விருதுநகர்: விருதுநகர் அருகே, ரோட்டோர பள்ளத்தில் கார் கவிழ்ந்ததில், திருவண்ணாமலையைச் சேர்ந்த தம்பதியர் பலியாயினர்; மூவர் காயமடைந்தனர். தூத்துக்குடி மாவட்டம், சாத்தான்குளத்தை சேர்ந்தவர், அந்தோணி ராஜ், 49; திருவண்ணாமலை மாவட்டம், செங்கம் பஸ் ஸ்டாண்டில், பலசரக்கு கடை வைத்துள்ளார். இவரது மனைவி உஷாராணி, 44, மகள் சவுமியா, 21; மருத்துவக் கல்லூரி மாணவி, சந்தோஷ் பிரபு, 20, ஆகியோருடன், செங்கத்தில் இருந்து, சாத்தான் குளத்திற்கு, "இண்டிகா' காரில் சென்றனர். செங்கத்தை சேர்ந்த அசன்பாட்ஷா, 35, காரை ஓட்டினார். நேற்று காலை, 6:00 மணிக்கு, விருதுநகர் அருகே, எட்டநாயக்கன்பட்டி நான்கு வழிச்சாலையில் வந்த போது, ரோட்டோர பள்ளத்தில் கார் கவிழ்ந்தது. உஷாராணி சம்பவ இடத்திலேயே பலியானார். விருதுநகர் மருத்துவமனையில் அனுமதிக்கப்பட்டு, அந்தோணிராஜ் இறந்தார். மற்ற மூவரும், மதுரை அரசு மருத்துவமனையில் சேர்க்கப்பட்டனர். சூலக்கரை போலீசார் விசாரிக்கின்றனர்.