பொது செய்தி

தமிழ்நாடு

சென்னையில் எடுபடாத சமையல் காஸ் புது திட்டம்: தமிழகம் முழுவதும் சாத்தியமா?

Updated : ஜன 27, 2014 | Added : ஜன 26, 2014 | கருத்துகள் (12)
Share
Advertisement
வீட்டு உபயோக சமையல் காஸ் சிலிண்டர் வாடிக்கையாளர், தாங்கள் விரும்பும் நிறுவனத்திற்கு மாறும் திட்டத்தை, சென்னையில், 100 பேர் கூட பயன்படுத்தவில்லை. இச்சூழலில், இத்திட்டத்தை தமிழகம் முழுவதும் விரிவுபடுத்தியுள்ள எண்ணெய் நிறுவனங்கள், திட்டம் குறித்து, பொதுமக்களிடம் விழிப்புணர்வு ஏற்படுத்த முடிவு செய்துள்ளன.இந்தியன் ஆயில், பாரத் பெட்ரோலியம், இந்துஸ்தான் பெட்ரோலியம்
 சென்னையில் எடுபடாத சமையல் காஸ் புது திட்டம்: தமிழகம் முழுவதும் சாத்தியமா?

வீட்டு உபயோக சமையல் காஸ் சிலிண்டர் வாடிக்கையாளர், தாங்கள் விரும்பும் நிறுவனத்திற்கு மாறும் திட்டத்தை, சென்னையில், 100 பேர் கூட பயன்படுத்தவில்லை. இச்சூழலில், இத்திட்டத்தை தமிழகம் முழுவதும் விரிவுபடுத்தியுள்ள எண்ணெய் நிறுவனங்கள், திட்டம் குறித்து, பொதுமக்களிடம் விழிப்புணர்வு ஏற்படுத்த முடிவு செய்துள்ளன.

இந்தியன் ஆயில், பாரத் பெட்ரோலியம், இந்துஸ்தான் பெட்ரோலியம் ஆகிய பொதுத்துறை எண்ணெய் நிறுவனங்கள், வீட்டு உபயோக சமையல் காஸ் சிலிண்டர்களை வினியோகம் செய்கின்றன. இந்நிறுவனங்களுக்கு, தமிழகத்தில், 1.54 கோடி வாடிக்கையாளர் உள்ளனர். வினியோகஸ்தர்கள் மூலம், வாடிக்கையாளருக்கு, காஸ் சிலிண்டர் சப்ளை செய்யப்படுகிறது.

காஸ் வேண்டி முன்பதிவு செய்து, குறித்த நேரத்தில் வினியோகம் செய்யாதது; புதிய இணைப்புக்கு அலைக்கழித்தல்; கூடுதல் விலைக்கு விற்பனை செய்தல் போன்ற காரணங்களால், வாடிக்கையாளர்கள் பாதிக்கப்படுகின்றனர்.இதையடுத்து, ஒரு காஸ் நிறுவனத்தின் வாடிக்கையாளர், மற்றொரு நிறுவனம் அல்லது மற்றொரு வினியோகஸ்தருக்கு மாறும் வசதி, கடந்த ஆண்டு, பிப்ரவரியில், சண்டிகரில், சோதனை ரீதியில் அறிமுகம் செய்யப்பட்டது. பின், முதல் கட்டமாக சென்னை உட்பட, 30 நகரங்களில், இந்த திட்டம், கடந்த அக்டோபரில் துவங்கப்பட்டது. சில தினங்களுக்கு முன், தமிழகம் உட்பட, நாடு தழுவிய அளவில் விரிவுபடுத்தப்பட்டது.

இந்த திட்டத்தின்படி, வாடிக்கையாளர், தற்போது இணைப்புப் பெற்றுள்ள நிறுவனத்தின் இணைய தளத்தில், புதிய சேவையைப் பெற விரும்பும் நிறுவனம் அல்லது வினியோகஸ்தர் பெயரை பதிவு செய்ய வேண்டும்.அடுத்த, 72 மணி நேரத்திற்குள், வினியோகஸ்தர், வாடிக்கையாளரின் குறைபாடுகளை நிவர்த்தி செய்ய வேண்டும்.வாடிக்கையாளர் இதை ஏற்க மறுத்தால், சிலிண்டரையும், ரெகுலேட்டரையும், தற்போதுள்ள நிறுவனத்திடம் ஒப்படைக்க வேண்டும். விரும்பிய நிறுவனத்திடம் இருந்து, ரெகுலேட்டர், சிலிண்டர் ஆகியவற்றை, பதிவுக் கட்டணம் இல்லாமல் பெற்றுக் கொள்ளலாம். வீட்டு உபயோக சமையல் காஸ் சிலிண்டர் வாடிக்கையாளர்கள், தாங்கள் விரும்பும் நிறுவனத்திற்கு மாறும் திட்டத்தில், சென்னையில், பொது மக்கள் ஆர்வம் காட்டவில்லை. இச்சூழலில், இத்திட்டத்தை தமிழகம் முழுவதும் விரிவுபடுத்தியுள்ள எண்ணெய் நிறுவனங்கள், திட்டம் குறித்து, பொது மக்களிடம் விழிப்புணர்வு ஏற்படுத்த முடிவு செய்துள்ளன.

