கோடை வெயிலுக்கு இதமாக குளிர்ச்சியான காட்டன் போன்ற உடைகளை பார்த்துப் பார்த்து அணிய வேண்டியுள்ளது. அப்படியே தேடித்தேடி அணிந்தாலும் டிரெண்டியாக.. ஸ்டைலிஷாக... இருக்க வேண்டும் என்பது இளசுகளின் எதிர்ப்பார்ப்பாகும். எனவே, கொளுத்தும் வெப்பத்தை தணிக்கும் வகையில் குளிர்ச்சியாக அணியும் வகையில், சில ஸ்டைலிஷான உடைகளை பார்க்கலாம்...

கஃப்தான் உடைகள்

கஃப்தான் உடைகள் பொதுவாக காட்டன் போன்ற எளிமையான துணிகளிலிருந்து தயாரிக்கப்படுவதால், கொளுத்தும் வெயிலுக்கு ஏற்ற ஒரு ஸ்டைலிஷான உடையாக உள்ளது. உங்களின் வசதிக்கேற்ப நீளமாகவோ அல்லது குட்டையாகவோ அணியலாம். கருப்பு மற்றும் தங்க நிற கஃப்தான் உடையில் சமீபத்தில் நடிகை த்ரிஷாவின் புகைப்படங்கள் வைரலாகியது குறிப்பிடத்தக்கது. பிரிண்டட் பூக்கள் அடங்கிய டிசைனில் அவரவர் விருப்பத்துக்கேற்ப உடைகளை தேர்வு செய்யலாம். செல்லும் இடங்களுக்கு தகுந்தாற்போல் எளிமையான ஆக்சஸெரீஸுடன் ஸ்டைலிஷாக உலா வரலாம்.

கிராபிக் சட்டைகள்

கொளுத்தும் வெயிலில் ஸ்டைலிஷாகவும் உடை அணிய வேண்டும்; உடலில் எரிச்சலும் இருக்கக்கூடாது என்றால் இந்த கிராஃபிக் சட்டைகளை தேர்வு செய்யலாம். இது உங்களுக்கு ஜாலியான மனநிலையில் இருப்பது போன்று ஸ்டைலிஷான தோற்றத்தை தரக்கூடும். ஏதாவது பிரிண்ட்கள், உருவங்கள் அல்லது வாசகங்கள் போன்றவற்றை உள்ளடக்கியிருக்கும். கலர்புல்லான பலாஸ்ஸோ பேன்ட்கள், ஷார்ட் ஸ்கர்ட்கள், டிஸ்டிரஸ்டு, டிசாஸ்டர் மற்றும் டோர்ன் ஜீன்ஸ் போன்ற ஆங்காங்கே கிழிந்த பேஷன் ஜீன்ஸ்களுடன் இவற்றை அணியும் போது மாடர்ன் மற்றும் ரிச் லுக் கிடைக்கும்.

டேங்க் டாப்ஸ்

மாடர்ன் தோற்றத்தை அளிக்கும் இந்த டேங்க் டாப்ஸ்களை செல்லும் இடங்களுக்கேற்ப விதவிதமாக அணியலாம். பிளேஸர், மிடி, மேக்ஸி ஸ்கர்ட், காட்டன் ஜீன்ஸ் போன்றவற்றுடன் அணியும் போது மேட்சிங் ஆக இருக்கும். மெலிதான நெக்லஸ்கள், காதணிகள், கண்களில் கூலிங் கிளாஸ் அணியும் போது மாடர்னாகவும், ஸ்டைலிஷாகவும் உலா வரலாம்.

டூனிக்ஸ் டாப்ஸ்

காலையில் எழுந்தவுடன் வாக்கிங் செல்வது முதல் இரவு சூப்பர் மார்க்கெட்டில் பொருட்களை வாங்கி வருவது வரை மற்றும் வெளியூர் செல்வது என பல்வேறு சூழல்களுக்கும், எப்போது வேண்டுமானாலும் இந்த டூனிக்ஸ் டாப்ஸ்களை அணியலாம். மேட்சிங்காக லெக்கின்ஸ் அல்லது காட்டன் பேன்ட்களை அணிந்தால் டிரெண்டியாக இருக்கக்கூடும்.

கோடை வெயிலுக்கு இதமாக குளிர்ச்சியான காட்டன் போன்ற உடைகளை பார்த்துப் பார்த்து அணிய வேண்டியுள்ளது. அப்படியே தேடித்தேடி அணிந்தாலும் டிரெண்டியாக.. ஸ்டைலிஷாக... இருக்க வேண்டும் என்பது