அவனியாபுரம் : ''கூட்டணி குறித்து பா.ஜ., மத்திய குழு தான் முடிவு செய்யும்,'' என, மதுரை விமான நிலையத்தில் பா.ஜ., தேசிய முன்னாள் செயலர் எச்.ராஜா கூறினார்.

அவர் மேலும் கூறியதாவது: பா.ஜ.,வில் கூட்டணி குறித்து எந்த முடிவுகளையும் மாநில தலைவரோ, மற்ற நிர்வாகிகளோ அறிவிக்க முடியாது. ஆலோசனைகள், கருத்துக்களை மட்டுமே பதிவு செய்யலாம்.

அத்தைக்கு மீசை...

இது, முன்னாள் பிரதமர் வாஜ்பாய் காலத்திலும், அதற்கு முந்தைய காலங்களிலும் நடைமுறையில் இருந்து வருகிறது. மாநில கூட்டத்தில் கூறப்படும் கருத்துகளை, மத்திய குழு விவாதித்து முடிவு செய்யும். அத்தைக்கு மீசை முளைத்தால் தான் சித்தப்பா. அதுவரை அத்தை அத்தை தான்.

இருந்தபோதிலும், நாங்கள் மையக் குழுவில் எங்களது கருத்துகளை சொல்வோம். அவர்கள் ஏற்றுக் கொண்டாலும் அல்லது அவர்களே முடிவு செய்து அறிவித்தாலும் அதை செயல்படுத்துவது தான் எங்கள் கடமை.

சமீபத்தில், டில்லிக்கு செல்ல கோவை விமான நிலையத்தில் காத்திருந்த போது, முன்னாள் முதல்வர் பழனிசாமி உள்ளிட்டோரிடம் பேசினேன். அவர்களுக்கு எங்களுடன் எந்த கருத்து வேறுபாடும் இல்லை. கூட்டணி குறித்து அ.தி.மு.க.,வில் சில தலைவர்கள் கருத்து கூறி இருக்கலாம். அதற்கு பதிலளிக்க முடியாது.

அவனியாபுரம் : ''கூட்டணி குறித்து பா.ஜ., மத்திய குழு தான் முடிவு செய்யும்,'' என, மதுரை விமான நிலையத்தில் பா.ஜ., தேசிய முன்னாள் செயலர் எச்.ராஜா கூறினார்.அவர் மேலும் கூறியதாவது: பா.ஜ.,வில்