சென்னை: தடையை மீறி, சென்னையில் நேற்று, கோட்டை நோக்கி பேரணி நடத்த முயன்ற, 2,000 பேர், முன்னெச்சரிக்கையாக, 1,400 பேர் என, த.மு.மு.க.,வினர், 3,400 பேரை, போலீசார் கைது செய்தனர். எழும்பூரில் ஆயிரக்கணக்கானோர் குவிந்ததால், போக்குவரத்து பாதிக்கப்பட்டது. முஸ்லிம்களுக்கான, 3.5 சதவீத இட ஒதுக்கீட்டை உயர்த்த வேண்டும்; 10 ஆண்டுகளை நிறைவு செய்த முஸ்லிம்கள் உள்ளிட்ட அனைத்து சிறைக் கைதிகளையும் விடுவிக்க வேண்டும்; திருமண பதிவு சட்டத்தில் முஸ்லிம்களுக்கு விதிவிலக்கு அளிக்க வேண்டும் என்ற, மூன்று கோரிக்கைகளை வலியுறுத்தி, ஜூலை, 6ல் (நேற்று), கோட்டை நோக்கி பேரணி நடத்தப் போவதாக, தமிழ்நாடு முஸ்லிம் முன்னேற்றக் கழகம் (த.மு.மு.க.,) அறிவித்தது. சென்னை எழும்பூர் ராஜரத்தினம் ஸ்டேடியம் அருகேயிருந்து பேரணி துவங்க ஏற்பாடு நடந்த நிலையில், பேரணிக்கு, தமிழக அரசு தடை விதித்தது. சென்னை நோக்கி வந்த வாகனங்கள், மாவட்ட எல்லையில் நிறுத்தப்பட்டு, த.மு.மு.க.,வினர் கைது செய்யப்பட்டனர். சென்னைக்குள்ளும் பஸ், வேன்களை மடக்கி சோதனை நடந்தது. ரயில் மூலம் வந்தோரும், கைது செய்யப்பட்டனர். எழும்பூர் ராஜரத்தினம் ஸ்டேடியம் வழியே வரும் வாகனங்களுக்கு தடை விதிக்கப்பட்டு, தடுப்புகள் அமைக்கப்பட்டன. பிற்பகலில், அப்பகுதிக்கு கூட்டமாக வந்தோர் கைது செய்யப்பட்டனர். இந்நிலையில், போலீசாரை திசை திருப்பிவிட்டு, சற்றும் எதிர்பாராத வகையில், 2,000க்கும் மேற்பட்டோர், எழும்பூர் பாந்தியன் சாலை, போலீஸ் கமிஷனர் அலுவலக சாலை சந்திப்பில் கூடினர். தடையை மீறி பேரணி நடத்த முயன்ற, 2,000 பேரும் கைது செய்யப்பட்டனர். போராட்டம் குறித்து, த.மு.மு.க., மூத்த தலைவர் ஜவாஹிருல்லா எம்.எல்.ஏ., கூறியதாவது: மாநிலம் தழுவிய பிரச்னைகளுக்கு, பேரணி நடத்த உரிமை உண்டு. நாங்கள், மூன்று அம்ச முக்கிய கோரிக்கைகளை வலியுறுத்தி, மாநிலம் தழுவிய பிரச்னை என்பதால், சென்னையில், கோட்டை நோக்கி பேரணி நடத்த திட்டமிட்டோம்; பேரணிக்கு அரசு தடை விதித்துள்ளது. "மாநிலம் தழுவிய போராட்டங்களுக்கு தடை விதிப்பது' என, முடிவு செய்து, முதலாவதாக எங்களில் இருந்து ஆரம்பித்துள்ளதாக கூறுகின்றனர். இது ஜனநாயக உரிமையைப் பறிக்கும் செயல் என்பதால், தடையை மீறி பேரணிக்கு குவிந்துள்ளோம். சட்டம் - ஒழுங்கை மதிக்கவும் தெரியும்; எங்கள் உரிமையை வென்றெடுக்கவும் தெரியும். இரவு முதலே போலீசார், எல்லா இடங்களிலும் வாகனங்களை மறித்து, ஆயிரக்கணக்கானோரை கைது செய்துள்ளனர்; நாங்கள் எல்லாரும் அமைதியாக கைதாவோம். இவ்வாறு அவர் கூறினார். சென்னையில், 2,000 பேரும், முன்னெச்சரிக்கையாக, 1,400 பேரும் கைது செய்யப்பட்டதாக, போலீசார் கூறினர். இவர்கள் மாலையில் விடுவிக்கப்பட்டனர்.
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.
4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நாங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியிடப்படுகின்றன. இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
