காஞ்சிபுரம்: காஞ்சிபுரம் காமாட்சி அம்மன் கோவிலில் ஒடிசா மாநில ரயில் விபத்தில் உயிரிழந்தவர்களின் ஆன்மா சாந்தி அடைய வேண்டி மோட்ச தீபம் ஏற்றப்பட்டது.
ஒடிசா, பாலசோர் பகுதியில் ரயில்கள் மோதி விபத்து ஏற்பட்டது. 275 பேர் உயிரிழந்தனர். ஆயிரத்துக்கும் மேற்பட்டோர் படுகாயங்கம் அடைந்தனர். கோரமான ரயில் விபத்தில் உயிரிழந்தவர்களுக்கு நாடு முழுவதும் அஞ்சலி செலுத்தி வருகின்றனர். இதையடுத்து ஸ்ரீகாஞ்சி காமகோடி பீடம் சங்கராச்சாரியார் ஜெகத்குரு விஜயேந்திர சரஸ்வதி சுவாமிகள் வேண்டுகோளின் படி ரயில் விபத்தில் உயிரிழந்தவர்கள் ஆன்மா சாந்தி அடைய வேண்டி காஞ்சிபுரம் காமாட்சி அம்மன் கோயில் கிழக்கு கோபுரத்தில் மோட்ச தீபம் ஏற்றப்பட்டது.
மேலும் விபத்தில் சிக்கி காயம் அடைந்தவர்கள் விரைவில் குணமடைய வேண்டியும் கோயிலில் சிறப்பு வழிபாடு நடைபெற்றது. வழிபாட்டில் ஏராளமானோர் பங்கேற்றனர்.
-->
