வாசிக்க நேரம் இல்லையா? செய்தியைக் கேளுங்கள் 
'தமிழக காங்கிரஸ் தலைவர் அழகிரியின் தலைவர் வாசன்' என சமூக வலைதளங்களில் எதிர்கோஷ்டியினர் கிண்டலாக பதிவு செய்துள்ளனர்.
சமீபத்தில் மதுரையில் த.மா.கா. நிர்வாகிகள் சிலர் அழகிரி முன்னிலையில் காங்கிரசில் இணைந்தனர். அப்போது 'வாசன் இணைந்தால் அவரது தலைமையில் பணியாற்ற தயார்' என அழகிரி பேசினார். அவரது பேச்சு கட்சியில் கொந்தளிப்பை ஏற்படுத்தியது.
'காங்கிரஸ் முன்னாள் தலைவர் ராகுலுக்கு எதிரியாக செயல்படுகிற வாசனுக்கு எப்படி அழைப்பு தரலாம்' என்றும் 'வாசன் பண்ணை வீட்டில் வேண்டுமானால் அழகிரி வேலை செய்யட்டும்' என்றும் கிண்டலடித்து சமூக வலைதளங்களில் பதிவிட்டனர்.
இந்நிலையில் ராகுல் எம்.பி. தகுதி நீக்க விவகாரம் தொடர்பாக சமீபத்தில் த.மா.கா. தலைவர் வாசன் தன் 'டுவிட்டர்' பக்கத்தில் 'சட்டம் தன் கடமையை செய்திருப்பதாக கருதுகிறேன்' என பதிவிட்டிருந்தார்.
இதையடுத்து அழகிரி எதிர்ப்பு கோஷ்டியினர் 'ராகுல் தகுதி நீக்கம் செய்தது சரிதான் என அழகிரியின் தலைவர் வாசன் திட்டவட்டம்' என கிண்டலாக பதிவு செய்துள்ளனர்.
- நமது நிருபர் -
