அரசியல் செய்தி

தமிழ்நாடு

குடிநீர் பஞ்சத்தை முன்கூட்டியே தடுக்க அரசு தவறிவிட்டது: கருணாநிதி

Updated : ஏப் 22, 2013 | Added : ஏப் 22, 2013 | கருத்துகள் (135)
Share
Advertisement
குடிநீர் பஞ்சத்தை முன்கூட்டியே தடுக்க அரசு தவறிவிட்டது: கருணாநிதி

சென்னை : ""தமிழகத்தில் குடிநீர் பஞ்சம் ஏற்படும் என்பதைப் பற்றி, முன்கூட்டியே கணித்து, வரும்முன் காத்திட வேண்டிய அ.தி.மு.க., அரசு, தண்ணீர் பஞ்சம் வருவதற்கு முன் காக்க தவறிவிட்டது'' என, தி.மு.க., தலைவர் கருணாநிதி குற்றம் சாட்டியுள்ளார்.

அவரது அறிக்கை:தமிழகம் முழுவதும், குடிநீர் பஞ்சம் வாட்டி வதைத்துக் கொண்டிருக்கிறது. அ.தி.மு.க., அரசு, குடிநீர் பஞ்சத்தை எதிர்கொள்ளத் தேவையான நடவடிக்கைகளை மேற்கொள்ளாமல், குடிநீர் திட்டங்களை, 110வது விதியின் கீழ் அறிவிப்பதிலேயே, காலத்தைச் செலுத்தி வருகிறது.நெம்மேலியில், கடல் நீரைக் குடிநீராக்க, 1,000 கோடி ரூபாயில் புதிய குடிநீர் திட்டம் ஒன்றை, முதல்வர் ஜெயலலிதா சட்டசபையில் அறிவித்திருக்கிறார். வெறும் காகித அறிவிப்பு, தமிழ் மக்களின் தண்ணீர் தாகத்தைத் தணித்திடுமா?

பூண்டி ஏரிக்கு வரும் கிருஷ்ணா தண்ணீர் நிறுத்தப்பட்டிருக்கிறது. சென்னைக்கு குடிநீர் வழங்கும் ஏரிகளில், நீர்மட்டம் தொடர்ந்து குறைகிறது. மேட்டூர் அணையும் வறண்டுவிட்டது. மதுரை, திண்டுக்கல், தேனி, விருதுநகர், சிவகங்கை, ராமநாதபுரம், நெல்லை, தூத்துக்குடி, கன்னியாகுமரி மாவட்டங்கள், கடும் வறட்சியில் சிக்கி தவித்து வருகின்றன.
திருவள்ளூர், காஞ்சிபுரம் மாவட்டங்களில் உள்ள கிணறுகள் மற்றும் போர்வெல்களிலே இருந்து தண்ணீரைக் கொண்டு வந்து, சென்னை நகரிலே, தனியார் லாரி உரிமையாளர்கள், பெரிய ஓட்டல்களுக்கெல்லாம் விற்பனை செய்து வருகின்றனர்.தமிழகத்தில் குடிநீர் பஞ்சம் ஏற்படும் என்பதைப் பற்றி முன்கூட்டியே கணித்து, வரும்முன் காத்திட வேண்டிய அ.தி.மு.க., அரசு, தண்ணீர் பஞ்சம் வருவதற்கு முன் காத்திடத் தவறிவிட்டது.இவ்வாறு, அறிக்கையில் கூறியுள்ளார்.

Advertisement


வாசகர் கருத்து (135)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Matt P - nashville,tn ,யூ.எஸ்.ஏ
23-ஏப்-201300:51:30 IST Report Abuse
Matt P தண்ணீர் பஞ்சத்தையும் தீர்க்க தவறி விட்டது ....மின் பஞ்சத்தையும் தீர்க்க தவறி விட்டது. அரசும் அதிகாரிகளும் அமைச்சர்களும்.........நாட்டில் மக்களை காக்க வேண்டிய அரசுகளே ...அமைச்சர்களே .....கொள்ளையடிச்சா எங்கே நாட்டில் மழை பெய்யும்..?....சில வூர்களில் போலி கொடும்பாவிகளை கட்டி வூர் முழுக்க இழுத்து மார்படித்து ,,,மேளம் அடித்து ....இறைவனை வேண்டி கொள்வார்கள் ....பாவி மகன் போய்விட்டான் இறைவா பஞ்சங்களை தீர்த்து விடு என்று....உண்மை கொடும்பாவிகள் அழிந்தால் மாதம் மும்மாரி பொழிந்து எல்லா பஞ்சங்களும் விலகலாம்,......இலக்கியவாதி ...சமூக சேவகன் மக்கள் தொண்டே மகேசன் தொண்டு என்று .......வாழும் வள்ளுவனுக்கு தெரியாததா?
Rate this:
Cancel
Raju Rangaraj - Erode,இந்தியா
22-ஏப்-201321:23:26 IST Report Abuse
Raju Rangaraj இந்த பால்கனி பாவை ஆட்சியில் வெய்யில் கூட அதிகமாக அடிக்கிறது. மழையே காணோம். இதற்கெல்லாம் அரசு முன் கூட்டியே திட்டமிட்டிருக்க வேண்டும். பே னும் மிக்சியும் கிரைண்டரும் தருவதைவிட குடும்பத்திற்கு ஐந்து குடை என்று கொடுத்திருக்கலாம். வெயிலுக்கும் மழைக்கும் அதுவே சரியாகும். அம்மையார் கொஞ்சம் இதை பற்றி ஆலோசிப்பது நல்லது. இப்படி ஒரு அறிக்கை கலை ஞரிடமிருந்து நாளை வருமா ?ஆவலோடு எதிர் பார்க்கிறோம்
Rate this:
Cancel
மதுரை விருமாண்டி - சான் ஹோஸே, கலிபோர்னியா ,யூ.எஸ்.ஏ
22-ஏப்-201320:40:43 IST Report Abuse
மதுரை விருமாண்டி எந்த அரசுங்கண்ணா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X