புதிய சுற்றுலா தளங்களை அறிமுகப்படுத்த திட்டம்: கேரளாவில் அதிகரிக்கும் சுற்றுலா பயணிகள்

Added : ஜன 22, 2014 | கருத்துகள் (3) | |
Advertisement
கோவை: கேரள மாநிலத்தில், சுற்றுலா தளங்களை பார்வையிட வருவோரின் எண்ணிக்கை, ஆண்டுதோறும் அதிகரித்து வருவதால், அங்கு, புதிய சுற்றுலா தளங்களை அறிமுகப்படுத்தும் பணிகள் நடக்கின்றன. இதற்காக, அம்மாநில சுற்றுலா துறையினர், அண்டை மாநிலங்களுக்கு சென்று, கேரள மாநிலத்திற்கு சுற்றுலாவிற்கு வர அழைப்பு விடுத்து வருகின்றனர். கோவைக்கு, நேற்று வந்த, கேரள மாநில அரசின் சுற்றுலா துறை
புதிய சுற்றுலா தளங்களை அறிமுகப்படுத்த திட்டம்: கேரளாவில் அதிகரிக்கும் சுற்றுலா பயணிகள்

கோவை: கேரள மாநிலத்தில், சுற்றுலா தளங்களை பார்வையிட வருவோரின் எண்ணிக்கை, ஆண்டுதோறும் அதிகரித்து வருவதால், அங்கு, புதிய சுற்றுலா தளங்களை அறிமுகப்படுத்தும் பணிகள் நடக்கின்றன. இதற்காக, அம்மாநில சுற்றுலா துறையினர், அண்டை மாநிலங்களுக்கு சென்று, கேரள மாநிலத்திற்கு சுற்றுலாவிற்கு வர அழைப்பு விடுத்து வருகின்றனர்.

கோவைக்கு, நேற்று வந்த, கேரள மாநில அரசின் சுற்றுலா துறை தகவல் தொடர்பு அதிகாரி, முரளிதரன் கூறியதாவது: கேரள மாநிலத்திற்கு சுற்றுலாத்தளங்களை, பார்வையிட வருவோரின் எண்ணிக்கை, ஆண்டுதோறும் அதிகரித்துக் கொண்டே வருகிறது. கடந்த, 2011 ல், 7.33 லட்சம், வெளிநாட்டு சுற்றுலா பயணிகள், கேரளாவுக்கு வந்தனர். உள்நாட்டு சுற்றுலா பயணிகள், 93.88 லட்சம் பேர் வந்துள்ளனர்.கடந்த, 2012 ம் ஆண்டு, 1.1 கோடி, பயணிகள், பார்வையிட்டு இருப்பதாக, கணக்கெடுப்பில் தெரியவந்துள்ளது. இதன்மூலம், கேரள அரசுக்கு, நிகர வருவாய், 4,548 கோடி ரூபாய் கிடைத்துள்ளது. மேலும், சுற்றுலா துறையால், நேரடியாகவும், மறைமுகமாகவும், அரசுக்கு கிடைத்த வருவாய், 21,125 கோடியை எட்டியுள்ளது.

இதனால், சுற்றுலா துறையை மேம்படுத்தி, அரசின் வருவாயை அதிகரிக்க, பல்வேறு திட்டங்களை நடைமுறைப்படுத்தும் பணிகள் நடக்கின்றன. கேரளாவில் உள்ள, அனைத்து நீரோடை சார்ந்த இடங்களுக்கும், தடையின்றி இன்றி செல்ல, தண்ணீரில் ஓடும் விமான முறை, "முஸிரிஸ்' கோட்டையின் வரலாற்று மற்றும் கலாச்சார பெருமைகளை எடுத்துக்கூறுதல், "சீபிளேன்' எனப்படும், சர்வதேச விமான நிலையங்களில் இருந்து, சுற்றுலா தளங்களுக்கு செல்ல, பிரத்யேக விமான சேவையை ஏற்படுத்துதல் உள்ளிட்ட, பல்வேறு திட்டங்கள் அறிமுகப்படுத்தப்பட்டுள்ளன.இதுதவிர, கிராமப்புறங்களில் தங்கியிருக்கும், மக்களின் வாழ்க்கை முறையை அறிந்து கொள்ளவும், மலைப்பகுதிகளுக்கு செல்லவும், "டிரைபிள் டிராவல்' எனும், புதிய திட்டம் துவங்கப்பட்டுள்ளது. இதை, அண்டை மாநிலங்களுக்கு எடுத்துக் கூறி, சுற்றுலாவுக்கு வருவோரின் எண்ணிக்கையை அதிகரிப்படுத்த, சுற்றுலா துறை அதிகாரிகள் குழு சென்றுள்ளது. இவ்வாறு, அவர் கூறினார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement

உங்களுக்காக சிபாரிசு செய்யப்படுகிறது



வாசகர் கருத்து (3)

Xavier ilango - Vembar,இந்தியா
01-மார்-201514:19:22 IST Report Abuse
Xavier ilango கேரளாவின் சுற்றுலாத் தலங்கள் அனைத்தும் கண்களுக்கு குளிர்சியாகவும் அழகாகவும் ரம்மியமாகவும் உள்ளன. முக்கியமாக சுத்தமாக வைத்திருக்கிறார்கள். நம்மஊர் சுற்றுலா இடங்களைப் பற்றி சொல்ல வேண்டியதில்லை. சுகாதாரம் மிகவும் மோசம். சிறிய கடைகளில் (டீக்கடை - பெட்டிக்கடை ) வாழைப்பழம் மற்றும் டீ, சுற்றுலாப் பயணிகளிடம் அதிகமாகப் பணம் வாங்குகிறார்கள். இரட்டைக் குவழை போல் இரட்டை விலை வாங்குகிறார்கள்.
Rate this:
Cancel
ரத்தினம் - Muscat,ஓமன்
22-ஜன-201408:12:36 IST Report Abuse
ரத்தினம் வெளிநாட்டவர், வெளி மாநிலத்தவர்கள் கூட சுற்றுலா வருவதற்கு லாயக்கில்லாத இடம் தமிழ்நாடு. ஆட்டொக்காரர்களின் அடாவடி தாங்க முடியவில்லை. இந்தியாவிலேயே மோசமான ஆட்டோக்காரர்கள் தமிழகத்தவர்கள். தமிழ்நாட்டில எங்கு பார்த்தாலும் குப்பை, பிளாஸ்டிக் பை, சாக்கடை. மனதுக்கு கஷ்டமாகவும், ஆத்திரமாகவும் இருக்கிறது.
Rate this:
பொதிகை சிவா - பொதிகை,இந்தியா
22-ஜன-201422:26:49 IST Report Abuse
 பொதிகை சிவாஆமாம் ரத்தினம் சார் சொல்வது உண்மையிலும் உண்மை.....கேரளா மற்றும் கர்நாடகத்தை ஒப்பிடுகையில் தமிழ்நாடு ஆட்டோக்காரர்கள் மிகவும் மோசம்.....
Rate this:
Cancel
raja - tenkasi  ( Posted via: Dinamalar Android App )
22-ஜன-201407:42:05 IST Report Abuse
raja கேரளாவில் உள்ள சுற்றுலா தலங்கள், வெளிநாட்டிற்க்கு இணையாக .சுகாதாரம் பராமரிப்பு பாதுகாப்பு என சுற்றுலா பயணிகளை கவர்ந்து வருகிறது!
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X