லோக்சபா தேர்தலுக்கு எப்படி கூட்டணி அமையும்; மும்முனைப் போட்டி நிலவுமா அல்லது நான்கு முனைப் போட்டி உருவாகுமா என்பதில், குழப்பமான நிலை நீடிப்பதால், வேட்பாளர்களை முடிவு செய்வதில், அரசியல் கட்சிகள் சுணக்கம் காட்டி வருகின்றன. எதிரணியில் அமையும் கூட்டணி பலமாக அமைந்து விட்டால், அதற்கேற்ற வகையில், வேட்பாளர்களை நிறுத்த வேண்டிய கட்டாயம் ஏற்படும் என்பதால், கட்சிகளுக்கு, ஒருவிதமான நெருக்கடி உருவாகியுள்ளது. லோக்சபா தேர்தல் தேதி அறிவிப்புக்கு பின்னரே, தேர்தலில் போட்டியிடும் அணிகளின் எண்ணிக்கை உறுதி பெறும் என்றாலும், இப்போதுள்ள நிலவரப்படி, நான்கு அணிகள் மோதுவதற்கான சூழல் உள்ளது.
அ.தி.மு.க., அணி உறுதி:
அதில், தமிழகத்தை ஆளும், அ.தி.மு.க., தலைமையிலான அணி மட்டுமே உறுதியாகி உள்ளது. இரு கம்யூனிஸ்ட் கட்சிகளை மட்டுமே இணைத்துக் கொண்டு, களத்தை சந்திக்க, அந்த அணி தயாராகி வருகிறது. இந்த அணியில், கடைசி நேரத்தில், மாற்றம் வந்தாலும், ஆச்சர்யப்படுவதற்கு இல்லை. அதேநேரத்தில், தற்போதைக்கு, தலித் அமைப்புகளான, விடுதலை சிறுத்தைகள், புதிய தமிழகம் மற்றும் முஸ்லிம் இயக்கங்களான, இந்திய யூனியன் முஸ்லிம் லீக், மனிதநேய மக்கள் கட்சிகளுடன் கூட்டணி வைத்துள்ள, தி.மு.க., விஜயகாந்தின், தே.மு.தி.க., உடன், எப்படியும் கூட்டணி அமைந்து விடும் என்ற நம்பிக்கையில் உள்ளது. அதேபோல், பா.ஜ.,வும், பா.ம.க., -
ம.தி.மு.க., - ஐ.ஜே.கே., - கொ.மு.க., - கொ.நா.ம.க., - கே.ஜே.கே., - புதிய
நீதிக் கட்சி ஆகியவற்றை இணைத்துக் கொண்டு, தேர்தலை சந்திக்க தயாராகி
உள்ளது. அத்துடன், விஜய காந்தின்தே.மு.தி.க., வரவையும் எதிர்பார்த்து காத்திருக்கிறது. இதுதவிர, எந்தக் கட்சியுடன் கூட்டணி சேர்ந்தாலும், சேராவிட்டாலும், தனித்தும் தேர்தலை சந்திப்பது என்ற நிலையில், காங்கிரஸ் கட்சியினர் உள்ளனர்.
குழப்ப நிலைமை:
அத்துடன், அனைத்து கட்சிகளும், தேர்தலில் போட்டியிட விரும்புவோரிடமிருந்து, விருப்ப மனுக்களைப் பெற்று, அவற்றை பரிசீலித்து, வேட்பாளர்கள் பட்டியலை தயார் செய்யும் பணியில் ஈடுபட்டுள்ளன. ஆனாலும், கூட்டணி விஷயத்தில், ஒரு விதமான குழப்ப நிலைமை காணப்படுவதால், வேட்பாளர் பட்டியலை இறுதி செய்வதிலும், அவற்றை வெளியிடுவதிலும், சுணக்கம் காட்டி வருகின்றன.கூட்டணி விவகாரத்தில், கட்சி களுக்குள் ஏற்பட்டுள்ள குழப்பங்கள் முடிவுக்கு வரும் முன், வேட்பாளர் பட்டியலை வெளியிட்டு விட்டால், பின், பலமான வேட்பாளர்கள் இல்லை எனக் கூறி, பலரை மாற்ற வேண்டிய நிலைமை வந்து விடக்கூடாது என்பதற்காகவே, கட்சிகள் இவ்வாறு சுணக்கமாகச்செயல்படுகின்றன.
