பரமக்குடி--பரமக்குடி நகராட்சி எமனேஸ்வரம் அங்காள பரமேஸ்வரி குருநாத சுவாமி மற்றும் 21 பரிவார தெய்வங்களின் மாசி மகா சிவராத்திரி பால் குட விழா நடந்தது.
இக்கோயிலில் பிப்.16 இரவு 11:00 மணிக்கு ஸ்ரீ அங்காள பரமேஸ்வரிக்குகாப்பு கட்டி கொடியேற்றத்துடன் விழா துவங்கியது.
பிப்.18 இரவு 11:00 மணிக்கு மாசி சிவராத்திரி நாளில் வைகை ஆற்றில் இருந்து சங்கிலி சப்பானி தெய்வங்களின் அருளோடு அங்காள பரமேஸ்வரி கரகம் முக்கிய வீதிகளில் வலம் வந்தது.
தொடர்ந்து பிப்.22ல் அம்மன் சிம்ம வாகனத்தில் பவனி வந்தார். நேற்று காலை 9:00 மணிக்கு வைகை ஆற்றில் பால் குடங்கள்கட்டப்பட்டு 11:00 மணிக்கு வேல் குத்தி, பால் குடங்களை சுமந்து பக்தர்கள் கோயிலை அடைந்தனர். அங்கு அம்மனுக்கு சிறப்பு அபிஷேக ஆராதனைகள் நிறைவடைந்து தீபாராதனை காண்பிக்கப்பட்டது.
ஏற்பாடுகளை கோயில் நிர்வாகம், விழா கமிட்டியினர் செய்திருந்தனர்.
கனவு இல்லம் வாங்குவது என்பது ஒவ்வொருவரின் வாழ்நாள் ஆசை. அந்த ஆசை நிறைவேற, மக்கள் கடினமாக உழைத்து பணத்தைச்சேமித்து வைப்பார்கள்.
