ராஜஸ்தான் முதல்வர் வசுந்தரா கைவசம் 46 துறைகள்| Rajasthan Chief Minister Vasundhara have 46 departments | Dinamalar

ராஜஸ்தான் முதல்வர் வசுந்தரா கைவசம் 46 துறைகள்

Added : டிச 22, 2013 | கருத்துகள் (12)
Share
ஜெய்ப்பூர்:ராஜஸ்தான் முதல்வராக பொறுப்பேற்றுள்ள வசுந்தரா ராஜே கைவசம் தற்போது 46 துறைகள் உள்ளது.ராஜஸ்தான் முதல்வர் வசுந்தரா ராஜே ஊரக வளர்ச்சி பஞ்சாயத்து ராஜ், நல்வாழ்வு மற்றும் சுரங்கத் துறைகளை தனது அமைச்சரவை சகாக்களுக்கு நேற்று ஒதுக்கியுள்ளார். இன்னும் அவரது கைவசம் 46 துறைகள் உள்ளன.நல்வாழ்வுத் துறை ராஜேந்திர ராத்தோருக்கும், ஊரக வளர்ச்சி மற்றும் பஞ்சாயத்து ராஜ்
ராஜஸ்தான் முதல்வர் வசுந்தரா கைவசம் 46 துறைகள்

ஜெய்ப்பூர்:ராஜஸ்தான் முதல்வராக பொறுப்பேற்றுள்ள வசுந்தரா ராஜே கைவசம் தற்போது 46 துறைகள் உள்ளது.ராஜஸ்தான் முதல்வர் வசுந்தரா ராஜே ஊரக வளர்ச்சி பஞ்சாயத்து ராஜ், நல்வாழ்வு மற்றும் சுரங்கத் துறைகளை தனது அமைச்சரவை சகாக்களுக்கு நேற்று ஒதுக்கியுள்ளார். இன்னும் அவரது கைவசம் 46 துறைகள் உள்ளன.நல்வாழ்வுத் துறை ராஜேந்திர ராத்தோருக்கும், ஊரக வளர்ச்சி மற்றும் பஞ்சாயத்து ராஜ் துறை குலாப் சந்த் கட்டாரியாவுக்கும் ஒதுக்கப்பட்டுள்ளது.காளி சரணுக்கு கல்வித்துறையும், கைலாஷ் மெக்வாலுக்கு சுரங்கத்துறையும் ஒதுக்கீடு செய்யப்பட்டுள்ளன.மாநில நீர்வளத் துறை அமைச்சராக சன்வார் மல் ஜாத் நியமிக்கப்பட்டுள்ளார். முதல்வர் வசுந்தரா ராஜேயிடம் உள்துறை மற்றும் நிதி உள்ளிட்ட 46 துறைகள் உள்ளன.
ராஜஸ்தானில் பாஜக சட்டப்பேரவை உறுப்பினர்கள் 9 பேர் கேபினட் அமைச்சர்களாக நேற்று முன் தினம் நியமிக்கப்பட்டனர். மேலும், தனி அமைச்சர்களாக 3 பேர் பதவி ஏற்றனர். அந்த 9 பேரில் கட்டாரியா மற்றும் ராத்தோர் மீது குற்ற வழக்குகள் உள்ளது. முதல்வர் வசுந்தரா ராஜேயின் முந்தைய அரசில் உள்துறை அமைச்சராக இருந்த கட்டாரியா மீது குஜராத் சொராபுதின் போலி என்கவுன்ட்டர் வழக்கில் இந்த ஆண்டு தொடக்கத்தில் சிபிஐ குற்றப்பத்திரிகை தாக்கல் செய்துள்ளது.ஏற்கனவே வசுந்தரா,ராஜஸ்தான் சட்டசபை உறுப்பினர், லோக்சபா உறுப்பினர், பா.ஜ., பார்லி இணைச்செயலர், மத்திய அமைச்சர் என, பல பதவிகள் வகித்த இவர், கடந்த2003 டிச., 8 முதல் 2008 டிச., 13 வரை ராஜஸ்தான் முதல்வராக பதவி வகித்துள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X