இதுகுறித்து, எண்ணெய் நிறுவன அதிகாரி ஒருவர் கூறுகையில், 'சென்னையில், இதுவரை, 100க்கும் குறைவான வாடிக்கையாளர் மட்டுமே, விரும்பிய நிறுவனத்திற்கு, மாறும் வசதியை பயன்படுத்தியுள்ளனர்' என்றார்.
நமது நிருபர்

Advertisement


வாசகர் கருத்து (12)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
raghavan - Srirangam, Trichy,இந்தியா
26-ஜன-201417:06:02 IST Report Abuse
raghavan எங்களுக்கு அவர்கள் என்ன மாமனா இல்லை மச்சான்களா ஒன்றிலிருந்து இன்னொன்றுக்கு மாற ? எல்லாம் ஒரே குட்டையில் ஊறிய மட்டைகள் என்று எங்களுக்கு தெரியாதா ? இருப்பதையும் சரண்டர் பண்ணி விட்டு தெருவில் உருளை மாதிரி உருள எங்களுக்கு சாத்தியப்படாது.
Rate this:
Cancel
naagai jagathratchagan - mayiladuthurai ,இந்தியா
26-ஜன-201414:51:59 IST Report Abuse
naagai jagathratchagan முதலில்...வீட்டு உபயோகத்திற்குள்ள காஸ் விற்பனை செய்வோர் ...இதனை கல்யாணம் ...ஹோட்டல் ...போன்றவற்றிக்கு கூடுதல் விலைக்கு விற்பனை செய்கிறார்களா என்றும் ...தினமும் ...இன்று காஸ் எவ்வளவு வாடிக்கையாளருக்கு விற்பனை செய்யப்பட்டது ...பதிவு எண் எது வரை விநியோகம் செய்யப்பட்டது ...மொத்த கொள் முதல் இருப்பு ..இன்று விற்பனை செய்யப்பட்டது மீதம் உள்ளது எவ்வளவு என்ற தகவல் பலகை நிறுவனத்தினின் வாயிலில் எல்லோரும் படிக்கும் வண்ணம் உள்ளதா ...தவறு இருப்பின் அதற்கான புகார் புத்தகம் ..பதிவிட வைக்கப்பட்டுள்ளதா ...அல்லது தவறு நடந்தால் அதனை யாரிடம் தெரிவிக்கவேண்டும் என்ற அலுவலரின் முகவரி ...இவை போன்ற வற்றை கண்காணிக்கவேண்டும் ...அதனை செய்தால் காஸ் ஒழுங்காக விநியோகம் செய்யப்படும்
Rate this:
Cancel
சூரிய வெளிச்சம் - chennai,இந்தியா
26-ஜன-201414:07:44 IST Report Abuse
சூரிய வெளிச்சம் அருமையான ஜோக். முதலில் எரிவாயுவின் விலையை குறையுங்கள். நீங்கள் மனது வைத்து உங்கள் வீட்டிற்க்கு தேவையானதை உங்கள் சம்பளத்திலிருந்து செலவு செய்யுங்கள். வெளியூர் பயணமாயின் உங்கள் நிருவணத்தின் விருந்திணர் மாளிகையை உபயோகியுங்கள். அரசு பணத்தை சேமியுங்கள். அதுவே விலை குறைப்புக்கு போதுமானது. மேலும் வரி விதிப்பை குறைத்து மக்களுக்கு சகாய விலையில் பெட்ரோல், டீசல், சமையல் எரி வாயு, மண்ணெண்னை முதலிய அத்யாவசிய பொருள்களின் தேவையை உணர்ந்து விலை குறைப்பு செய்யுங்கள். அதுவே போதுமானது. அதை விடுத்து வினியோகஸ்தர்களை மாற்றிக்கொள்ளளாம் என்று ஸ்டெண்ட் அடிக்காதீர்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X