வாசிக்க நேரம் இல்லையா? செய்தியைக் கேளுங்கள்
கோவை : வடமாநிலங்களில் இன்ஜினியரிங் பணிகளால், கோவை வழியாக செல்லும் நான்கு ரயில்கள் ரத்து செய்யப்பட்டுள்ளன.
மேற்கு வங்கம் மற்றும் ஒடிசா மாநிலங்கள் இடையே மூன்றாவது ரயில் பாதை அமைப்பதற்கான இன்ஜினியரிங் பணிகள் நடக்க உள்ளன. இதையடுத்து, கோவை வழியாக செல்லும் சந்திரகாஞ்சி - மங்களூரு விவேக் வாராந்திர எக்ஸ்பிரஸ் ரயில் (எண்:22851), இன்றும், வரும் 2ம் தேதியும் ரத்து செய்யப்படுகிறது.
மறுமார்க்கத்தில் மங்களூரு - சந்திரகாஞ்சி இடையேயான விவேக் வாராந்திர எக்ஸ்பிரஸ் ரயில் (எண்:22852) வரும் 25, மற்றும் மார்ச் 4ம் தேதி ரத்து செய்யப்படுகிறது.
இதேபோல், திப்ருகர் - கன்னியாகுமரி இடையே வாரத்தில் இருமுறை இயக்கப்படும் விவேக் எக்ஸ்பிரஸ் (எண்:15906) ரயில், வரும் 25 மற்றும், 28ம் தேதிகளில் ரத்து செய்யப்படுகிறது. மறுமார்க்கத்தில், கன்னியாகுமரி - திப்ருகர் இடையே வாரத்தில் இரு முறை இயக்கப்படும் விவேக் எக்ஸ்பிரஸ் ரயில் (எண்:15905) மார்ச் 2 மற்றும், 5ம் தேதிகளில் ரத்து செய்யப்படுவதாக ரயில்வே நிர்வாகம் அறிவித்துள்ளது.