சென்னை : தெற்கு ரயில்வேக்கு உட்பட்ட ரயில் நிலையங்களில், பயணியருக்கான அடிப்படை வசதிகளை மேம்படுத்த, இதுவரையில் இல்லாத வகையில், 1,081 கோடி ரூபாய் நிதி ஒதுக்கப்பட்டு உள்ளது.

வரும், 2023 - 24ம் ஆண்டிற்கான மத்திய பட்ஜெட்டில், தமிழகம், கேரளா உள்ளடக்கிய தெற்கு ரயில்வேக்கு மொத்தம், 6,080 கோடி ரூபாய் ஒதுக்கப்பட்டு உள்ளது.

அடிப்படை வசதிகள்

இதில், ரயில் நிலையங்கள் மேம்பாடு, பயணியர் அடிப்படை வசதிகளை மேம்படுத்த மட்டும் எப்போதும் இல்லாத வகையில், 1,081 கோடி ரூபாய் ஒதுக்கப்பட்டு உள்ளது.

இது கடந்த, 2019 - 20ல், 262.22 கோடி ரூபாய்; 2020 - 21ல், 198.11 கோடி ரூபாய்; 2021 - 22ல், 225.57 கோடி ரூபாய்; 2022 - 23ல், 327.77 கோடி ரூபாய் ஒதுக்கப்பட்டது. இதன்படி, தமிழகத்தில், 59 ரயில் நிலையங்கள் உட்பட, தெற்கு ரயில்வேயில், 90 ரயில் நிலையங்கள் மேம்படுத்தப்பட உள்ளன.

புதுப்பிப்பு

முக்கிய ரயில் நிலையங்கள் சர்வதேச அளவுக்கு தரம் உயர்த்துவது, அம்ரித் பாரத் ரயில் நிலைய திட்டத்தின் கீழ், ரயில் நிலையங்கள் புதுப்பிப்பது போன்ற பல்வேறு பணிகளை மேற்கொள்ள உள்ளோம்.

ரயில் நிலையங்களில் ஏற்கனவே உள்ள வசதிகளுக்கு மாற்றாக, புதிய வசதிகள் செய்து தரப்படும்.

தகவல் பலகைகள், மாற்றுத் திறனாளிகளுக்கான வசதிகள், பயணியர் தங்கும் அறை, நடைமேடைகள், கழிப்பிடம், ஓய்வு அறைகள், பன்னடுக்கு வாகன நிறுத்துமிடம், அதிகாரிகள் ஆய்வு அறை, லிப்ட்கள், எஸ்கலேட்டர்கள் உள்ளிட்ட வசதிகள் ஏற்படுத்தப்படும். இவ்வாறு அவர்கள் கூறினர்.

சென்னை : தெற்கு ரயில்வேக்கு உட்பட்ட ரயில் நிலையங்களில், பயணியருக்கான அடிப்படை வசதிகளை மேம்படுத்த, இதுவரையில் இல்லாத வகையில், 1,081 கோடி ரூபாய் நிதி ஒதுக்கப்பட்டு உள்ளது.வரும், 2023 - 24ம்

திருப்போரூர் திருவிழா - இது சொந்தவீடு வாங்கும் பெருவிழா!

கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.