கோவை: கோவை-தன்பாத் இடையேயான வாராந்திர சிறப்பு ரயில் சேவையானது இரு மாதங்களுக்கு நீட்டிக்கப்பட்டுள்ளது.
ஜார்க்கண்ட் மாநிலம் தன்பாத் - கோவை இடையேயான வாராந்திர சிறப்பு ரயிலானது ஜன., மாதம் வரை இயக்கப்படும் என, அறிவிக்கப்பட்டிருந்தது. இந்நிலையில், பயணிகள் வசதிக்காக பிப்., மற்றும் மார்ச் மாதங்களுக்கு இச்சேவை நீட்டிக்கப்பட்டுள்ளது.
அதன்படி, வரும், 5 முதல் மார்ச், 26ம் தேதி வரை தன்பாத்தில் இருந்து ஞாயிறு தோறும் காலை, 6:00 மணிக்கு புறப்படும் ரயில்(03357) செவ்., அதிகாலை, 4:00க்கு கோவை வந்தடையும். வரும், 8 முதல் மார்ச், 29ம் தேதி வரை கோவையிலிருந்து புதன் தோறும் நள்ளிரவு, 12:50க்கு புறப்படும் ரயில்(03358) வியாழன் இரவு, 10:30க்கு தன்பாத் சென்றடையும்.
இந்த ரயிலானது ஈரோடு, சேலம், ஜோலார்பேட்டை, காட்பாடி, நெல்லுார், ஓங்கோல், விஜயவாடா, விசாகப்பட்டினம், விஜயநகரம், சம்பல்பூர், ரூர்கேலா, ராஞ்சி உள்ளிட்ட ஸ்டேஷன்களில் நின்று செல்லும் என, தெற்கு ரயில்வே அறிக்கையில் தெரிவிக்கப்பட்டுள்ளது.
கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.
