சென்னை: ஹிந்து சமய அறநிலையத் துறை சார்பில், ஐந்து சிவன் கோவில்களில் மகா சிவராத்திரி விழாவை வெகு சிறப்பாகக் கொண்டாட, கண்காணிப்புக் குழுவும், மதிப்பீட்டுக் குழுவும் அமைக்கப்பட்டு உள்ளது.

இந்த ஆண்டு மகா சிவராத்திரி விழா, பிப்., 18ம் தேதி கொண்டாடப்பட உள்ளது. அறநிலையத் துறை சார்பில், சென்னை மயிலாப்பூர் கபாலீஸ்வரர், திருவண்ணாமலை அருணாச்சலேசுவரர், கோவை பேரூர் பட்டீஸ்வரர், தஞ்சாவூர் பிரகதீஸ்வரர், திருநெல்வேலி நெல்லையப்பர் கோவில்களில், மகா சிவராத்திரி விழா, வெகு விமரிசையாக நடத்தப்பட உள்ளது.

விழாவை சிறப்பாக நடத்த, கோவில் நிர்வாகத்துடன் ஒருங்கிணைந்து தேவையான முன்னேற்பாடுகளை மேற்கொள்ள, ஐந்து கோவில்களுக்கும் தலா, மூன்று சிறப்பு அலுவலர்கள் இடம்பெற்ற கண்காணிப்பு குழு அமைக்கப்பட்டுள்ளது.

குழுவில் இணை ஆணையர், துணை ஆணையர், உதவி ஆணையர் அந்தஸ்து அதிகாரிகள் உள்ளனர். இக்குழுவில் இடம்பெற்றுள்ள அலுவலர்கள், பிப்., 17, 18ம் தேதி, சம்பந்தப்பட்ட கோவிலுக்கு சென்று, சிவராத்திரி விழாவை சிறப்பாக நடத்தும் பணிகளை மேற்கொள்ளுமாறு, அறநிலையத் துறை கமிஷனர் உத்தரவிட்டுஉள்ளார்.

விழாவை ஆய்வு செய்து, சம்பந்தப்பட்ட கோவில்களுக்கு மதிப்பெண்கள் வழங்க, ஒவ்வொரு கோவிலுக்கும் தலா, மூன்று அலுவலர்கள் அடங்கிய மதிப்பீட்டுக் குழு அமைக்கப்பட்டு உள்ளது.இக்குழுவிலும், இணை ஆணையர், துணை ஆணையர், உதவி ஆணையர் இடம் பெற்றுள்ளனர்.

இக்குழுவினர், பிப்., 18ம் தேதி அவர்களுக்கு ஒதுக்கப்பட்ட கோவில்களுக்கு சென்று, விழாவை கவனித்து, மதிப்பெண்கள் வழங்க வேண்டும். அந்த அறிக்கையை, கமிஷனர் அலுவலகத்திற்கு அனுப்ப வேண்டும் என்றும் அறிவுறுத்தப்பட்டுள்ளது.

சென்னை: ஹிந்து சமய அறநிலையத் துறை சார்பில், ஐந்து சிவன் கோவில்களில் மகா சிவராத்திரி விழாவை வெகு சிறப்பாகக் கொண்டாட, கண்காணிப்புக் குழுவும், மதிப்பீட்டுக் குழுவும் அமைக்கப்பட்டு

திருப்போரூர் திருவிழா - இது சொந்தவீடு வாங்கும் பெருவிழா!

கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.