6. சிறுதுளி... செய்வது பெரும் பணி!

Added : நவ 26, 2011
Share
Advertisement

குகைகளை விட்டு வெளியேறிய ஆதி மனிதர்கள் ஆற்றுப்படுகையை அடைந்த பிறகுதான் நாகரிக வாழ்க்கையை வாழத்துவங்கினர் என்கிறது வரலாறு. இந்திய வரலாற்றை ஆய்வு செய்த அறிஞர்கள் பலர் "நதிக்கரைகள்தான் நாகரிகத்தின் தொட்டில்' என்று வர்ணிக்கின்றனர்.
கொங்கு நாட்டின் நாகரீகத் தொட்டிலாக விளங்கிய நொய்யல் நதியில் இன்று ஆலைக்கழிவும், சாயக்கழிவும் கலந்து விஷமாக மாறிப்போனது. நம்மை வாழ வைத்த ஆறு, நம் கண் முன்னே சாக்கடையாக மாறி உருக்குலைந்து போனதை கண்டு யாரும் கவலைப்படாத போது, இந்த நதிக்கு புத்துயிர் கொடுக்க புறப்பட்ட அமைப்புதான் "சிறுதுளி'.
2003ல் துவங்கப்பட்ட "சிறுதுளி' அமைப்பு, நொய்யலை தூர் வாரி தூய்மைப்படுத்தும் பணியில் முதலில் களம் இறங்கியது.
இவ்வமைப்பின் முயற்சியால், அரசு இயந்திரம் அசைய ஆரம்பித்தது; ஓடைகள் உயிர் பெற்றன; குளங்கள் நீரால் நிரம்பிக் குளிர்ந்தன. கோவையின் நிலத்தடி நீர் மட்டம் உயர்ந்தது; பசுமைப் பரப்பும் பாதுகாக்கப்பட்டது.
இப்போது, கோவையையே குளிர்விக்கும் முயற்சியில் இறங்கியிருக்கிறார் இவ்வமைப்பின் நிறுவன அறங்காவலர் வனிதா மோகன். இதற்காக, "பசும்புலரி' என்ற பசுமைத் திட்டம் உருவாக்கப்பட்டு பல ஆயிரம் மரக்கன்றுகள் பணி நடந்து வருகிறது. சமீபத்தில், அப்துல் கலாமை அழைத்து வந்து, அவரது கையாலேயே "கலாம் வனம்' அமைத்தது இவ்வமைப்பு.
"ராக்' அமைப்புடன் இணைந்து செயல்படும் இத்திட்டத்தின் மூலம் கோவை மற்றும் அதன் சுற்றுப்புறங்களில் உள்ள கிராமங்களில் ஒரு லட்சம் மரக்கன்றுகள் நடுவதே "பசும்புலரி'யின் நோக்கம்.
"ஒரு லட்சம் மரங்களை நட்டு வளப்பது என்பது சிறுதுளியின் முதல் கட்ட இலக்கு, எங்களது நோக்கம், கோவை பகுதியில் 33 சதவீத பசுமை பரப்பை உருவாக்குவதுதான்'' என்கிறார் வனிதா மோகன். மாசடை காற்றுக்கு மாற்று மருந்தாக மரங்களை உருவாக்கி வரும் "சிறுதுளி'யின் பசுமைக்கனவு நனவாக, நாமும் கரம் கொடுப்போம்;ஆளுக்கொரு மரம் வளர்ப்போம்.


Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X