வெள்ளி முதல் வியாழன் வரை (31.3.2023 - 6.4.2023) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.

மேஷம்

சுக்கிரன், செவ்வாய், சனி நன்மை வழங்குவர். துர்கை வழிபாடு நலம் தரும்.

அசுவினி: மூன்றாமிடத்தில் சஞ்சரிக்கும் உங்கள் ராசிநாதனால் முயற்சிகள் வெற்றியாகும். அரசு வழியில் ஆதாயம் உண்டாகும். எண்ணங்கள் ஈடேறும். வருமானம் அதிகரிக்கும்.

பரணி: ராசிக்குள் சஞ்சரிக்கும் சுக்கிரனாலும், லாப சனியாலும் செயல்களில் வேகம் இருக்கும். நீண்ட நாள் முயற்சி ஒன்று வெற்றி பெறும். தொழிலில் லாபம், பணியில் நன்மை, குடும்பத்தில் மகிழ்ச்சி உண்டாகும்.

கார்த்திகை 1ம் பாதம்: வாரம் முழுவதும் சந்திரன் நன்மை வழங்குவதுடன் பிரதான கிரகங்களும் சாதகமாக இருப்பதால் சுறுசுறுப்பாக செயல்படுவீர்கள். எதிர்ப்பையும் தாண்டி நினைத்ததை சாதிப்பீர்கள். நன்மைகள் அதிகரிக்கும். எதிர்பார்த்த வருமானம் வந்து சேரும்.

ரிஷபம்

கேது, குரு, சூரியன், சுக்கிரன் நன்மையளிப்பர். ரங்கநாதர் வழிபாடு மகிழ்ச்சியளிக்கும்.

கார்த்திகை 2, 3, 4: லாப ஸ்தானத்தில் சஞ்சரிக்கும் நட்சத்திர நாதனுடன் குருபகவானும் நன்மை தர இருப்பதால் வருமானம் அதிகரிக்கும், குடும்பத்தினர் விருப்பம் அறிந்து நிறைவேற்றுவீர்கள். முயற்சிகள் எளிதாக நிறைவேறும். எதிர்பார்த்த ஆதாயம் வரும்.

ரோகிணி: திட்டமிட்டு செயல்படும் பணிகளில் லாபம் உண்டாகும். குடும்ப நலனில் அக்கறை அதிகரிக்கும். எதிரிகளால் ஏற்பட்ட சிரமம் விலகும். சிலருக்கு புதிய வேலை வாய்ப்பு உண்டாகும். வீடு, மனை வாங்கும் முயற்சி பலிதமாகும்.

மிருகசீரிடம் 1, 2: லாப குருவால் மனம் மகிழும் நிலை உண்டாகும். வழக்குகள் உங்களுக்கு சாதகமாகும். புதிய முயற்சி வெற்றி பெறும். வருமானம் அதிகரிக்கும். தொழிலில் எதிர்பார்த்த ஆதாயம் உண்டாகும். வேலை வாய்ப்பிற்காக காத்திருப்போருக்கு நல்ல தகவல் வரும்.

மிதுனம்

சனி, சூரியன், ராகு, சுக்கிரன் நன்மை தருவர். முருகனை எண்ணி வழிபட வளம் பெருகும்.

மிருகசீரிடம் 3, 4: பாக்கிய சனியும், ஜீவன சூரியனும் உங்கள் நிலையை உயர்த்துவார்கள். வருமானம் அதிகரிக்கும். செல்வாக்கு உயரும். செயல்களில் தெளிவு ஏற்படும். நினைத்ததை சாதிப்பீர்கள்.

திருவாதிரை: வாரம் முழுவதும் சந்திரனால் நன்மை உண்டாகும். லாப ராகுவால் எதிர்பார்த்த வருமானம் வந்து சேரும். அந்நியரால் ஆதாயம் அதிகரிக்கும். அரசு வழியிலான செயல்கள் ஆதாயமாகும். விருப்பங்கள் நிறைவேறும், வியாபாரத்தில் லாபம் கூடும். எதிர்பார்த்த தகவல் வந்து சேரும்.

புனர்பூசம் 1, 2, 3: கடந்த வார நெருக்கடிகள் விலகும். புதிய முயற்சி ஒன்றில் ஆதாயம் காண்பீர்கள். திட்டமிட்ட செயல்கள் நடந்தேறும், பொன், பொருள் சேர்க்கை உண்டாகும். சேமிப்பு உயரும். எதிர்பார்ப்பு நிறைவேறும்.

