புதுடில்லி : மணிப்பூர் கலவரம் தொடர்பாக விசாரணை நடத்தி வரும் சி.பி.ஐ., இன்று 6 எப்.ஐ.ஆர், பதிவு செய்துள்ளதாக தகவல் வெளியாகியுள்ளது.

வட கிழக்கு மாநிலமான மணிப்பூரில், பெரும்பான்மையாக வசிக்கும் மெய்டி சமூகத்தினருக்கு பட்டியலின பழங்குடி அந்தஸ்து அளிப்பதை எதிர்த்து, கூகி உள்ளிட்ட பழங்குடியினர் அமைப்புகள் கடந்த மாதம் நடத்திய பேரணியில் வன்முறை வெடித்தது. இந்த கலவரத்தால் 100-க்கும் மேற்பட்டோர் பலியாயினர், 300-க்கும் மேற்பட்டோர் காயமடைந்தனர் . 30 ஆயிரத்திற்கும் மேற்பட்டோர் இடம் பெயர்ந்து மாநிலத்தைவிட்டு வெளியேறினர்.

'மணிப்பூர் கலவரத்தின் பின்னணியில் உள்ள சதி திட்டம் குறித்து அறிந்து கொள்ளும் வகையில், சி.பி.ஐ., விசாரணை நடத்த வேண்டும்' என, அம்மாநில அரசு தரப்பில், மத்திய அரசிடம் கோரிக்கை வைக்கப்பட்டது. இதையேற்ற மத்திய அரசு, சி.பி.ஐ., அதிகாரிகள் அடங்கிய குழுவை விசாரணைக்காக மணிப்பூருக்கு அனுப்பி வைத்துள்ளது. விசாரணையை துவக்கியுள்ள சி.பி.ஐ., அதிகாரிகள், இது குறித்து ஆறு வழக்குகளை பதிவு செய்துள்ளனர்.
இதற்கிடையே, மணிப்பூரில் கலவரத்தால் பாதிக்கப்பட்ட மக்களுக்கு உதவுவதற்காக, 101 கோடி ரூபாய் மதிப்புள்ள நிவாரண உதவிகளை மத்திய உள்துறை அமைச்சகம் அறிவித்துள்ளது. இந்நிலையில், இன்று மீண்டும் நடந்த கலவரம் மற்றும் துப்பாக்கி சூட்டில் இருவர் உயிரிழந்தனர்.

புதுடில்லி : மணிப்பூர் கலவரம் தொடர்பாக விசாரணை நடத்தி வரும் சி.பி.ஐ., இன்று 6 எப்.ஐ.ஆர், பதிவு செய்துள்ளதாக தகவல் வெளியாகியுள்ளது.வட கிழக்கு மாநிலமான மணிப்பூரில், பெரும்பான்மையாக