நியூயார்க்கில் விநாயகர் சதுர்த்திப் பெருவிழா | NRI | NRI latest news | NRI updated news | NRI tamil news ::

நியூயார்க்கில் விநாயகர் சதுர்த்திப் பெருவிழா

செப்டம்பர் 12,2019  IST

Comments

நியூயார்க்கில் விநாயகர் சதுர்த்திப் பெருவிழா மற்றும் ரத யாத்திரை கோலாகலமாக நடைபெற்றது. ஒன்பது நாள் திருவிழாவாகக் கொண்டாடப்பட்ட நியூயார்க் மகா வல்லபகணபதி திருக்கோயிலில் நிறைவு நாளான செபடம்பர் 8ஆம் தேதி ஞாயிற்றுகிழமை, மலர்களால் அலங்கரிக்கப்பட்ட வெள்ளிக் குதிரைகள் பூட்டிய வெள்ளி ரதத்தில் உற்சவர் அருள்மிகு மகா வல்லப கணபதி, நாதஸ்வர - தவில் மங்கள வாத்திய இசையுடன் ரத யாத்திரை மிக விமரிசையாக நடைபெற்றது.

பறை இசைக்குழுவினர், 'டோல் டிரம்ஸ்' இசைக் குழுவினரரின் இசை முழக்கங்களுடன், கும்மி கோலாட்டம் ஆட்டம் பாட்டங்களுடன் பல்லாயிரக்கணக்கில் பக்தர்கள் உடன் செல்ல, நியூயார்க் குயின்ஸ் பகுதியின் பிராதன சாலைகளில் மூன்று மணி நேர ரத யாத்திரை மிகக் கோலாகலமாக நடைபெற்றது. ரத யாத்திரையில் சிறுவர் சிறுமியர் உள்ளிட்ட அனைத்து வயதினரும் கலந்து கொண்டனர். வழிநெடுக இருந்த அமெரிக்கர்கள், ஸ்பானிஸ், சீனர்கள் கொரியர்கள் பாகிஸ்தான் பங்களாதேஷ் உள்ளிட்ட பன்னாட்டு மக்கள் கண்டு களித்தனர்.

திருக்கோயிலில் மூலவர் அருள்மிகு மகாவல்லபகணபதிக்கு “தங்கக் கவச அலங்காரம்” மிகச் சிறப்பாக – கண்கவர் வகையில் செய்யப்பட்டிருந்தது. காலைமுதல் இரவு வரை பத்தாயிரத்துக்கும் மேற்பட்ட அன்னதானப் பொட்டலங்கள் வழங்கப்பட்டன. விழாவிற்கென்றே தமிழகத்திலிருந்து வருகை தந்திருந்த திருப்பனந்தாள் ஆதீனம் குருமூர்த்தி (நாதஸ்வரம்), தருமபுரம் ஆதீனம் லக்ஷ்மணன் (தவில்) ஆகியோரின் அற்புதமான மங்கல இசை, ஒன்பது நாட்கள் திருவிழாவுக்கும் ரத யாத்திரைக்கும் கூடுதல் சிறப்புச் சேர்த்தது !

நியூயார்க் காவல் துறையினர் ரதயாத்திரை செல்லும் வீதிகளில் போக்குவரத்துக் கட்டுப்பாடு மற்றும் பாதுகாப்பு ஏற்பாடுகளை மிகச் சிறப்பாகச் செய்திருந்தனர். தேவஸ்தான தலைவர் திருமதி டாக்டர் மைசூரேக்கர் தலைமையில் திருவாளர்கள் சிவகுமார் சாமிநாதன், ஹரிகரன் உள்ளிட்ட திருக்கோயிலின் சிவாச்சாரியார்கள், திரு பத்மநாபன் திருமதி ஸ்ரீமதி உள்ளிட்ட கோவில் அலுவலக அதிகாரிகள், கோயில் கேண்டீன் திரு சந்தானம் உள்ளிட்ட அன்பர்கள் அனைவரும் திருவிழாவுக்கான எல்லா ஏற்பாடுகளையும் மிக நிறைவாகச் செய்திருந்தனர்.

மூலவர் அருள்மிகு மகாவல்லபகணபதிக்கு தினசரி விதவிதமான சிறப்பான அலங்காரங்களை சிவாச்சாரியார்கள் மிக நேர்த்தியாக – அழகுற – மிகக் கம்பீரமாக கண்டோர் வியக்கும் வகையில் –செய்திருந்தனர். பள்ளி,கல்லூரி மாணாக்கர்கள், பல்வேறு துறைகளிலும் பணியாற்றும் நூற்றுக்கும் மேற்பட்டோர், தன்னார்வத் தொண்டர்களாகத் தங்களைப் பதிவு செய்து கொண்டு, கடந்த ஒன்பது நாட்களிலும் திருவிழாவின் பல்வேறு அம்சங்களில் – கோயில் திருப்பணிகளில் தங்களை முழுமையாக ஈடுபடுத்திக் கொண்டு மிகுந்த உற்சாகத்துடன் பேரார்வத்துடன் அர்ப்பணிப்புடன் சேவை செய்தது பெரும் பாராட்டுக்குரியது.

- தினமலர் வாசகர் மு சண்முகம் பெரியசாமி, நியூயார்க்

Advertisement
மேலும் அமெரிக்கா செய்திகள்

மேலும் செய்திகள் உங்களுக்காக ...

அக்., 26ல் சிகாகோ ஶ்ரீ ஷ்ர்டி சாய் பாபா மந்திரில் இந்துஸ்தானி பக்தி பாடல்கள்

அக்., 26ல் சிகாகோ ஶ்ரீ ஷ்ர்டி சாய் பாபா மந்திரில் இந்துஸ்தானி பக்தி ப...

ஶ்ரீ ஷ்ர்டி சாய் பாபா மந்திர், சிகாகோ- அக்டோபர் முதல் டிசம்பர் வரையான பூஜை மற்றும் நிகழ்வுகள்

ஶ்ரீ ஷ்ர்டி சாய் பாபா மந்திர், சிகாகோ- அக்டோபர் முதல் டிசம்பர் வரையான பூஜை மற்றும் ...

அக்., 19ல் தாய் தமிழ்ப் பள்ளிகளின் ஆண்டு கலாச்சார நிகழ்வு

அக்., 19ல் தாய் தமிழ்ப் பள்ளிகளின் ஆண்டு கலாச்சார நிகழ்வு...

நவ., 4- 5ல் ஸ்வாமி வேளுக்குடி கிருஷ்ணன் உபன்யாசம்

நவ., 4- 5ல் ஸ்வாமி வேளுக்குடி கிருஷ்ணன் உபன்யாசம்...

Advertisement
Advertisement
Advertisement

சித்து மனைவி திடீர் விலகல்

புதுடில்லி: இந்திய கிரிக்கெட் அணியின் முன்னாள் வீரரும், காங்கிரசை சேர்ந்தவருமான நவ்ஜோத் சிங் சித்துவின் மனைவி நவ்ஜோத் கவுர். இவர், காங்கிரஸ் கட்சியிலிருந்து ...

அக்டோபர் 23,2019  IST

Comments

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :

New to Dinamalar ?

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

(Press Ctrl+g or click this   to toggle between English and Tamil)
Copyright © 2019 Dinamalar - No.1 Tamil website in the world ( Ulaga Tamilargal Seithikal - NRI ). Designed and Hosted by Dinamalar | Contact us