வேட்பாளர் பட்டியல்:எப்படியானாலும், தேர்தல் தேதி அறிவிக்கப்பட்டதும், இந்த விவகாரத்தில், ஒரு முடிவு ஏற்படும்; கூட்டணிகள் தெளிவான உடன், கட்சிகள் உடனுக்குடன் வேட்பாளர்கள் பட்டியலை வெளியிடலாம் என, நம்பப்படுகிறது. அப்போது, எந்த அணி அனைத்து சாதக அம்சங்களையும் கொண்ட வேட்பாளரை களமிறக்கும் என்ற நிலை தெளிவாகும். லோக்சபா தேர்தல் அறிவிப்பு வரும் முன், எளிதாக தொகுதிகளில் தங்கள் கருத்துக்களை முன்வைத்து, ஆதரவு திரட்டும் நிலை கட்சிகளுக்கு இன்று இல்லை. இச்சூழல், அடுத்த சில நாட்களில் தெளிவாகலாம்.
- நமது சிறப்பு நிருபர் -
- புதியவை
தனித்துப் போட்டி என்கிற வாய் சவடாலிலிருந்து அந்தர் பல்டி அடித்த அதிமுக வின் பரிதாப நிலையை சுட்டிக் காட்ட யாரும் விரும்பவில்லையோ? எந்தக் கட்சியுமே தீண்டாத, கூட்டணி வைக்க ஆசைபடாத கட்சியாக அம்போ வென்று நிற்கிறது அதிமுக என்று சொன்னால் மிகையில்லை. இந்த ஊடகங்கள் கலைஞரிடம் எத்தனை பேட்டிகள் எடுக்கிறார்கள். யாராவது அதிமுக இவடம் மக்களவைத் தேர்தல் கூட்டணி பற்றிக் கேட்கிறார்களா? கலைஞர் திருச்சியில் விமானம் ஏறும் போதும் மைக்குகளை நீட்டிப் பேட்டி - சென்னை விமான நிலையம் வந்திறங்கியதும் மீண்டும் மைக்குகள். ஆனால் அதிமுக தலைவியின் முன்னால் யாருமே மைக்குகளை எடுத்துக் கொண்டு ஏன் செல்வதில்லை? இதெல்லாம் யோசிக்கவே மாட்டீர்களா? அதிமுக என்ன செய்யப் போகிறது என்று நீங்களாகவே ஒரு ஊகத்தில் கருத்து சொல்லிக் கொண்டிருக்கிறீர்கள். அந்தக் கட்சியில் தலைவி தவிர யாருக்குமே எந்த அதிகாரமும் இல்லை. தலைவியிடம் மைக்கை நீட்டும் திராணியும் எந்த ஊடகத்துக்கும் இல்லை. என்ன செய்வது?
bjp கு மக்கள் மத்தியில் ஒரு மாஸ் இருக்கு. ஆனால் அது நம்ம எல்லோருக்கும் தெரியும். அத அம்மா புரிசிகிட்டு சைலன்டா இருக்கு
இதில் ஒன்னு தெளிவாகுது...எல்லா கட்சிகளுக்கும் கூட்டணிகளுக்கும் ஒரே கொள்கை தான்..அது எப்படியாவது வெற்றி பெற்று தங்கள் தொழிலை மென்மேலும் வளர்ச்சி அடைய செய்வது மட்டுமே..இதுலே மக்கள் ஏன் இங்கே அடிச்சிக்கிராக என்பது தான் விளங்க வில்லை.
மோடி பிரதமர்...அம்மா துணை பிரதமர்....இதுவே வரும் பாராளுமன்ற தேர்தலில் நடக்க போவது....எழுதி வைத்துக்கொள்ளுங்கள் நண்பர்களே மே மாதம் தினமலர் கருத்து பகுதியில் மீண்டும் சிந்திப்போம் வாழ்க பாரதம்
ஜெயா வின் டெல்லி அரசியல் ஒரு பக்கம் இருக்கட்டும். தமிழகத்தில் தொழில் முதலீடுகள் பல ஆயிரம் கோடிகளுக்கு வாபஸ் பெரப்படுகிறதெ அதை
பற்றியும், இதனால் தொழில் துறையில் எந்த அளவுக்கு பின் தங்கிய மாநிலமாக நமது தமிழ்நாடு வரப்போகிறது என்பதை பற்றியும் தமிழ் நாடு மக்களுக்கு தினமலர் ஒரு சிறப்பு செய்தியை வெளியிடுமா?.......
