உத்திரமேரூர்:உத்திரமேரூர் ஒன்றியம், அரும்புலியூர் ஊராட்சிக்கு உட்பட்டது காவணிப்பாக்கம் கிராமம். இக்கிராமத்தில், 300க்கும் மேற்பட்ட குடும்ப அட்டைதாரர்கள் உள்ளன. பொது வினியோக திட்டத்தின் கீழ் செயல்படுத்தப்படும் நியாயவிலை கட்டடம் இப்பகுதியில் அங்கன்வாடி அருகே உள்ளது.
இக்கட்டடம் மிகவும் பழுதடைந்ததையடுத்து, அதே பகுதியில் அருகாமையில் உள்ள அசேபா தொண்டு நிறுவன கட்டடத்தில் தற்போது ரேஷன் கடை இயங்குகிறது.
எனினும், இக்கட்டடமும் கடந்த பல ஆண்டுகளுக்கு முன்பு கட்டப்பட்டதாக உள்ளதால், பழுதடைந்து பயன்பாட்டிற்கு லாய்க்கற்ற நிலையில் காணப்படுகிறது. எனவே, இப்பகுதியில் சிதிலமடைந்த நிலையிலான கைவிடப்பட்ட ரேஷன் கடை கட்டடத்தை இடித்து அப்புறப்படுத்த வேண்டும்.
அதே இடத்தில் ரேஷன் கடைக்கு புதிய கட்டடம் கட்ட சம்பந்தப்பட்ட துறை அதிகாரிகள் நடவடிக்கை எடுக்க வேண்டும் என காவணிப்பாக்கம் கிராம மக்கள் கோரிக்கை விடுத்துள்ளனர்.
