பொது செய்தி

தமிழ்நாடு

30 ஆயிரம் உடல் நல பரிசோதனை முகாம்களை நடத்த சென்னையின் அப்போலோ மருத்துவமனை திட்டம்

Added : செப் 18, 2013 | கருத்துகள் (3)
Share
Advertisement
சென்னை: மருத்துவ சேவைகள் சரிவர கிடைக்காத பகுதிகளில், சேவையாற்றவும் மற்றும் விரும்பித் தேடப்படும் உலகளாவிய உடல் நல பராமரிப்பு வழங்குனராக உருவெடுக்கவும், 30 ஆயிரம் உடல் நல பரிசோதனை முகாம்களை நடத்த, சென்னையின், "அப்போலோ' மருத்துவமனை திட்டமிட்டுள்ளது.அப்போலோ மருத்துவமனை, 30வது ஆண்டு விழா கொண்டாட்டத்தின் போது பேசிய, அப்போலோ மருத்துவமனை குழுமத்தின் தலைவர், டாக்டர்
30 ஆயிரம் உடல் நல பரிசோதனை முகாம்களை நடத்த  சென்னையின் அப்போலோ மருத்துவமனை திட்டம்

சென்னை: மருத்துவ சேவைகள் சரிவர கிடைக்காத பகுதிகளில், சேவையாற்றவும் மற்றும் விரும்பித் தேடப்படும் உலகளாவிய உடல் நல பராமரிப்பு வழங்குனராக உருவெடுக்கவும், 30 ஆயிரம் உடல் நல பரிசோதனை முகாம்களை நடத்த, சென்னையின், "அப்போலோ' மருத்துவமனை திட்டமிட்டுள்ளது.
அப்போலோ மருத்துவமனை, 30வது ஆண்டு விழா கொண்டாட்டத்தின் போது பேசிய, அப்போலோ மருத்துவமனை குழுமத்தின் தலைவர், டாக்டர் பிரதாப் ரெட்டி கூறியதாவது: ஆசியாவின் முதன்மையான ஒருங்கிணைக்கப்பட்ட உடல் நல பராமரிப்பு சேவை வழங்குனராக, அப்போலோ மருத்துவமனை திகழ்கிறது. 120 நாடுகளிலிருந்து வந்திருந்த, 3.70 கோடி நோயாளிகளின் நம்பிக்கையைப் பெற்ற நிறுவனமாக, இது திகழ்கிறது. ஒவ்வொரு ஆண்டும், மிதமான கட்டணத்தில், சர்வதேச தரத்திலான மருத்துவ சிகிச்சையைப் பெற, உலகெங்கிலும் இருந்து, 50 ஆயிரத்துக்கும் அதிகமான நோயாளிகள், அப்போலோ மருத்துவமனைக்கு வருகின்றனர். இந்நாட்டின் முதல் கார்ப்பரேட் மருத்துவமனையான, அப்போலோ, சென்னையில் துவங்கப்பட்டதிலிருந்து நோய்களை குணமாக்குகிற, எமது சிறப்பான பயணம் துவங்கியது. உலகத்திலுள்ள மிகச்சிறந்த மருத்துவ சேவை நிறுவனங்களுக்கு நிகரான, சிறப்பான மருத்துவ சிகிச்சையை, பலரும் பயன்படுத்தக்கூடிய வகையில், மிதமான கட்டணத்தில் வழங்குகிறோம். தனிப்பட்ட முறையிலான சிறப்பு பரிசோதனைகளை மேற்கொள்வதன் தேவையை, வரும் ஆண்டுகளில் அப்போலோ தீவிரமாக முன்னிலைப்படுத்தும். அடுத்த மூன்று ஆண்டுகளில், 2,500க்கும் அதிகமான மருத்துவமனை படுக்கை வசதிகள், நாங்கள் கூடுதலாக நிறுவ இருக்கிறோம். 30 ஆண்டுகள் நிறைவடைவதை, நினைவுகூறும் வகையில், தமிழகமெங்கும், 30 ஆயிரம் உடல் நல சோதனை முகாம்களை, அப்போலோ மருத்துவமனை நடத்தும். மக்கள் உடற்தகுதியுடனும், உடல்நலத்தோடும் வாழ்வதை ஊக்குவிக்க வேண்டுமென்ற இதன் லட்சியத்தை செயல்படுத்துவதாக இம்முயற்சி அமையும். இவ்வாறு, அவர் பேசினார்.
அப்போலோ குழுமத்தின் பங்களிப்பை, அங்கீகரித்து கவுரவிக்கும் வகையில், இந்திய அரசு, ஒரு நினைவு தபால் தலையை வெளியிட்டது. மருத்துவ சிகிச்சையளிக்கும் நிறுவனம் ஒன்றுக்கு, இத்தகைய கவுரவம் வழங்கப்பட்டது இதுவே முதன் முறை.

Advertisement


வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
kannan pillai - doha,கத்தார்
19-செப்-201316:05:49 IST Report Abuse
kannan pillai இது ஒரு சுத்த டுபாக்கூர் வேலை. கவுன்சில்லிங் என்ற பெயரில் மக்களை வரவழைத்து புரியாத பெயர் வைத்து வியாதி என்பார்கள். பிறகு மன உளைச்சலுக்கு அழகும் அவர்களை மருத்துவம் என்ற பெயரில் பணம் கறப்பார்கள். இவர்கள் மட்டுமல்ல. அனைத்து மருத்துவ முகாம்களும் இதன் அடிப்படையில் தான் நடைபெறுகிறது. கவனம்
Rate this:
Cancel
19-செப்-201307:27:15 IST Report Abuse
அறிவாலயம் c / o போயஸ் உங்க ஆஸ்பத்திரியில் பத்து சதவீதமாவது ஏழைகளுக்கு இலவச சிகிச்சை உண்டா? பயனாளிகளின் பட்டியலை அளிக்கத் தயாரா? பெரிய கார்பொரேட் ஆஸ்பத்திரிகள் மருத்துவ முகாம் நடத்துவது மருந்துக் கம்பெனிகளின் செலவில் . அங்கு ஆஸ்பத்திரி சிகிச்சைக்கு நோயாளி பிடிப்பது உங்க திறமை .இதனை சேவைன்னு சொன்னா அடுக்குமா?
Rate this:
Cancel
Subramaniam - Prague,செக் குடியரசு
19-செப்-201304:03:09 IST Report Abuse
Subramaniam உடல் நல சோதனை முகாம்களை அப்போலோ நிறுவுவது மக்களின் நன்மைக்காக அல்ல, ஒவ்வொரு சோதனையின் முடிவிலும் ஒரு நோய் சொல்லப்படும்.அதை ஆரம்பத்திலேயே தடுப்பதற்கான மருத்துவமும் அதன் கட்டாயமும் திணிக்கப்படும். வசதி படைத்தவரின் பணம் முழுமையாக அள்ளப்படும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X