"சுத்தியலால் அடித்து மண்டையை பிளந்து... அரிவாளால் வயிற்றை கிழித்து... கோவை அரசு மருத்துவமனையில், பிரேத பரிசோதனை நடக்கிறது...' என்றால், நம்புவதற்கு கடினமாகவும், அதிர்ச்சியாகவும் இருக்கலாம்; ஆனால், அதுதான் உண்மை.
கோவை நகரின் மையப்பகுதியில், 18.5 ஏக்கர் பரப்பிலுள்ள அரசு மருத்துவக்கல்லூரி மருத்துவமனையில், 92 வார்டுகள், 25க்கும் மேற்பட்ட சிறப்பு மருத்துவ பிரிவுகள் உள்ளன. கோவை, திருப்பூர், நீலகிரி, சேலம், தர்மபுரி மாவட்டங்களைச் சேர்ந்த பல லட்சம் ஏழை மக்கள், உயர் சிகிச்சை பெறும் இடமாக, இந்த மருத்துவமனை உள்ளது. சென்னையை அடுத்து, அனைத்து நோய்களுக்கும் சிகிச்சை அளிப்பதற்கான சிறப்பு பிரிவுகள் இங்கு உள்ளன. தினமும் வெளிநோயாளிகள் 6,000 பேரும், உள்நோயாளிகள் 1,200 பேரும் சிகிச்சை பெறுகின்றனர். சாலை விபத்துகளில் இறந்தவர்கள், தீ விபத்து, மின் விபத்து மற்றும் நீரில் மூழ்கி இறந்தவர்கள், தற்கொலை செய்து கொண்டவர்கள், கொலை செய்யப்பட்டவர்கள், இறப்பில் சந்தேகமுள்ளவர்களின் உடல்கள் என, தினமும் சராசரியாக 15 உடல்கள், பிரேத பரிசோதனைக்காக அரசு மருத்துவமனைக்கு கொண்டு வரப்படுகின்றன.
அபாய எச்சரிக்கை: இங்குள்ள பிணவறை, கடந்த 1950ல் கட்டப்பட்டு, 1952 முதல் செயல்படுகிறது.
பிணவறையின் தரைதளம் யாரும் நுழைய முடியாத அளவுக்கு பாழடைந்துள்ளது. அந்த
அறை மழைகாலத்தில், தண்ணீர் தேங்கும் குளமாக மாறி விடுகிறது. பயன்பாட்டில்
உள்ள முதல் தளத்தில் பிரேத பிரிசோதனை நடக்கிறது. அனாதை பிணங்களை வைக்கும்
குளிர்பதன வசதியுள்ள பெட்டிகளில் 25 பிரேதங்களை அடுக்கி வைக்க வசதியுள்ளது.
வெளி அறையில் ஆறு பிரேதங்கள் வைக்க இடமுள்ளது. பிணவறை கட்டடம் 20
ஆண்டுகளுக்கு முன்பே உறுதி தன்மையை இழந்து விட்டதாக பொதுப்பணித்துறை சான்று
கொடுத்து, கட்டடத்தை பயன்படுத்த வேண்டாம் என எச்சரித்துள்ளது.
கொடூர பரிசோதனை: வேறு கட்டடம் இல்லாததால், உறுதித்தன்மை இழந்து, உருக்குலைந்த கட்டடத்திலேயே பிரேத பரிசோதனை நடக்கிறது. இங்கு, மருத்துவஉபகரணங்களை பயன்படுத்துவதற்கு பதிலாக, சுத்தியலால் அடித்து மண்டையை பிளந்தும், அரிவாளால் வயிற்றை கிழித்தும் பிரேத பரிசோதனை நடத்தப்படுகிறது. பிணவறை கட்டடங்களுக்கு மிக அருகிலேயே புதுப்பிக்கப்பட்ட "கேசுவாலிட்டி' வார்டு செயல்படுகிறது. விபத்து மற்றும் அவசர சிகிச்சைகளுக்காக மருத்துவமனைக்கு வரும் அனைத்து நோயாளிகளும் இந்த வார்டுக்கு கொண்டு வரப்பட்டு, முதலுதவி சிகிச்சை வழங்கப்பட்ட பின்னரே வார்டுகளுக்கு மாற்றப்படுகின்றனர். இந்த வார்டின் அருகிலேயே பராமரிப்பில்லாத பிணவறை
இருப்பதால், துர்நாற்றம் வீசுகிறது.சென்னைக்கு அடுத்தபடியாக அனைத்து நவீன மருத்துவ வசதிகளும், சிறப்பு மருத்துவ
பிரிவுகளும் கோவை அரசு மருத்துவமனையில் இருந்தாலும், அபாய நிலையிலுள்ள
பிணவறை அனைத்து பெருமையையும் பாழ்படுத்துகிறது.
பொதுப்பணித்துறை அதிகாரிகள் கூறுகையில், ""மார்ச்சுவரிக்கான
புதிய கட்டடம் கட்ட நிதி ஒதுக்கப்பட்டுள்ளது. புதிய கட்டடம் கட்ட, தற்போது
சட்டம் சார்ந்த மருத் துவ துறை செயல்பட்டு வரும் இடம், பழைய ஆர்.எம்.ஓ.,
குடியிருப்பு ஆகிய இரு இடங்கள் தேர்வு செய்யப்பட்டுள்ளன. புதிய கட்டடம்
கட்டுவதற்கான இடம் தேர்வு செய்வதில் குழப்பம் நீடித்துவருவதால் கட்டுமானப்பணிகள் துவங்குவதில் தாமதம் ஏற்படுகிறது'' என்றனர்.