தேர்தலுக்கு முன் கூட்டணி என்பது அந்த காலம். தேர்தலுக்கு பின் கூட்டணி என்பது இந்த காலம். ஒரு கட்சிக்கு நாட்டில் பாதி இடத்தில் செல்வாக்கு போய் ரொம்ப நாள் ஆகி விட்டது. இன்னொரு கட்சிக்கு நாட்டில் பாதி இடத்தில் கட்சியே இல்லை. நாட்டில் எந்த மூலையிலும் தைரியமாக வேட்பாளரை நிறுத்தி களம் காண தயாராய் உள்ள ஒரே கட்சி AAP மட்டுமே. தேர்தலுக்கு பின் AAP இக்கு சப்போர்ட் செய்ய ரெடியா இருப்போர் கைய தூக்குங்கோ பார்க்கலாம்.
சிங்கம் சிங்கிலாகதான் வரும் என அந்தம்மா சொல்லுது ஒரு பொம்பளைக்கு இருக்கிற தைரியம் கூட 60 வருட அரசியல் நடத்திய இவருக்கு வரலை. தன்னம்பிக்கை இல்லாத இவருக்கு வோட்டு போட்டு இதனால் நமக்கு என்ன ஆதாயம், மேலும் ஹிந்துக்கள் திருடர்கள் என்று சொன்ன இவருக்கு வோட்டு போடாம வீட்டுக்கு அனுப்புவோம் பேர புள்ளைகள் கூட உட்கார்ந்து திருடன் போலீஸ் விளையாட்டு விளையாடட்டும்
இந்த குழப்பத்தில் அதிமுக தான் விதிவிலக்கு... காரணம் அவர்கள் கூட்டணி விஷயத்தில் தெளிவாக யார் வரவுகாகவும் காத்திருக்கவில்லை... விஜயகாந்த் என்கிற ஒருவரின் வரவுக்காக தான் காங்கிரஸ், திமுக. பாஜக ஆகிய கட்சிகள் யாவும் வேட்பாளர் அறிவிப்பதிலும், தொகுதிகள் முடிவு செய்வதிலும் கால தாமதம் ஆகி கொண்டிருக்கிறது.. இந்த கட்சிகள் அனைத்தையும் விஜயகாந்த் திரிசங்கு நிலைக்கு தள்ளிவிட்டார்... தேமுதிக விலையே இந்த குழப்பம் நீடித்து வருகிறது... விஜயகாந்த் ஒரு முடிவு எடுக்கும் வரை இந்த குழப்பம் நீடித்து கொண்டேதான் இருக்கும்...
பி ஜே பி, தி மு க, காங் மூன்றும் "தண்ணி தொட்டி தேடிவந்த கண்ணு குட்டி நான்"என்று ஆடி பாடி காத்துகொண்டு இருப்பது கேவலம்.சொந்த பலத்தை நம்பாமல் அடுத்தவர் காலை பிடிக்க காத்து இருப்பது மிக மிக -...
இப்போ புரியுதா, கேப்டனோட பவரை?
சின்ன கவுண்டருக்காக வெய்டிங் ?
ஊழல் எதிர்ப்பு மாநாடு நடத்திய ஈரம் காயும் முன்னர், '' நம் நாட்டில் ' மிகப்பெரிய ஊழலை நடத்திய ஆட்சியின் தலைவர்' என்று கூறப்படும் நமது பிரதமரை விஜயகாந்த் சந்திக்கப் போனது எக்காரணத்தால்? ஊழல் பணத்தில் பங்கு கேட்கவா?... ...........ஆ.தவமணி, சேந்தமங்கலம்....
Copyright © 2019 Dinamalar - No.1 Tamil website in the world. Designed and Hosted by Web Division,Dinamalar. | Contact us