கடகம்

குரு, புதன் நன்மைகளை வழங்குவர். சந்திரனை வழிபட நன்மை உண்டாகும்.

புனர்பூசம் 4: பெரும்பாலான கிரகங்கள் சாதகமான நிலையில் இல்லை என்றாலும் பாக்கிய குருவால் நன்மை அடைவீர்கள் ஆற்றல் அதிகரிக்கும். தொழில் நிலை சீராகும். வருமானம் அதிகரிக்கும். செயல்கள் வெற்றியாகும்.

பூசம்: கவனமாக செயல்பட்டு நன்மை அடைய வேண்டிய வாரம். புதனருளால் எண்ணங்கள் ஈடேறும். ராசிநாதனும் நன்மை வழங்கும் நிலையில் சஞ்சரிப்பதால் முயற்சிகளில் எதிர்பார்த்த ஆதாயம் காண்பீர்கள்.

ஆயில்யம்: எட்டாமிட சனி, பத்தாமிட ராகு, நான்காமிட கேது சங்கடத்தை உண்டாக்குவார்கள் என்றாலும் உங்கள் ராசிநாதன் உங்களுக்கு நன்மை வழங்குவார். எதிர்பார்ப்பு நிறைவேறும். ஆதாய நிலை உண்டாகும்.

சிம்மம்

கேது, சுக்கிரன், செவ்வாய் நன்மைகளை வழங்குவர். சூரிய வழிபாடு நன்மை தரும்.

மகம்: லாப ஸ்தான செவ்வாயால் முயற்சிகள் நிறைவேறும். எதிர்பார்த்த வருமானம் வந்து சேரும், தொழில், பணியில் மகிழ்ச்சியான நிலை ஏற்படும். வெள்ளி, சனிக்கிழமையில் செலவுகள் அதிகரிக்கும்.

பூரம்: தடைகளைத் தாண்டி முயற்சிகளில் வெற்றி பெறுவீர்கள். மூன்றாமிட கேதுவும் பதினொன்றாமிட செவ்வாயும் உங்கள் விருப்பத்தை நிறைவேற்றுவார்கள். நீங்கள் எண்ணியபடி உங்கள் செயல்களை செய்து லாபம் காண்பீர்கள். வெள்ளி, சனிக்கிழமையில் வீண் செலவு உண்டாகும் என்பதால் கவனம் தேவை.

உத்திரம் 1: உங்கள் முயற்சிகள் ஒவ்வொன்றாக நிறைவேறும். துணிச்சலுடன் செயல்பட்டு உங்கள் வாழ்க்கைக்கு வேண்டியதை அடைவீர்கள். வெள்ளி, சனிக்கிழமையில் அலைச்சலுடன் செலவுகள் அதிகரிக்கும். முயற்சிகள் இழுபறியாகும்.

கன்னி

சனி, குரு, சுக்கிரன், புதன் நன்மையை வழங்குவர். திருமலை வேங்கடவனை வழிபட நன்மை அதிகரிக்கும்.

உத்திரம் 2, 3, 4: ஆறாமிட சனியால் ஆற்றல் அதிகரிக்கும். செல்வாக்கு உயரும். குரு பலத்தால் செயல்கள் வெற்றியாகும். அரசுவழி முயற்சிகள் நன்மையாகும். தடைபட்ட வருவாய் வரத் தொடங்கும். ஞாயிறு முதல் செவ்வாய் மாலை வரை எதிர்பாராத செலவுகளை சந்திப்பீர்கள்.

அஸ்தம்: விருப்பங்கள் நிறைவேறும். முயற்சிகள் பலன் தரும். புதிய சொத்துகள் வாங்குவீர்கள். வியாபாரத்தை விரிவு செய்வீர்கள். வராமல் இருந்த பணம் வந்து சேரும். திங்கள், செவ்வாயில் செலவுகள் அதிகரிக்கும்.

சித்திரை 1, 2: பழைய பிரச்னைகள் முடிவிற்கு வரும். புதிய முயற்சிகள் நிறைவேறும். நீண்ட நாள் கனவுகள் நிறைவேறும். நினைத்ததை நினைத்தபடி நடத்தி மகிழ்வீர்கள். திங்கள், செவ்வாயில் பண விஷயங்களில் கவனம் தேவை.

