'இடைத்தேர்தலை பொறுத்தவரை இரட்டை இலை சின்னம் வெற்றி பெற பாடுபடுவோம்' என முன்னாள் முதல்வர் பன்னீர்செல்வம் கூறியுள்ளார்.அவரது அறிக்கை: உச்ச நீதிமன்ற தீர்ப்பை பொறுத்தவரை இந்த இடைத்தேர்தலில் எந்தெந்த கோரிக்கைகளை மக்கள் முன் நாம் எடுத்து சொன்னோமோ அவற்றை எல்லாம் நிறைவேற்றும் வகையில் அமைந்துள்ளது.ஈரோடு கிழக்கு இடைத்தேர்தலில் அ.தி.மு.க. ஒற்றுமையாக போட்டியிட வேண்டும். ஒருங்கிணைப்பாளர் என்ற முறையில் அதற்கு கையெழுத்திட தயார் என ஏற்கனவே அறிவித்தேன். அதற்கேற்ப உச்ச நீதிமன்ற தீர்ப்பின் வழியே ஒற்றுமையாக போட்டியிடும் வாய்ப்பு ஏற்பட்டுள்ளது. இடைத்தேர்தலில் இரட்டை இலை சின்னம் முடக்கப்பட நான் காரணமாக இருக்க மாட்டேன் எனக் கூறியிருந்தேன். அதேபோல் இன்று இரட்டை இலை சின்னம் வழியே அ.தி.மு.க. போட்டியிடுகிற வாய்ப்பு உச்ச நீதிமன்ற தீர்ப்பின் வழியே கிடைத்துள்ளது.ஒருங்கிணைப்பாளர் என்ற முறையில் பொது வேட்பாளரை நிறுத்த நான் கையெழுத்திட தயார் என்றும் அறிவித்திருந்தேன். என்னை ஒருங்கிணைப்பாளர் என்று மட்டும் அல்ல கட்சியிலேயே இல்லை என பழனிசாமி தரப்பினர் பகை உணர்வோடு கூறி வந்தனர்.என்னையும் என்னை சார்ந்தவர்களையும் உள்ளடக்கி எங்கள் கருத்துக்களை கேட்டறிந்த பின்தான் பொது வேட்பாளரை பொதுக்குழு தேர்ந்தெடுக்க வேண்டும் என்ற உச்ச நீதிமன்ற தீர்ப்பு எங்களை எதிர்த்தோருக்கு சரியான பாடமாக அமைந்துள்ளது.அ.தி.மு.க. ஒருங்கிணைப்பாளர் என்ற பொறுப்பு நீடிப்பதற்கு எவ்வித தடையும் உச்ச நீதிமன்ற தீர்ப்பின் வழியே விதிக்கப்படவில்லை.ஆனால் சச்சரவுக்கு உள்ளான பொதுக்குழு வழியே தேர்வு செய்யப்பட்ட பழனிசாமிக்கு தரப்பட்ட இடைக்கால பொதுச் செயலர் என்ற பொறுப்பை உச்ச நீதிமன்றமும் தேர்தல் கமிஷனும் அங்கீகரிக்கவில்லை.இடைத்தேர்தலை பொறுத்தவரை இரட்டை இலை சின்னம் வெற்றி பெற நானும் என் மீது பற்று கொண்ட தொண்டர்களும் பாடுபடுவோம்.இவ்வாறு கூறப்பட்டுள்ளது.

'இடைத்தேர்தலை பொறுத்தவரை இரட்டை இலை சின்னம் வெற்றி பெற பாடுபடுவோம்' என முன்னாள் முதல்வர் பன்னீர்செல்வம் கூறியுள்ளார்.அவரது அறிக்கை: உச்ச நீதிமன்ற தீர்ப்பை பொறுத்தவரை இந்த இடைத்தேர்தலில் எந்தெந்த கோரிக்கைகளை மக்கள் முன் நாம் எடுத்து சொன்னோமோ அவற்றை எல்லாம் நிறைவேற்றும் வகையில் அமைந்துள்ளது.ஈரோடு கிழக்கு இடைத்தேர்தலில் அ.தி.மு.க. ஒற்றுமையாக போட்டியிட வேண்டும். ஒருங்கிணைப்பாளர் என்ற முறையில் அதற்கு கையெழுத்திட தயார் என ஏற்கனவே அறிவித்தேன். அதற்கேற்ப உச்ச நீதிமன்ற தீர்ப்பின் வழியே ஒற்றுமையாக போட்டியிடும் வாய்ப்பு ஏற்பட்டுள்ளது. இடைத்தேர்தலில் இரட்டை இலை சின்னம் முடக்கப்பட நான் காரணமாக இருக்க மாட்டேன் எனக் கூறியிருந்தேன். அதேபோல் இன்று இரட்டை இலை சின்னம் வழியே அ.தி.மு.க. போட்டியிடுகிற வாய்ப்பு உச்ச நீதிமன்ற தீர்ப்பின் வழியே கிடைத்துள்ளது.ஒருங்கிணைப்பாளர் என்ற முறையில் பொது வேட்பாளரை நிறுத்த நான் கையெழுத்திட தயார் என்றும் அறிவித்திருந்தேன். என்னை ஒருங்கிணைப்பாளர் என்று மட்டும் அல்ல கட்சியிலேயே இல்லை என பழனிசாமி தரப்பினர் பகை உணர்வோடு கூறி வந்தனர்.என்னையும் என்னை சார்ந்தவர்களையும் உள்ளடக்கி எங்கள் கருத்துக்களை கேட்டறிந்த பின்தான் பொது வேட்பாளரை பொதுக்குழு தேர்ந்தெடுக்க வேண்டும் என்ற உச்ச நீதிமன்ற தீர்ப்பு எங்களை எதிர்த்தோருக்கு சரியான பாடமாக அமைந்துள்ளது.அ.தி.மு.க. ஒருங்கிணைப்பாளர் என்ற பொறுப்பு நீடிப்பதற்கு எவ்வித தடையும் உச்ச நீதிமன்ற தீர்ப்பின் வழியே விதிக்கப்படவில்லை.ஆனால் சச்சரவுக்கு உள்ளான பொதுக்குழு வழியே தேர்வு செய்யப்பட்ட பழனிசாமிக்கு தரப்பட்ட இடைக்கால பொதுச் செயலர் என்ற பொறுப்பை உச்ச நீதிமன்றமும் தேர்தல் கமிஷனும் அங்கீகரிக்கவில்லை.இடைத்தேர்தலை பொறுத்தவரை இரட்டை இலை சின்னம் வெற்றி பெற நானும் என் மீது பற்று கொண்ட தொண்டர்களும் பாடுபடுவோம்.இவ்வாறு கூறப்பட்டுள்ளது.