1.82 கோடியில் புதிய பிணவறை கட்டடம்: கோவை அரசு மருத்துவக் கல்லூரி மருத்துவமனை துணைகண்காணிப்பாளர் ஐசக் மோசஸ் கூறியதாவது:பழுதடைந்த பிணவறை கட்டடத்தை இடித்து, அங்கு நவீன வசதிகளுடன் பிணவறை கட்ட அரசுக்கு பரிந்துரை செய்யப்பட்டு, அரசு 1.82 கோடி ரூபாய் ஒதுக்கியுள்ளது. 2,500 சதுர அடியில் மூன்று அடுக்கு கட்டடம் கட்டப்படுகிறது. மொத்தம் 50 பிரேதங்கள் வைக்க வசதி செய்யப்படும். நவீன மருத்துவ உபகரணங்கள், ஜெனரேட்டர், லிப்ட் வசதிகளும் ஏற்படுத்தப்படவுள்ளது. வரும் மார்ச்க்குள் புதிய கட்டடங்களுக்கான கட்டுமானப் பணிகள் துவங்கும். இவ்வாறு, அவர் தெரிவித்தார்.
செய்தி: கு.பிரசாத்
படங்கள்: ச.சதீஷ்குமார்
- புதியவை
ஒரு மருத்துவரிடம் கேட்டு விவரமாகப் பதிவு செய்த என் கருத்து வாசகர் பார்வைக்கு மறைகப்பட்டதர்க்கு நன்றி. மக்களை அறிவிலிகலாகவே வைத்திருக்க வேண்டும்,அப்போ தான் வண்டி ஓடும்.
அரசு மருத்துவ மனை என்டாலே பயம். இப்போ இன்னும் பயமாக உள்ளது. சிக்கிரம் சரி செய்ய( தினமலர் )யாருக்கு அனுப்பினால் நடவடிக்கை எடுப்பர்களோ உடனே ஆவன செய்யுங்கள்.
கற்காலத்தில் இருப்பது போன்ற ஒரு உணர்வு வருகிறது....
இப்போ இந்த மருத்துவமனை பற்றி தெரியவந்துள்ளது, இன்னும் தெரியாமல் தமிழ்நாட்டில் எத்தனை மருத்துவமனை மற்றும் மற்ற மாநிலங்களில் எத்தனை மருத்துவமனை என்று யாருக்கு தெரியும்.
அரசு நிதி ஒதிக்கி கொண்டுதான் இறுக்கிறது ஆனால் அதற்கான பணி, அரசியல் பெயர் சொல்லி வாழும் சில மனம் இல்ல பிணம் பயன்படுத்துகின்றனர். முழுமையான பணம் எதற்கும் பயன் படுத்துவதில்லை.
ஏன் இட பிரச்சனைக்காக கட்டுமான பணி துவங்க பட வில்லை என்று சொல்லுகிறார்கள் ஆனால் அதற்கான நிதி ஒதுக்க பட்டன.
இங்கு மனம் இல்லாதவர்கள் மற்ற உயிர்களின் மீது அக்கறை கொள்வதில்லை, அப்பறம் எப்படி உயரில்லா உடலுக்கு இவர்கள் மதிப்பு கொடுப்பார்கள்.
மிகவும் வருந்தத்தக்க செயல்...
பகவத் கீதை படித்தவனும் படிக்கதவனும் உள்ள உலகத்தில் மிக மிக கொடூரம் மிக்க இந்த மனித நேயமட்ட்ற இந்த செயல் வன்மையாக கண்டிக்க தக்கது.மேலும் பிணவறைக்கு என்று ஒரு மருத்துவர் உண்டு அவர் எங்கே சாதாரண மனிதன் என்ன செய்வான்? மேலும் இது போன்ற கருவிகள் பிணவறைக்கு தேவை இல்லை. மற்றும் இதை ஆஸ்பத்திரி நிர்வாகம் பார்த்துக்கொண்டு சும்மா இருக்கிறது. மாவட்ட ஆட்சித தலைவர் எங்கே?இறந்தவனுக்கு தெரியாது என்றும் பிணம் தானே என்றும் நினைக்கிறார்கள் தப்பு மன்னிக்க முடியாத குற்றம்.முதலமைச்சர் கவனத்திற்கு கொண்டு செல்லுங்கள் மட்டுமல்லாது தினமஅலறல் அலறல் கொடுமை குடும்பத்தினர்க்கு தெரியாது என்பதால் இறந்தவன் பேச மாட்டான் என்பதாலும் செய்வது மன்னிக்கமுடியாத குற்றம். இருப்பினும் தினமலர் இதழுக்கு இதயம் கனிந்த வேண்டு கோள் இந்த கொடிய குற்ற்றத்தை தண்டிக்கும் படியாகவோ திருத்தும் படியாகவோ ஆவன செய்யும் படி வேண்டுகிறேன்
என்ன கொடுமையடா இது? இறந்தவரின் உடலை பரிசோதிக்க இந்த காக்கி சட்டை போட்ட ஊழியர்களா? ஏன் மருத்துவர்கள் இல்லையா? பயன்படுத்தும் ஆயுதம் பார்க்கவே தலை சுற்றுகின்றது. இதற்க்கு கடுமையான நடவடிக்கை தேவை.
பிறந்ததிளுருந்து நிறைய இன்னல்கள், அலைச்சல், அவதிகள்... இறந்த பின்பாவது அமைதி வேண்டும்......
இதெல்லாம் செப்பனிடாமல் செம்மொழி கரிசன் மண் மொழி கொண்டாட்டம் கோவைக்கு தேவையா?
ஒரு நாளைக்கு எத்தனை பேரு ..........அதான் நாங்க இப்படி........சாரி மன்னிச்சிருங்க......
Copyright © 2021 Dinamalar - No.1 Tamil website in the world. Designed and Hosted by Web Division,Dinamalar. | Contact us