர் பரஞ்சோதி, உதவி ஆணையர் இளையராஜா முன்னிலையில் திருத்தேர் வடம் பிடிக்கப்படும். 6ம் தேதி சிறப்பு சந்தன காப்பு அலங்காரமும், 7ம் தேதி காலை, 3:00 மணிக்கு சத்தாபரண மகாமேருவும் நடைபெறும். 8ம் தேதி வசந்த விழாவுடன் திருவிழா முடிவடைகிறது.
ஏற்பாடுகளை செயல் அலுவலர் மணிகண்டன், பரம்பரை அறங்காவலர் அம்பிகாதேவி செய்துள்ளனர்.
கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.