துலாம்

சூரியன், சந்திரனால் நன்மை உண்டாகும். சிவபெருமான் வழிபாடு நன்மையளிக்கும்.

சித்திரை 3, 4: கடந்த வார சங்கடங்கள் விலகும். ஆறாமிட சூரியனால் எண்ணம் நிறைவேறும். தடைபட்ட வேலைகள் நடைபெறத் தொடங்கும். திட்டமிட்டு செயல்பட்டு லாபம் காண்பீர்கள். புதன், வியாழனில் செலவுகளில் கவனம் தேவை.

சுவாதி: சூரிய, சந்திர சஞ்சாரம் சாதகமாக இருப்பதால் உழைப்பிற்கேற்ற வெற்றியை அடைவீர்கள். வருமானத்தில் ஏற்பட்ட தடைகள் விலகும். வியாபாரம் விருத்தியாகும். சிலருக்கு புதிய நிறுவனத்தில் வேலை கிடைக்கும். வாரத்தின் பிற்பகுதியில் வரவு செலவில் கவனம் தேவை.

விசாகம் 1, 2, 3: உங்கள் செயல்கள் வெற்றியாகும். முயற்சியில் நன்மை உண்டாகும். இழுபறியாக இருந்த வேலைகள் முடிவிற்கு வரும். எதிர்பார்ப்பு நிறைவேறும் என்றாலும் எதிர்பாலினரிடம் எச்சரிக்கை அவசியம். வியாழனன்று செலவு அதிகரிக்கும்.

விருச்சிகம்

குரு, ராகு, புதன் நன்மை தருவர். நவகிரக வழிபாடு நலம் தரும்.

விசாகம் 4: கடந்த வார நெருக்கடிகள் விலகி நன்மை ஏற்படும். புதிய முயற்சிகள் லாபமாகும். குரு பார்வையால் செல்வாக்கு உயரும். பணவரவு அதிகரிக்கும். ராசிநாதன் மறைவு பெறுவதால் செயல்களில் கவனம் தேவை.

அனுஷம்: ஆறாமிட ராகுவால் எதிர்ப்பு விலகும். விருப்பங்கள் நிறைவேறும். தடைபட்ட வருமானம் வரத் தொடங்கும். உங்கள் பாக்கியாதிபதி வாரம் முழுவதும் நன்மைகளை வழங்குவார். சங்கடங்கள் விலகும்.

கேட்டை: குடும்ப நலனில் அக்கறை அதிகரிக்கும். வருமானம் கூடும். உங்கள் நீண்டநாள் எண்ணங்கள் நிறைவேறும். வேலை வாய்ப்பிற்காக காத்திருந்தவர்களுக்கு எதிர்பார்த்த நல்ல தகவல் வரும்.

தனுசு

சனி, சுக்கிரன், கேது நன்மையை வழங்குவார்கள். குருபகவான் வழிபாடு வளம் தரும்.

மூலம்: வாரத்தின் தொடக்கத்தில் செயல்கள் இழுபறியாகும். ஞாயிறு முதல் உங்கள் முயற்சிகள் எளிதாக நிறைவேறும். எதிர்ப்புகள் விலகும். குடும்பத்தில் மகிழ்ச்சி அதிகரிக்கும். பொன், பொருள் சேர்க்கை உண்டாகும்.

பூராடம்: வாரத்தின் முதல் நாளில் எதிர்பாராத சங்கடங்கள் தோன்றும், அதன்பின் திட்டமிட்டு செயல்படுவதால் நன்மை உண்டாகும். பணவரவு அதிகரிக்கும். வியாபாரம் வளர்ச்சி பெறும். முயற்சியில் வெற்றி கிடைக்கும்.

உத்திராடம் 1: மூன்றாமிட சனியால் நீண்ட நாள் எண்ணம் நிறைவேறும். சுறுசுறுப்பாக செயல்பட்டு முயற்சியில் வெற்றி காண்பீர்கள். வருமானத்திற்குரிய புதிய வழிகள் உண்டாகும். சனிக்கிழமையில் புதிய முயற்சியில் இறங்க வேண்டாம்.

மகரம்

சூரியன், சுக்கிரன், செவ்வாய் நன்மை வழங்குவார்கள். சனீஸ்வரர் வழிபாடு சங்கடம் தீர்க்கும்.

