பொது செய்தி

தமிழ்நாடு

தீயணைப்பு வீரர்களுக்கு ரூ.34 கோடியில் உடைகள்

Added : ஜூலை 31, 2012 | கருத்துகள் (6)
Advertisement
தீயணைப்பு வீரர்களுக்கு ரூ.34 கோடியில் உடைகள்

சென்னை: தீயணைப்புத் துறைக்கு, புதிய வாகனங்கள், வீரர்களுக்கு பாதுகாப்பு உடைகள் வாங்க, 33.97 கோடி ரூபாய் ஒதுக்கி முதல்வர் உத்தரவிட்டார்.


இதுகுறித்து, வெளியிட்டுள்ள செய்திக்குறிப்பு: தீயணைப்பு மற்றும் மீட்புப் பணிகளை, தீயணைப்புத் துறையினர் திறம்பட மேற்கொள்ளும் வகையில், சென்னை நகரின் பயன்பாட்டிற்காக, 54 மீட்டர் உயர, வான் நோக்கி உயரும் நீட்டிப்பு ஏணி கொண்ட வாகனம் ஒன்று, 5.97 கோடி ரூபாய் மதிப்பில் வாங்கப்படும். இது, சென்னை அசோக்நகர் தீயணைப்பு நிலையத்திற்கு வழங்கப்படும். தீ விபத்து சமயங்களில் நிலைமையை கையாளும் வீரர்களுக்கு, கையுறைகளுடன் கூடிய, மூன்றடுக்கு கொண்ட தீ பாதுகாப்பு உடைகள், தீத்தடுப்பு மூடு காலணிகள், தீ பாதிக்காத தலைக்கவசம் மற்றும் சுவாசத்திற்கு தேவையான அனைத்து உபகரணங்களுடன் கூடிய மூச்சுக் கருவிகளை உள்ளடக்கிய தற்காப்பு உடைகள், 28 கோடி ரூபாய் செலவில் வாங்கப்படும். இவை, மாநிலத்தில் உள்ள, 302 தீயணைப்பு மற்றும் மீட்புப் பணிகள் நிலையங்களுக்கு, நிலையத்திற்கு ஆறு உடைகள் என்ற வீதத்தில், மொத்தம் 1,812 உடைகள்; ஒகேனக்கல் மற்றும் கோத்தகிரியில் இயங்கி வரும் மீட்புப் பணி நிலையங்களுக்கு, நிலையம் ஒன்றிற்கு நான்கு என்ற வகையில், எட்டு உடைகள்; கண்காணிப்பு அலுவலர்கள் மற்றும் நிலைய அலுவலர்களுக்கு 160 உடைகள் என, மொத்தம் 1,980 நபர்களுக்கு இவை வழங்கப்படும். இவ்வாறு செய்திக்குறிப்பில் தெரிவிக்கப்பட்டு உள்ளது.


Advertisement


வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raja - Komarapalayam.,இந்தியா
01-ஆக-201214:12:01 IST Report Abuse
raja மிக்க நன்றி..... மொத்த தொகையில் குறைந்தபட்சம் 50௦% ஆவது சரியாக செலவழிக்கப்பட்டால் நல்லது...
Rate this:
Share this comment
Cancel
Samy Chinnathambi - rayong,தாய்லாந்து
01-ஆக-201205:07:25 IST Report Abuse
Samy Chinnathambi மிகவும் நல்ல விழயம்தான். நல்லது. அப்படியே இந்த இலவசம் இலவசம்னு வீணடிக்கிற ஆயிரக்கணக்கான கோடிகளை வைச்சு எல்லா ஊருலயும் கழிப்பிடங்கள் கட்டுறதுக்கு செலவழிசீங்கன்னா புண்ணியமா போகும். ஏன்ன நீங்க எந்த நகரத்துக்கு பிரயாணம் பண்ணினாலும் மெயின் பேருந்து நிலையத்தை தவிர மற்ற இடங்களில் இறங்கினால் அவன் தெருவிலயும் நோட்டம் விட்டுட்டு எந்த தெருவிலயும் கழிப்பறை இல்லாததால நாய் மாதிரி அடிச்சுட்டு போயிடறான். அதே மாதிரி எல்லா கடைகளிலும், உணவகங்களிலும் கட்டயாமாக குப்பைதொட்டி இருக்க செய்யவும், அனைத்து தெருக்களிலும் அம்பது அடிக்கு ஒரு குப்பை தொட்டியை வைக்கவும் மாநகராட்சியை முடிக்கி விடவும். அதனை தினசரி சேகரிக்கவும் சொல்லுங்கள்.தேவையான நிதியையும் ஒதுக்குங்கள். புண்ணியமா போகும்.
Rate this:
Share this comment
Cancel
Kasimani Baskaran - Singapore,சிங்கப்பூர்
01-ஆக-201204:53:38 IST Report Abuse
Kasimani Baskaran மக்கள் தொகை, கட்டிடங்களின் எண்ணிக்கையை பார்க்கும் பொழுது - இது சிறிய தொகைதான். கமிசன் அடிக்காமல் இருந்தால் நல்லது.
Rate this:
Share this comment
Cancel

உங்கள் கருத்தைப் பதிவு செய்ய

(Press Ctrl+g or click this   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X