சென்னை: இலவச மிக்சி, கிரைண்டர்,மின் விசிறி சப்ளை செய்தநிறுவனங்களுக்கு, தமிழக அரசின் நுகர்பொருள் வாணிப கழகம், பாக்கி தொகையான, 450 கோடி ரூபாயை வழங்காமல்,இழுத்தடித்து வருவதாக, குற்றச்சாட்டு எழுந்துஉள்ளது. இதனால், குறிப்பிட்ட காலத்திற்குள், பொருட்கள் கொள்முதல் செய்வதில் சிக்கல் ஏற்பட்டு உள்ளது. எனவே, இந்த ஆண்டு இலவச பொருட்கள் கிடைக்குமா என்ற சந்தேகமும் எழுந்துள்ளது.
தமிழகத்தில், அ.தி.மு.க., அரசு பொறுப்பேற்றது முதல், பொதுமக்களுக்கு இலவசமாக, மிக்சி, கிரைண்டர், மின் விசிறி, மின் அடுப்பை வழங்கி வருகிறது. இவற்றை கொள்முதல் செய்யும் பணியை, தமிழ்நாடு நுகர்பொருள் வாணிப கழகம் மேற்கொண்டு வருகிறது.நடப்பாண்டில், 1,500 கோடி ரூபாய் செலவில், 35 லட்சம் மிக்சி, கிரைண்டர்; 34 லட்சம் மின் விசிறி; 56 ஆயிரம் மின் அடுப்பு கொள்முதல் செய்ய திட்டமிட்டுஉள்ளது.இலவச
பொருட்கள் கொள்முதலுக்கான அரசாணை வெளியீடு தாமதம், 'டெண்டர்' ரத்து
செய்யப்பட்டு, மறு, 'டெண்டர்' நடத்தியது போன்ற காரணங்களால், குறித்த
காலத்திற்குள் பொருட்கள் கொள்முதல் செய்ய முடியவில்லை.இதையடுத்து,
கொள்முதல் காலம், 210 நாட்களில் இருந்து, 150 நாட்களாக குறைக்கப்பட்டது.
'டெண்டர்' மூலம் தேர்வுசெய்யப்பட்ட நிறுவனங்கள், அக்., 15 முதல், பிப்.,
13ம் தேதிக்குள், 100 சதவீத பொருட்களையும், படிப்படியாக சப்ளை செய்ய
காலக்கெடு நிர்ணயிக்கப்பட்டது.
தற்போதையநிலவரப்படி, 12 நிறுவனங்கள், 400 கோடி ரூபாய் மதிப்பிலான, 18 லட்சம் கிரைண்டர்களை சப்ளை செய்துஉள்ளன. இதற்கு, அரசு சார்பில், 100 கோடி ரூபாய் மட்டுமே வழங்கப்பட்டுள்ளது; இன்னும், 300 கோடி ரூபாய் வழங்க வேண்டும்.இதேபோல், 175 கோடி ரூபாய் மதிப்பிலான, 18 லட்சம் மிக்சிகளை சப்ளை செய்த,
ஆறு நிறுவனங்களுக்கு, 120 கோடி ரூபாய்; 10 லட்சம் மின் விசிறிகளை சப்ளை
செய்த, 8 நிறுவனங்களுக்கு, 30 கோடி ரூபாய் வழங்க வேண்டும்.இதன்படி, 675
கோடி ரூபாய் மதிப்பிற்கு, இலவச பொருட்களை சப்ளை செய்த நிறுவனங்களுக்கு,
பாக்கி தொகையான, 450 கோடி ரூபாய் வழங்க வேண்டி உள்ளதால், பல
தயாரிப்புநிறுவனங்கள், தமிழக அரசு மீது, கடும் அதிருப்தியில் உள்ளன.
மேற்கொண்டு பொருட்களை சப்ளை செய்ய தயக்கம் காட்டி வருகின்றன.இதனால், இலவச
பொருட்கள் கொள்முதல் செய்யும் பணிபாதிக்கப்பட்டுள்ளது. இந்த ஆண்டு இலவசங்கள் கிடைக்குமா என்ற சந்தேகமும் எழுந்துள்ளது. லோக்சபா தேர்தலுக்கு முன், பொதுமக்களுக்கு, இலவச பொருட்கள் வினியோகம்செய்வதில் சிக்கல் ஏற்படும் நிலை ஏற்பட்டுள்ளது.
உணவு மற்றும் கூட்டுறவு துறை அதிகாரி ஒருவர் கூறுகையில், 'மின் அடுப்பு மட்டுமே முழுவதுமாக கொள்முதல் செய்யப்பட்டுள்ளது. நிதி அமைச்சகம், நிதி ஒதுக்கீடு செய்வதில், காலதாமதம்ஏற்படுத்தி வருகிறது. இதனால்தான், இலவச பொருட்களை சப்ளை செய்த நிறுவனங்களுக்கு, குறித்த காலத்திற்குள், பணத்தை வழங்க முடியவில்லை' என்றார்.
- புதியவை
கடன் வாங்கி கல்யாணம்.வரவு எட்டணா... செலவு பத்தணா..கடைசியில் துந்தனா ..துந்தனா.
இலவசத்தை இப்போது எதிர்த்து என்ன பயன். தேர்தலுக்கு முன்பே எதிர்த்திருக்க வேண்டும். பை 2, கெட் 1 ப்ரீ என்று ஷர்ட் பேன்ட் மட்டும் வாங்குவார்களாம், அரசு கொடுக்கும் இலவசம் மக்களை சோம்பேறி ஆக்குதாம்.
பாக்கியை செட்டில் பண்ணுங்கப்பா, அரசு கொடுத்த மிக்சி கிரைண்டரை சப்ளை செய்த கம்பெனி வீட்டுக்கு வந்து பிடுங்கிக் கொள்வார்களோ என்று பயமாக இருக்கிறது.
கமிசனுக்கு அச்சாரம் போடும் செயல் போலத்தான் தெரிகிறது...
பொங்கல் டார்கெட் 450 கோடி கவலைபடாதீங்க கைமேல காசு .. டாஸ்மாக் அதிகாரிகளுக்கு ஒரு மெமோ அனுப்புங்க .. வியாபாரம் செய்யாதவர்கள் வீட்டுக்கு அனுப்ப படுவார்கள் என்று ..பிறகென்ன கவலை .
முதலமைச்சர், மக்கு மோகனுக்கு எழுதும் பேப்பர் செலவை மிச்சப்படுத்தினால் இந்த கடனை அடைத்து விடலாம். எங்கே செல்லும் இந்த பாதை யாரோ யாரோ அறிவார்.....
ஹா ஹா...... மஞ்சள் துண்டை கேலி செய்யும் கூட்டம் எங்கே?
என்னதான் grinder, mixer grinder, fan எல்லாம் கொடுத்தாலும் மக்கள் அதை வெளியில் விற்பனை செய்கிறார்கள். சென்னையில் மிகவும் நன்றாக விற்பனை ஆகிறது. காஞ்சிபுரம் மாவட்டங்களிலும் விற்பனை நடக்கிறது.
அம்மா உணவகத்தில் சாப்பிடு,அரசு டாஸ்மாகில் குடித்திடு. அ தி மு க வின் பார்லிமென்ட் எலக்சன் கோஷம் இதுதான்
அரசு, சின்னகவுண்டர் பட ஸ்டைலில் விருந்து வைத்து பாக்கி பணத்தை வசூலிக்க வேண்டியது தான்...
Copyright © 2022 Dinamalar - No.1 Tamil website in the world. Designed and Hosted by Web Division,Dinamalar. | Contact us