இலண்டன் புசைய் அகடமியில் தமிழ் இசை விழா | NRI | NRI latest news | NRI updated news | NRI tamil news ::

இலண்டன் புசைய் அகடமியில் தமிழ் இசை விழா

நவம்பர் 06,2018  IST

Comments

இன்னிசை வாத்தியங்கள் இசைக்க,ஆடலுடன் பாடல்களும் இணைந்த தமிழ் இசை விழா இலண்டனில் புசைய அகடமியில் உள்ள மிகப் பிரமாண்ட அரங்கத்தில் நடைபெற்றது. இந்த நிகழ்ச்சியினை தொகுத்து இங்கிலாந்து வாழ் இந்திய மருத்துவர் இரவி வழங்கிய போது, "மதுரை,திருநெல்வேலி,திருக்குறுங்குடி,சுசிந்திரம் போன்ற இடங்களில் அமைந்துள்ள இசைத்தூண்கள் பற்றியும்,தராரசுரம்,கங்கை கொண்ட சோழபுரம் போன்ற இடங்களில் அமைந்துள்ள இசை சிற்பங்களைப் பற்றியும், குடுமியான் மலை திருவாரூர், திருவையாறு, தஞ்சையில் உள்ள இசை கல்வெட்டுகள்" பற்றியும் குறிப்பிட்ட போது. இவ்விடங்களைப் காணாதவர்கள் அனைவருக்கும், அங்கு சென்று பார்க்க வேண்டும் என்ற உணர்வுகள் ஏற்பட்டிருக்கும் என்று கூறலாம்.

வித்துவான் வம்சி கிருஷ்ணா விஷ்ணுதாஸ் குழுவில் உள்ள மாணவர்கள் இசை பாடி அரங்கத்தை மகிழ்வித்தனர். இதன் பின் இலண்டனில் பல மேடைகளில் இன்னிசை பாடிய அதிதி சுப்பிரமணியன் வர்ணம், சித்தி வினாயகர், அலைபாயுதே, திருப்பாவை, சின்னஞ்சிறு கிளியே ஆகிய பாடல்களை முறையே சாருகேசி, நாட்டை, கானடா, கல்யாணி இராக மாலிகா போன்ற இராகங்களில் பாடல்களைப் பாடி கரசோசைகளைப் பெற்றார்.


இதற்கு அடுத்த நிகழ்சியாக தேவி நெய்தியார், திவ்விய கஸ்தூரி இணைந்து ‘அன்றும் இன்றும்’ என்ற தலைப்பில் இணைந்து நடத்திய ஆடலுடன் பாடல் காட்சி அரங்கத்தில் உள்ளோர் அனைவரையும் மெய் மறக்கச் செய்த காட்சிகளாக அமைந்தது. நெய்தியார் சின்னஞ்சிறு கிளியே, உன் கண்ணில் நீர்; வழிந்தால்,என்ன தவம் செய்தனை போன்ற பாடல்களைப் பாட, கலைமாமணி விருது பெற்ற திவ்விய கஸ்தூரி இசைக்கேற்ப முக பாவனைகளை காட்டி ஆடிய விதம் பொதுவாக அனைவரையும் கவர்ந்தது என்று கூறுலாம். ஆடலுடன் பாடலைக் கேட்டு இரசிப்பதிலே சுகம் சுகம் என்ற பாடலை நாம் கேட்டதுண்டு. அதனை இந்த இசை அரங்கத்தில் அனைவரும் கேட்டு மகிழ்ந்தோம் என்பது உண்மை நிலைப்பாடாகும்.

இசைநிகழ்ச்சியில் மெய்மறந்து இரசித்த தமிழ் மக்களுக்கு, இறுதியில் முமு கேட்டரிங் மற்றும் சரவண பவன் உணவகம் மூலம் நாவுக்கும் ருசியான உணவு கிடைக்கப்பெற்று தமிழ் பாரம்பரிய விருத்தோம்பலை நிலைநாட்டினர் என்று கூறினால் அது மிகையாகாது.


விழாவினை முன்னிட்டு தேவி நெய்தியார் ‘குரல் வளம் அபிவிருத்தி’ பற்றிய நுணுக்கங்களை இசை பாடும் மாணவ மாணவர்களுக்கு உரிய போதனை விளக்கம் மூலம் எடுத்துரைத்து ஒரு சிறப்பு முகாம் நடத்தினார் என்பது குறிப்பிடத்தக்கது. இசையில் வளரும் நிலையில் உள்ளோர்க்கு இது போன்ற வளர்ந்த நிலையில் உள்ளோரால் நடத்தப்படும் சிறப்பு முகாம் அம்மாணவர்களை பெரிதும் ஊக்குவிக்கும் என்று உறுதியாக நம்பலாம்.


- தினமலர் வாசகர் ச.பொன்ராஜ்

Advertisement
மேலும் ஐரோப்பா செய்திகள்

மேலும் செய்திகள் உங்களுக்காக ...

பிப்ரவரி 2ம் தேதி சான் ஆண்டோனியோவில் குதூகலமான பொங்கல் திருவிழா

பிப்ரவரி 2ம் தேதி சான் ஆண்டோனியோவில் குதூகலமான பொங்கல் திருவிழா...

ஜனவரி 18, துபாய் ஈமான் அமைப்பு நடத்தும் ரத்ததான முகாம்

ஜனவரி 18, துபாய் ஈமான் அமைப்பு நடத்தும் ரத்ததான முகாம்...

ஜனவரி 20ல் புக்கிட் பாஞ்சாங் பொங்கல் விழா மற்றும் ரத்ததான முகாம் 2019

ஜனவரி 20ல் புக்கிட் பாஞ்சாங் பொங்கல் விழா மற்றும் ரத்ததான முகாம் ...

ஜனவரி 12ல் ஐயப்ப பூஜை

ஜனவரி 12ல் ஐயப்ப பூஜை...

Advertisement
Advertisement

கார்த்தி வழக்கில் கோர்ட் உத்தரவு

புதுடில்லி : கார்த்தி சிதம்பரம் பிப்ரவரி 21 முதல் 28 ம் தேதி வரை வெளிநாடு செல்ல அனுமதிகோரிய வழக்கில் ஜனவரி 28 ம் பதிலளிக்க அமலாக்கத்துறைக்கு சுப்ரீம் கோர்ட் ...

ஜனவரி 21,2019  IST

Comments

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

(Press Ctrl+g or click this   to toggle between English and Tamil)
Copyright © 2019 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us