உத்திராடம் 2, 3, 4: பெரும்பாலான கிரகங்கள் சாதகமற்ற நிலையில் இருந்தாலும் சூரியனும் செவ்வாயும் நன்மை புரிவார்கள். முயற்சிக்கேற்ப நன்மை அடைவீர்கள். எதிரி தொல்லை அகலும். சனிக்கிழமை அன்று செயல்களில் கவனம் தேவை.

திருவோணம்: முயற்சிகள் வெற்றி பெறும் வாரம் இது, குடும்பத்தில் மகிழ்ச்சி அதிகரிக்கும். தேவைக்கேற்ற வருமானம் வரும். நீங்கள் மேற்கொள்ளும் முயற்சிகள் ஆதாயமாகும். வழக்குகளின் முடிவு சாதகமாகும். ஞாயிறன்று எதிலும் எச்சரிக்கை தேவை.

அவிட்டம் 1, 2: எதிர்கால நலன் கருதி புதிய முயற்சிகளில் ஈடுபடுவீர்கள். குடும்ப நலனில் அக்கறை கொள்வீர்கள். எதிர்பார்த்த வருமானம் வந்து சேரும். திங்களன்று புதிய முயற்சிகளை ஒத்தி வைப்பது நல்லது.

கும்பம்

குரு, ராகு, சுக்கிரன் நன்மையளிப்பர். அனுமன் வழிபாடு நலம் தரும்.

அவிட்டம் 3, 4: எதிர்பார்ப்பு நிறைவேறும் வாரம் இது. புதிய முயற்சிகள் வெற்றியாகும். சுறுசுறுப்புடன் செயல்பட்டு நினைத்தை நிறைவேற்றிக் கொள்வீர்கள். அரசுவழியில் ஆதாயம் உண்டாகும். செவ்வாயன்று விழிப்புடன் செயல்படவும்.

சதயம்: நன்மை அதிகரிக்கும் வாரம் இது. குடும்பத்தினர் உதவியுடன் நினைத்ததை அடைவீர்கள். தடைபட்ட செயல்களை முடிப்பீர்கள். புதிய இடம் வாங்கும் முயற்சி பலிதமாகும். உழைப்பிற்கேற்ப லாபம் காண்பீர்கள். செவ்வாய், புதனன்று நிதானம் அவசியம்.

பூரட்டாதி 1, 2, 3: ஆற்றல் வெளிப்படும் வாரம். துணிச்சலுடன் செயல்பட்டு வெற்றி காண்பீர்கள். எதிர்ப்புகள் விலகும். உடல்நலனில் அக்கறை தேவை. பணியில் சில சிக்கல்கள் உண்டாகும் என்றாலும் அதை சமாளித்து விடுவீர்கள். புதன், வியாழனன்று முயற்சிகளில் கவனம் தேவை.

மீனம்

புதன், சுக்கிரன், சந்திரன் நன்மை வழங்குவார்கள். ராமநாத சுவாமியை வழிபடுங்கள்.

பூரட்டாதி 4: பெரும்பாலான கிரகங்கள் சாதகமற்ற நிலையில் சஞ்சரித்தாலும் சுக்கிரனும் சந்திரனும் நன்மையளிப்பர். துணிச்சலுடன் செயல்பட்டு தேவைகளை நிறைவேற்றிக் கொள்வீர்கள். பொன், பொருள் சேர்க்கை உண்டாகும். வியாழனன்று எதிலும் விழிப்புணர்வு அவசியம்.

உத்திரட்டாதி: உங்கள் முயற்சிகள் பலிதமாகும். வருமானத்தில் இருந்த தடைகள் அகலும், தனஸ்தான சுக்கிரனால் பிரச்னைகள் விலகும், எதிர்பார்த்த நன்மையை அடைவீர்கள். பொருளாதார நிலை உயரும். வியாழனன்று நெருக்கடிகள் தோன்றும்.

ரேவதி: உங்கள் முயற்சிகள் வெற்றியாகும். நீங்கள் ஈடுபடும் செயல்களில் நன்மை உண்டாகும். இடம் வாங்கும் முயற்சி நிறைவேறும். வேலைக்காக முயற்சித்தவர்களுக்கு நல்ல தகவல் வரும். ஜென்ம குருவும் சூரியனும் அலைச்சலை உண்டாக்குவர்.

வெள்ளி முதல் வியாழன் வரை (31.3.2023 - 6.4.2023) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.மேஷம் சுக்கிரன், செவ்வாய், சனி நன்மை