திருவள்ளூர்:அரசு பள்ளி மாணவ - மாணவியரின் கல்வித் தரத்தை ஊக்குவிக்கும் வகையில், திருவள்ளூர் கலெக்டர் அல்பி ஜான் வர்கீஸ், 'காபி வித் கலெக்டர்' என்ற நிகழ்ச்சியை நடத்தி வருகிறார்.
மாதம் ஒரு ஒன்றியத்தைச் சேர்ந்த, 10ம் வகுப்பு முதல் பிளஸ் 2 வகுப்பில் சிறப்பாக படிக்கும் மாணவ - மாணவியரை சந்தித்து, அவர்களுடன் அமர்ந்து கலந்துரையாடி வருகிறார்.
இந்த வரிசையில், நேற்று, திருவள்ளூர் கலெக்டர் அலுவலக கூட்டரங்கில், பள்ளிக்கல்வித்துறை சார்பில், மாநில அளவில் நடைபெற்ற கலை மற்றும் விளையாட்டுப் போட்டிகளில் பங்கேற்று, வெற்றி பெற்ற அரசு பள்ளி மாணவ - மாணவியர், 23 பேருடன், கலெக்டர் கலந்துரையாடினார்.
பின், மாணவ - மாணவியருக்கு கலெக்டர் பல்வேறு ஆலோசனை வழங்கியும், அவர்களின் கலைத் திறனையும் கேட்டறிந்து பாராட்டினார்.
நிகழ்ச்சியில், முதன்மைக் கல்வி அலுவலரின் நேர்முக உதவியாளர் பூபாலமுருகன், பள்ளி துணை ஆய்வாளர் பிரேம்குமார், மாவட்ட ஒருங்கிணைப்பாளர் பவானி உட்பட பலர் பங்கேற்றனர்.
கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.
